Ministerio publico lo pidi prolongacion detencion Paul Croes atrobe

Ministerio publico lo pidi prolongacion detencion Paul Croes atrobe

Posted on 11/6/2017 3:16 pm AST | Updated on 11/7/2017 10:05 am AST

ORANJESTAD – Ministerio Publico ta bay pidi prolongacion di detencion di ex minister Paul Croes un biaha mas otro siman den e caso Ibis. esaki ta loke Vocero Ann Angela a confirma na NoticiaCla dialuna. Segun Angela, dia 15 di november proximo e termino di 60 dia encarcelacion ta vence y lo pidi 30 dia extra. Mes momento tin pensa di trata e caso pro forma comienso di december y e caso mes comienso di otro aña. “E tratamento pa verlenging lo tuma lugar prome cu dia 15 (di november)” Angela a finalisa bisando.

E CASO

Tabata dia 12 di september ultimo cu huez comisario a prolonga e detencion di tanto Croes como su chauffeur Aparicio cu 60 dia. Croes a keda deteni dia 21 di augustus di e aña aki riba varios cargo, entre nan; corupcion y contrabanda di hende. Despues a keda prolong’e cada bes y finalmente dia 12 di september el a haya su prolongacion mas largo.

  • Sospechosonan deteni relaciona cu investigacion di arma di candela ilegal

    Sospechosonan deteni relaciona cu investigacion di arma di candela ilegal

    ORANJESTAD - Den cuadro di un investigacion di armanan di candela ilegal, tabatin un huiszoeking den un cas na Caya Butishi riba 14 di november 2017, bou guia di fiscal y hues-comisario. Arrestatieteam (AT) a detene dos persona den e cas. Durante e huiszoeking varios cos a wordo tuma den beslag. Polis a haya sosten di miembronan di AT, di K9-unit, di ME (Mobiele Eenheid) y un search team di Korps Mariniers. E investigacion lo sigui y ta den man di recherche di Santa Cruz.

  • Huez-comisario ta alarga y suspende detencion di Croes

    Huez-comisario ta alarga y suspende detencion di Croes

    ORANJESTAD - Huez-comisario den e casonan penal na Corte di Prome Instancia di Aruba a dicidi awe pa alarga detencion preventivo di e sospechosonan P.T.F. Croes y R.A. den e caso Ibis cu 30 dia. Riba peticion di Ministerio Publico, huez-comisario a suspende detencion di e sospechoso R.A. Ademas huez-comisario a dicidi pa suspende detencion di Croes riba peticion di su defensa. Croes ta sospecha di a haci su mes culpabel di echonan castigabel hopi grave: 'ambtelijke omkoping' (pasivo), malversacion, labamento di placa, falsificacion y 'mensensmokkel'. E schorsingnan ta bou di condicion estricto. Ambos sospechoso no mag di tin contacto directo, ni indirecto cu e testigonan y cu e otro sospechosonan den e investigacion Ibis. Ministerio Publico ta mustra enfaticamente cu e decisionnan di huez-comisario ta solamenta pa trata e detencion di e sospechoso y no e caso penal riba su mes. Huez-comisario a confirma awe atrobe cu ta existi e acusacionnan serio contra Croes y A. E investigacion Ibis lo continua y Croes ta sigui como sospechoso. E plan ta pa finalisa e dossier na maart 2018, despues di cual lo por tin e 'regiezitting' na april 2018.

  • Minister demisionario Paul Croes ta recobra libertad 5'or awe

    Minister demisionario Paul Croes ta recobra libertad 5'or awe

    ORANJESTAD. - Minister demisionario Paul Croes ta recobra su libertad awe tardi 5'or. Abogado Marije Vaders a confirma esaki pa noticiacla. Keda pendiente 

  • OM: No tin detencion ainda den caso di asesinato di Sarahi Sierra

    OM: No tin detencion ainda den caso di asesinato di Sarahi Sierra

    ORANJESTAD – Diasabra awor famia y e conocirnan ta hiba e dama hoben Sarahi Sierra pa su ultimo lugar di sosiego. Mientrastanto e informacionnan cu NoticiaCla a logra acumula awe for di Ministerio Publico, ta trece algun claridad, aunke no hopi. Mientras cu a interoga basta hende, incluyendo famia y bisiña, no tin ningun hende deteni relaciona cu e caso. E investigacion conduci pa e patologo di Corsou siman pasa diadomingo, a produci material cu a manda Hulanda pa Nederlands Forensic Institute (NFI). “Esaki ta bay tuma tempo. Nos ta warda NFI pa duna nos e resultadonan” vocero di ministerio publico Ann Angela a bisa NoticiaCla.

  • Autoridad a kita limitacion poni pa Minister demisionario Paul Croes

    Autoridad a kita limitacion poni pa Minister demisionario Paul Croes

    ORANJESTAD – Autoridad a kita e ‘limitacion’ poni pa Minister demisionario Paul Croes awe tardi. Vocero di Ministerio Publico, Ann Angela, a confirma esaki pa NoticiaCla diaranson atardi laat. Esaki ta significa cu entrante awor, e por tin bishita y por volg media (wak tv, scucha radio, lesa corant) segun Angela. Otro siman hues comisario ta determina si ta suspende e detencion di 60 dia. E fecha cu e detencion ta poni pa vence awor ta dia 16 di november. Ministerio publico a bisa e siman aki na e portal aki cu nan lo pidi pa prolonga su detencion cu 30 dia mas.

  • Contrabandistanan di fuel a haya golpi fuerte di Afpakteam

    Contrabandistanan di fuel a haya golpi fuerte di Afpakteam

    ORANJESTAD - Afpakteam conhuntamente cu varios otro instancia, manera Cuerpo Policial di Aruba, Aduana y Kustwacht, a haci invalnan na diferente adres na Aruba ayeranochi y a detene seis persona. Na varios lugar a haya un cantidad bastante grandi di fuel ilegal, cual a wordo tuma den beslag. Tambe a tuma un speedboat go-fast y e tres vehiculonan cu tabata wordo usa den e contrabanda aki den beslag pa Afpakteam.

  • Powered by SETAR