Control di trafico den weekend a produci detencion y multa

Posted on 11/5/2017 6:15 pm AST | Updated on 11/5/2017 8:42 pm AST

ORANJESTAD - Diasabra anochi polis di districto di Noord tabata tin un control grandi di trafico. For di 9:00 di diasabra anochi manece te cu 12:30 di diadomingo mainta. Riba Sasakiweg unda antes tabata tin “Different Bar Restaurant” a haci e control di trafico.

Mas cu 10 agente policial a para den total 218 vehiculo di motor di cual 85 boet a wordo parti den 3 ora y mei.Loke cu mas a wordo encontra ta:9 Sin plachi number,9 Rijbewijs, 3 Faha di seguridad, 45 Keur, 10 Belasting Y 3 seguro.

Durante e control tambe a detene 2 persona. Un persona a wordo deteni pa droga y otro persona pa core bou influencia di alcohol. 2 auto a wordo getakel pa incumplimento di e documento nan nesecario y tambe un auto cu a wordo tuma den beslag pa investigacion tocante droga.Cuerpo Policial Aruba lo sigui haci diferente tipo di control rond di nos isla. Sea consciente pa tin bo documentonan na ordo durante un control y tambe pa bisti bo faha di seguridad den tur momento esaki ta pa bo propio seguridad.

  • Curpa haya den lama na Boca Mahos a keda identifica

    Curpa haya den lama na Boca Mahos a keda identifica

    ORANJESTAD - Polis a identifica e curpa di e dama haya den lama na Boca Mahos. Segun vocero di polis, Lito Lacle, pa 14.40 Dokter Texier a constata morto di Mareline (Mandy) Vrolijk naci na Merca di 5 di september 1959. Mientras cu tin informacion ta circula cu e victima tabata sufri di depresion, esaki no por a confirma. NoticiaCla ta manda palabra di pesame na e famianan di e fayecido. 

  • Polis a saca curpa sin bida den lama na Boca Mahos

    Polis a saca curpa sin bida den lama na Boca Mahos

    ORANJESTAD - Autoridad a caba saca un curpa sin bida di un persona femenino den lama na altura di Boca Mahos. Segun vocero policial Lito Lacle a confirma pa NoticiaCla, e melding a drenta 11or cu un curpa tabata drief na e sitio menciona. Den careda di 1'or e boto di polis PB 2 a saca e curpa for di awa y ta transportando e pa tera. No por confirma si ta trata di un hogamento segun Lacle. Keda pendiente pa mas informacion. 

  • Aruba a registra otro caso di asesinato awe marduga

    Aruba a registra otro caso di asesinato awe marduga

    ORANJESTAD - Aruba a registra otro caso di asesinato awe marduga. Segun vocero di polis Lito Lacle, un patruya di polis coriendo na altura di OK Supermarket ta wordo para door un grupo di persona banda di caminda. E patruya ta bin constata cu tin un persona drumi riba vloer cu varios hinca. Personal di ambulans cu a yega na e sitio a purba reanima e persona (masculino) pero envano. Dokter C. Texier a constata morto 06.05 di Chini Tse Mora di Santo Domingo naci dia 19 di october 1977. Fiscal Kardol a tuma e curpa den beslag pendiente mas investigacion. Noticiacla ta manda palabra di pesame na e famianan di e defunto. 

  • Permiso general pa gruponan di Gaita y Dande pa e temporada aki di fin di aña

    Permiso general pa gruponan di Gaita y Dande pa e temporada aki di fin di aña

    ORANJESTAD - Manera ta tradicion di tur aña, Alto Comisario di Polis, mr. Adolfi “Dolfi” Richardson ta convoca un permiso general pa presentacion di gruponan di gaita, folklore y Dande dilanti negoshinan riba nos isla. E permiso aki ta vigente cuminsando for di dia 30 di November 2017 te cu dia 31 di December 2017.

  • Alto Comisario contento cu bishita di presidente di Parlamento nobo

    Alto Comisario  contento cu bishita di presidente di Parlamento nobo

    ORANJESTAD - Diabierna 3 di november ultimo presidente di Parlamento Guilfred  Besaril a bishita korpschef di Cuerpo Policial di Aruba  Dolfi Richardson. E bishita di presidente di Parlamento ta pa conocemento y orientasion. Como colega den Cuerpo Policial di Aruba tabata un honor pa Sr. Besaril den su posicion nobo como presidente di Staten pa hasi un di su prome bishita na Centro di Husticia na Macuarima. Alto Comisario a keda masha contento cu bishita di Sr. Besaril na Cuerpo Policial. Sr. Besaril ta e prome polis den historia di Aruba pa bira e voorzitter di parlamento. Esaki tabata un momento oportuno pa felicita Sr. Besaril mirando cu e ta forma parti di Cuerpo Policial y ela acepta e reto aki pa un funcion importante pa pais Aruba, na Alto Comisario richardson a subraya.

  • A confisca curpa di victima di asesinato y e cas na de Vuyst

    A confisca curpa di victima di asesinato y e cas na de Vuyst

    DE VUYST – Awe mainta tempran autoridad tabata na de Vuyst atrobe pa continua cu e investigacion di e caso di asesinato di e dama Sahari Sierra (19) na de Vuyst di ayera merdia . Ministerio publico ayera tardi laat a confisca e curpa y e cas, pendiente mas investigacion. E ta un proceso normal, den caso di un morto, cu no ta cla kico e causa ta. Unabez cu e causa ta determina, of cu ta conoci cu e causa di morto no ta uno criminal, ta laga e curpa den libertad. No ta conoci cuanto tempo e proceso aki lo dura.

  • Powered by SETAR