Move-a-thon en conexion cu dia di diabetes

Move-a-thon en conexion cu dia di diabetes

Posted on 11/2/2017 4:14 pm AST | Updated on 11/4/2017 8:26 am AST

ORANJESTAD - Diabetes ta un problema hopi grandi riba nos isla: 16.24% di e poblacion Arubano ta sufri di Diabetes versus 8.33% di e poblacion di mundo. 50% di pacient di Diabetes no ta na altura cu nan ta sufri di esaki (ainda) y pa e motibo aki no ta tuma of ricibi cuido medico. (https://www.pwc.com/gx/en/industries/healthcare/casestudies/diabetes-in-Aruba.html).

Un grupo grandi di compania y organisacion a uni pa asina por conscientisa e pueblo di Aruba tocante e malesa di diabetes. 14 di november ta e dia oficial di diabetes. Riba 12 di november 2017 lo tuma lugar un MOVE-A-THON en conexion cu dia di diabetes. E evento aki ta organisa pa Botica di Servicio y Medicosmetics Aruba NV cu su producto Glucerna, apoya pa Imsan, Plataforma Promocion di Salud, IBiSa y otro patrocinado (HT ONE, Save a Lot, Cavalier Logistics y Alfresco). E evento aki lo pone enfasis riba movimento y salubridad y lo consisti di un Walk & Run di 5 km, un kidsrun y un workshop di baile. E workshop di baile ta un concepto nobo di dance fitness cu lo presenta pa prome biaha na Aruba! E caminata oficial di 5 km lo inclui registracion di tempo y lo tin premio efectivo pa e top 3 ganadornan den e categoria masculino y femenino.

Carnival Village na San Nicolas lo ta e place-to-be e atardi aki. No solamente pa e fanatico nan di deporte, pero pa un y tur cu tin interes riba e tema di diabetes. Riba e atardi aki tambe bo lo por haya mas informacion tocante con pa biba un bida saludabel, tambe bo por haya un chekeo di salud completamente gratis y e esaki lo ta un actividad saludabel pa nos muchanan.

E programa ta lo siguiente:

4 pm: comienso di evento 5 pm: comienso kidsrun, 600 y 1200 meter – sigui pa entregamento di premio 5.30 pm: workshop di baile 5.30 pm: comienso di Walk & Run 5km sigui pa entregamento di premio 6 pm: baile pa mucha 6.30 pm: dance fitness workshop

Pa registra pa e kidsrun y Walk & Run di 5 km por subi online na: www.diabetesrunaruba.com. Participante nan lo ricibi un t-shirt gratis, boter di awa y snacks saludabel. E prijs pa kidsrun lo ta Afl. 10 y Walk & Run di 5 km ta Afl. 20.

Tur e muchanan cu participa lo ricibi un medaya y e ganadornan di e Walk & Run 5 km lo ricibi premio cash. E persona cu sali na tercer lugar lo ricibi Afl 50, e persona cu sali na di dos lugar lo ricibi Afl 100 y e persona cu sali na promer lugar lo ricibi Afl 150.

Ta di gran importancia pa trece conscientisacion di diabetes na Aruba pa asina preveni nos yiu- y famianan sufri di e malesa aki. Nos ta spera bo dia 12 di november na Carnival Village San Nicolas!

 

 

  • Aruba Bank ta cla pa su evento deportivo Walk & Run 2024

    Aruba Bank ta cla pa su evento deportivo Walk & Run 2024

    ORANJESTAD - Durante una conferencia di prensa na Aruba Bank, e institucion financiero a anuncia e fechanan di e evento di walk and run mas grandi, patrocina pa un banco, den nos comunidad.  E di 18 edicion di “Aruba Bank Walk & Run 2024”a wordo anuncia cu e lema “Feel The Heartbeat”, conhuntamente cu partners Subway, y IBiSA. Aruba Bank Walk & Run ta dianan 20, 21, 22 y 23 di mei.

  • Diferente scol di karate a participa na campeonado “Aruba Dushi Tera 2024”

    Diferente scol di karate a participa na campeonado “Aruba Dushi Tera 2024”

    ORANJESTAD: Riba diasabra 23 di maart ultimo, diferente “dojo” (scol di karate) a participa na e campeonato “Aruba Dushi Tera Karate 2024” organisa pa Aruba Karate Bond. Presidente di Aruba Karate Bond, “sensei” Gustavo Velazquez y directiva, ta felicita tur atleta, instructor y mayor cu tabata presente pa apoya e competencia. Igualmente ta gradici e publico cu tabata presente.

  • Hungadornan di Aruba a resalta durante e di dos ABC Beach Tennis Cup na Bonaire

    Hungadornan di Aruba a resalta durante e di dos ABC Beach Tennis Cup na Bonaire

    ORANJESTAD – Hungadornan Arubiano di beach tennis e fin di siman aki a bolbe resalta den e deporte. E di dos edicion di  Beach Tennis Cup a tuma lugar e fin di siman aki na Bonaire unda cu 80 ekipo cu 160 hungador a participa. 

  • Republica Dominicana ta gana Aruba den futbol amistoso den weekend

    Republica Dominicana ta gana Aruba den futbol amistoso den weekend

    SANTO DOMINGO – Seleccion di futbol di Republica Dominicano a gana e seleccion nacional di Aruba den un wega amistoso den fin di siman, cu score di 2-0. Awor nan ta prepara pa biaha pa Lima, Peru pa e siguiente encuentro.  E wega mientrastanto di diasabra a cuminsa 6’or di atardi, den e stadion Cibao FC, naSantiago. E golnan tabata di Michael Sambataro, na di 60 minuut di e partido, y Erick Japa na di 83 minuut di e partido.  

  • Diasabra atardi Aruba ta hunga fubol contra Republica Dominicana

    Diasabra atardi  Aruba ta hunga fubol contra Republica Dominicana

    SANTO DOMINGO – Seleccion di futbol di Aruba ta hunga  contra Republica Dominicano diasabra awor. Esaki ta pa preparacion pa e Liga di Nacionan di Confederacion CONCACAF, den e liga B. Mayan diasabra 23 dimaart, Aruba ta hunga den stadion los Cibao FC, na Santiago de los Caballeros y dia 26 nan ta hunga atrobe pero contra Peru, den e capital Lima.  

  • Coredo di F1 Carlos Sainz ausente na Grand Prix Arabia Saudita e weekend aki

    Coredo di F1 Carlos Sainz ausente na Grand Prix Arabia Saudita e weekend aki

    ABU DHABI – Coredo di auto di careda Spaño Carlos Sainz no ta participa na e Grand Prix di Arabia Saudita e fin di siman aki. E tin cu opera appendicitis. E lo keda reemplaza cu e reserva Oliver Bearman cerca Scuderia Ferrari. Siman pasa Ferrari tabata bon den e careda y tabata spera mesun cos e fin di siman aki. Bearman ta un prospecto nobato. 

  • Powered by SETAR