A confisca curpa di victima di asesinato y e cas na de Vuyst

Posted on 11/4/2017 12:07 pm AST | Updated on 11/4/2017 2:22 pm AST

DE VUYST – Awe mainta tempran autoridad tabata na de Vuyst atrobe pa continua cu e investigacion di e caso di asesinato di e dama Sahari Sierra (19) na de Vuyst di ayera merdia . Ministerio publico ayera tardi laat a confisca e curpa y e cas, pendiente mas investigacion. E ta un proceso normal, den caso di un morto, cu no ta cla kico e causa ta. Unabez cu e causa ta determina, of cu ta conoci cu e causa di morto no ta uno criminal, ta laga e curpa den libertad. No ta conoci cuanto tempo e proceso aki lo dura.

SITUACION

Ayera tardi mientrastanto e situacion rond di e area di e suceso a bira tenso, ora cu esnan presente a mira un pickup double cabina pasa pazuid di e cas. Ey un grupo di persona a acerca e vehiculo y a cuminsa altera contra esun den e vehiculo. Mesora polis presente a nota cu no por a maneha e situacion nan so y a pidi pa refuerso. Den un rato di ora un cantidad di polis a yega, pa pone orden y a bay cu e persona den e vehiculo. A compronde cu autoridad tambe a confisca e vehiculo. No ta conoci si ta persona di ‘interes’ di polis, of si a hib'e pa otro motibo. Despues a bin trankilidad atrobe na e sitio. Anochi pa algo pasa di 7’or, a hiba e restonan mortal for di e sitio y riba orden di ministerio publico, a confisca e curpa pa investigacion. 

E CASO

E caso mes ta uno di hopi misterio, ya cu no por a compronde e motibo di e morto y mas ainda e forma cu a haya e dama den dje. Completamente sunu, na sanger y cu un saco mara cu waya. E tabata un bista horibel, segun esnan cu a mira esaki. E famianan mes ta ainda den shock y sigur e ruman muher chikito, cu a bin haya su ruman grandi den e situacion penoso ey. Pa loke ta e caso, a compronde cu e mainta ey, ainda el a hiba su yiu creche y lo mester tabata na cas. Den curso di dia e mama di Sahari tabata preocupa cu e no tabata haya contacto cu ne y eynan e cosnan a cuminsa cana. Dado momento e ruman chikito a yega cas y haya su ruman grandi den e situacion horibel riba e di dos piso di e cas.

Anochi e famia a bay un otro caminda pa pasa anochi, ya cu ta obvio cu na e cas ey, nan no por ta mas. Vocero di polis, Lito Lacle, ayera durante dia a splica cu tin un team di experto ta analisando e caso y tin como tarea pa descubri e forma con e dama a perde su bida exactamente, ken a hacie y loke ta mas importante, pakico esaki a sosode. Tur ta pregunta cu e famianan ta kibrando cabez cu ne, memey di nan tristesa y dolor inmenso. Tanto e mama como e pareha, fuera di e resto di famia tabata inconsolabel y no por caba di compronde ken(nan) por a haci un acto asina horibel y con nan bida lo continua sin nan ser keri, cu a keda ranca for di nan, di un dia pa otro.

SARAHI

Sarahi Sierra tabata un dama hoben (19), cu un criatura di 3 aña, cu e tabata adora. Mientras cu el a cuminsa scol bek recientemente, e tabata hopi activo den deporte, particularmente e deporte di volleyball y no mas cu awe mester a inicia un torneo di volleyball. Pero mirando e suceso, a dicidi di cancela e weganan di e torneo di e fin di siman aki. Notabel tabata e avalanche di mensahe di convivencia di parti di su amigonan personal y di e mundo di deporte, cu no por a kere loke a sosode cu nan amiga stima.

  • Atraco arma na un apartamento na Playa awe merdia

    Atraco arma na un apartamento na Playa awe merdia

    ORANJESTAD - Un atraco arma a tuma lugar na un apartamento na Playa awe merdia. Segun vocero suplente di polis Liliana Rasmijn, tabata pa 11:57am na un apartamento na Beaujonstraar cu un atraco a tuma lugar. E cuidadano a tende hende bati na su porta y ora la habri esaki encuestion ta topa cu dos hende homber cu un arma di candela. Nan no tabata tin cara tapa y nan a papia spaño. Nan a bai cu dos cellular, $200, mas afl 400,- . Nan a huy na pia direcion pabao. Mas e cuidadano no por a wak door cu nan a sere den su apartament y no por a sali. E caso ta den man di atraco team . Slachtofferhulp tambe a presenta na e sitio pa duna asistencia na e cuidadano cu a keda den un susto. Ken cu por a wak algo jama tiplijn di polis 11141.

  • Polis a detene 3 Venezolano illegal durante entrada hudicial

    Polis a detene 3 Venezolano illegal durante entrada hudicial

    ORANJESTAD - Awe durante oranan di madruga Recherche di districto 1 a efectua un huiszoeking na un adres na Madiki. Na e adres 3 persona nacionalidad Venezolano (2 hende homber y 1 hende muhe) y ilegal a wordo deteni. Por bisa tambe 1 pistool y municion a wordo tuma den beslag. Pa mas detaye ariba e investigacion tuma contacto cu OM.

  • Polis maritimo a asisti Venezolanonan riba laman

    Polis maritimo a asisti Venezolanonan riba laman

    ORANJESTAD - Awe 7 januari 2018 pa mas o menos 8 am Central di Polis a yama Maritiem Polis cu un boto Venezolano mester a yega Boca Cathalina. Patruya Strand Polis tambe a bai e direccion ey. Na jegada di patruya, Strand enberdad ta topa un boto. Ta trata di e boto registration AQYM 2498 "Las Gemelas". Maritiem polis tambe a presenta na e sitio y a cuminsa cu nan investigacion. A resulta cu dia 4 januari 2018 e boto menciona a sali di Venezuela di porta "Tocopero" cu 2 persona na bordo pa bai pisca. Nan a bai pisca den besindario di penisula di Paraguana. Nan a haya problema cu motor y drief pasa Peninsula di Paraguana voorbij. Nan purba hasi señal cu nan cuchiu pa tera pero sin resultado. Nan a sigui drief bin direccion noord. Nan a keda drief 3 dia riba laman. Nan tawata tin awa so na bordo pero sin cuminda. Door cu nan a tira reda den awa di Venezuela nan tawata tin algun pisca na bordo y asina a cuminsa come pisca kuru. Stroming a hiba nan te trece nan algun miya pabao(west) di Aruba. Door cu nan a waak tera nan a keda purba start un motor y a logra tambe net pa trece nan sera di tera na altura di Boca Cathalina. Pa mas o menos 0600 am awe mainta nan a yega Boca Cathalina. Un di nan a bula na awa bai tera pa busca ayudo. Boto di polis BP 2 a bin terpl. Y a tuma e persona nan over y asina sleep nan boto direccion waf di Barcadera. Personal di immigracion a klaar in e persona nan. Via caminda nan official por a saca afo cu enberdad Venezuela a manda un aviso cu e 2 persona nan aki ta perdi riba laman. Mirando nan tawata cansa y sin come bon e ultimo dianan Rode Kruis a tuma nan over pa asina majan mainta nan traha riba nan boto pa nan por sigui bek direction Venezuela. Maritiem polis a juda nan cu spark plug y fuel pa nan boto. Asina pa nan por jega bek Venezuela sano y salvo.

  • Hopi boet di trafico parti durante y despues di Fakkel

    Hopi boet di trafico parti durante y despues di Fakkel

    ORANJESTAD - Control di trafico di e unidad di motor di polis durante y despues di fakkel a produci basta boet. Segun vocero di polis Lito Laclé a bisa NoticiaCla, un total di 32 boet a wordo repartí.2 invordering rijbewijs den aanhouding di rijden onder invloed, na cual un a supla 1035 ug/l ( esey ta den e grens di alcoholvergiftiging) . Boetnan nan ta varia di verlichting, inhalen, roodlicht, cellular, bescheidenen. Fotonan ta di archivo cortesia KPA. 

  • Total di 24 detencion durante parada di Fakkel

    Total di 24 detencion durante parada di Fakkel

    ORANJESTAD - Durante y despues di Fakkel, tabatin 24 detencion. Segun vocero policial Lito Laclé ,Fakkel a cuminsa pa exactamente 8.10 pm y e last lap a drenta 2.15 am. Di e 24 detencion, 2 tawata pa core influencia di alcohol, 1 cu tawata wordo buska di Husticia. E resto mayoria tawatin di haber cu “Openbare Dronkenschap” of pa bringamento. Tawatin un total di más o menos 150 Polis ariba pia.

  • Tin 150 agente policial cla pa parada di Flambeu 2018

    Tin 150 agente policial cla pa parada di Flambeu 2018

    ORANJESTAD -Cuerpo Policial Aruba ta cla pa inicia un otro temporada di Aruba su carnaval. E aña aki carnaval 64 ta conta cu mas o menos 150 agente policial cu lo ta riba pia pa parada di flambeu diasabra awor dia 6 januari. Cu diferente unidadnan manera K9, Mobiele Eenheid, Cuerpo Especial Arubano, Motor Unit y polisnan uniforma cu lo forma parti di parada di diasabra awor.

  • Powered by SETAR