Oranjestad - Cas di Cultura hunto cu Muse Theather and Events y e elenco di On The Quays a pone Aruba, hari, yora y namora un biaha mas, haciendo e presentacion di e Show di Broadway RENT uno exitoso.Durante e dianan di 1, 3, 4 y 5 di november Cas di Cultura tabata bon bishita pa nos comunidad unda cu nan a gosa di un tremendo Show cu un elenco cu a bin for di New York y asina presenta algo nunca antes mira riba nos isla. Ademas e musica a wordo presenta pa nos banda local cu e coordinador Carlos Bislip, conductor Keiji Ishiguri, riba bass Ivan Quandus, guitara Martin Buitenweg, riba drum Carlos Bislip, keyboard cu Angelo Kock y tambe riba guitara Chuco Hoek. Sigur e combinacion di tur e gruponan envolvi a haci cu Aruba por a aprecia con e calidad internacional y nacional ta hiba nos isla y Cas di Cultura na exito.E elenco mes a keda hopi contento y agradeci pa e acogida cu nan a haya. E grupo di hoben aki a presenta cada show cu hopi energia, entusiasmo y sobre todo hopi amor, esaki tabata e tema principal di e show. E show tambe a wordo presenta na 2100 studiantenan di scol secundario. E studiantenan a haya e oportunidad di cera conoci cu e actornan mas di cerca y hacinan pregunta. Esaki a bay den colaboracion cu varios comerciante, cual di parti di e grupo completo tras di e show aki kier bisanan danki.No solamente comunidad por a mira e actornan riba e escenario, pero tambe nan a percura pa ta involucra den nos comunidad. Bishitando diferente localidad demostrando nan talento y apresio pa e isla di Aruba. Tambe nan a bishita e medionan di comunicacion local cu a habri nan porta pa e ekipo aki.Cas di Cultura, Muse Theather and Events y e elenco di On The Quays kier gradici e comunidad di Aruba pa asisti na e presentacionnan y apoya e hubentud.
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.