- AZV: Otro luna tin traspaso automatico di clientenan di dokter Vink pa HOED Piedra Plat
- SETAR a tene su Avigilon ALTA Launch Event cu enfoke riba e futuro di seguridad
- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
Gobierno ta perde caso contra IT manager di Parlamento
ORANJESTAD – Corte a otorga demanda di e funcionario encarga cu IT (Information Technology) di Parlamento, e conocido personahe; Richard Dijkhoff, contra e retiro duna na su persona. Hunto cu e ex griffier, a retir'e di Parlamento, cu e argumento cu e tabata hopi ausente di trabou, cual no tabata haci su trabou corectamente y cu esaki a perhudica Parlamento. E castigo cu el a haya, cu el a bringa (castigo condicional) y awo a gana esaki tambe den corte awe. E base di e sentencia ta, cu gobierno no a actua corecto, mas bien laat y como tal a ‘faya’ pa actua den e caso aki.
RETIRO
Tempo cu e caso inicial di retiro a tuma lugar, esaki tabata hunto cu e tempo ey e ex griffier Bastien, cu e tempo ey si a retir'e, mientras cu Dijkhoff a haya su castigo disciplinario despues di un investigacion. Gobierno a dun'e un retiro condicional, cu ta nifica cu e no ta ehecuta e retiro, contal cu e no comete un fayo den un periodo di dos aña. Ta bringa e griffier su caso na Raad van Beroep. Huez den e caso awor, no a trata ni e culpa cu tabatin contra Dijkhoff, pero a acepta e ponencia di Dijkhoff cu gobierno a actua mucho laat. Parce cu na 2014 e ‘rapport’ contra dje tabata cla, pero a laga Dijkhoff traha normal den Parlamento, te ora cu a haya un reemplazo p'e na juli 2015. Y ta ora cu a ‘werk e in’ e remplasante, a saca e rapport for di lachi y uz'e pa hustifica e castigo contra Dijkhoff. Huez a mustra den e caso ey, cu esey no por y a destrui e decision riba e base aki. Gobierno tin 30 dia pa apela. Lesa e sentencia AKI.
Corte: Caso ‘Isla di Oro’ ta sigui fin di luna awor, cu mesun huez
ORANJESTAD – E caso riba proyecto Isla di Oro, cu a para ora cu a purba ‘wraak’ of destitui e huez en cuestion, ta continua fin di e luna aki, esta dia 29 di April proximo. Tabata dialuna cu corte a dicidi cu e peticion pa ‘wraak’ e huez, no ta valido y como tal e huez por continua trata e caso sin mas. For di informacion cu noticiacla a haya, ta mustra cu e caso lo no dura mucho largo mirando cu tabata practicamente na final di e tratamento, cu e peticion di ‘wraak’ e huez a keda solicita. E caso lo cuminsa pa 2’or y mei di atardi.
Corte a rechasa peticion di gobierno pa kita (wraak) huez di caso Isla di Oro
ORANJESTAD – Corte dialuna (tres huez) a dicidi cu e huez cu tabata trata e caso sumario entama pa Parke Arikock contra di proyecto na ex Isla di Oro, por keda trata e caso aki. Cu esaki e ta rechasa e peticion di parti di Gobierno di Aruba pa destitui y reemplasa e huez en cuestion di e caso en cuestion, A.vd L, di e caso, na Hulandes conoci cu e termino di ‘wraken’. Cu esaki, e caso por continua awor cu e huez en cuestion tratando esaki. E abogado di gobierno a demanda pa e huez en cuestion keda destitui di e caso, debi cu tabata parce cu e huez lo a mustra parcialidad pa cu e caso. Ora cu tin un situacion asina, e abogado por pidi pa kita e huez, osea ‘wraak’ e huez.
OM: Awor Aruba tin hende certifica den Terapia di famia multi dimensional
Abogado Gomez: Leynan pa castiga abuso di bestia, ta deficiente
ORANJESTAD – Leynan y castigonan consecuente pa castiga matralto di animal (mascota) ta hopi deficiente. Asina abogado mr Lincoln “Dello” Gomez a constata e fin di siman aki. Segun e abogado, e ta referi na e caso di e cacho cu a conoce un maltrato cu a conduci na su morto finalmente. Cu esaki pueblo a pidi castigo pa e persona aki. Pero segun e abogado, e ta keda desapunta cu e leynan cu tin den un caso semejante. E abogado ta splica den e video.
Manera anticipa pa Noticiacla: Ex minister Besaril a recobra su libertad
ORANJESTAD – Manera cu Noticiacla.com a informa un dia prome, awe diabierna ex minister Guilfred Besaril a recobra su libertad, despues di tabata deteni pa 24 dia. Diahuebs e portal aki a informa cu Ministerio Publico no ta bay pidi pa prolonga e detencion di e ex minister, a lo menos cu Huez Comisario dicidi otro. Den e caso aki, e HC a opta pa bay cu OM, y a laga sr Besaril den libertad. Esey no kier men cu e ta liber di tur cargo, sino cu e no mester ta encarcela mas mientras cu e investigacion den e caso Tulipan ta sigui. E ta wordo acusa di entre otro malusa su funcion di minister, malversacion y estafa tempo cu e tabata den funcion na Hulanda como minister plenipotenciario durante e prome gabinete Wever Croes.
Ex minister Besaril por recobra su libertad diabierna
ORANJESTAD – Diabierna awor (8 di maart) ex minister Guilfred Besaril por recobra su libertad atrobe. Esaki despues di a sinta su dianan den pre aresto. Ministerio Publico diahuebs a confirma pa Noticiacla cu e periodo di 16 dia encarcelacion ta termina diabierna awor, y no tin intencion di pidi prolongacion.” OM no a pidi pa e sigui den detencion, dus una vez su termijn ta cla, hoogstwaarschijnlijk e lo bay den libertad” e vocero Ann Angela a sigui bisa. Esey no ta nifica cu e investigacion a termina. “ E investigacion ta sigui cana” Angela a sigui bisa. Ta solamente cu e termino stipula ta vence. Si e Huez Comisario sinembargo dicidi di prolonga esaki un biaha mas, e lo bira pa 60 dia. Pero mester bisa mesora, cu si esaki ta e caso mes, no ta nifica cu e ex mandatario tin cu keda sinta tur e 60 dianan.
Follow NoticiaCla
