SWIKERS Tri-atletanan ta contribui na Jordan Ling Foundation

SWIKERS Tri-atletanan ta contribui na Jordan Ling Foundation

Posted on 11/2/2017 10:19 am AST | Updated on 11/2/2017 10:31 am AST

ORANJESTAD - Durante e fin di siman di october 20-22, Palm Beach tabata e sitio pa e prome Aruba Endurance Festival, desplegando e di dos triatlon internacional, cu a tuma luga riba nos isla. E tabata un fin di siman dedica na e fitness pa henter famia, cu exposicion, un Splash y Dash pa e hubentud local y varios actividad informativo y saludabel, culminando cu e atletanan profesional competiendo den un triatlon agotador riba diadomingo.

Participando y representando Aruba tabata SWIKERS(SWimmers, bIKErs, y RunnerS), cu ta un grupo di amigo dedica y 'fitness freaks' entusiasma. Organisador y presidente, A.J. Marchena, a propone pa e grupo tuma e oportunidad di e evenemento pa vitrina e trabounan importante di un fundacion local via recaudacion di fondo.

E grupo a ricibi hopi sugerencia como causa digno cu lo beneficia nan esfuersonan. En realidad nan a pone riba nan Facebook page pa un sondeo, lagando e decision na nan fananticado- y amigonan, y A.J. Marchena a raporta: “E tabata casi unanimamente cu nos lo apoya e Jordan Ling Foundation”.

A introduci e fundacion originalmente durante un conferencia internacional di conscientisacion mental, cu a tuma lugar na Aruba na october 2016. Funda door di Jordan su mayornan, Ingrid y Clifton, y su ruman, Dustin, unda a dedic'e na su memoria, despues di Jordan su fayecimento tragico. E fundacion su meta ta pa “promove comprendimento di e problemanan psicologico, e tolerencianan grandi y elimina stigmatisacion frecuentemente afilia cu esaki”. E miembronan di SWIKERS a lanta un suma di AWG. 2000.00 door di diseña t-shirt atractivo, haci riba nan mesun gastonan. Y pa nan gran encanto, e participante- y espectadornan tabata hopi contento pa apoya nan causa y nan a casi bende tur nan shirtnan cu nan a manda busca.

Famia Ling a keda bon representa e diasabra atardi y sumamente gradicido na SWIKERS pa nan donacion y atencion di nan parti, pa tira e spotlight na e causa importante aki. SWIKERS su miembronan ta inclui: A.J.Marchena, Ramon Más, Nizana Solognier, Trevor Eman, Jerusho Fernandez, Dirk Ormel, Steve Laclé, Alex Cybul, Carolina Raven, Richard de Veer, Gary Barnes, Roald Dennert, Arthur Ruiz, Reginald Geerman, Dennis Schoneveld, Jeff Lopez, Joey Koevermans, Linda Smith, Lucien Dirksz, y Inemar Lopez de Parili.

Pa informacion di e Jordan Ling Foundation, wak nan Facebook page: https://www.facebook.com/jobrofo/. Pa donacion, busca nan online donation website riba You Caring: https://www.youcaring.com/paaz-mental-health-organization-in-aruba-463971.  E contribucionnan ta destina pa PAAZ di dr. Horacio E. Oduber Hospital Aruba.

        

                 

                 

  • Italia ta domino durante ITF Aruba Open 2017

    Italia ta domino durante ITF Aruba Open 2017

    ORANJESTAD - Diadomingo ultimo, a jega su final, e evento mas grandi di deporte na Aruba y alaves e evento number uno di mundo, esta Beach Tennis Aruba Open 2017. Eagle Beach un biaha mas a keda chikito, cu sigur un alrededor di 2 mil hende riba e anochi final di e torneo aki

  • Beach Tennis Panamerican Championship 2017 a cuminsa

    Beach Tennis Panamerican Championship 2017 a cuminsa

    ORANJESTAD - Den un Tropicana Beach Tennis completamente yen, ITF conhuntamente cu Beach Tennis Aruba a haci e apertura official na e ITF Panamerican Championship pa e aña aki. Cu presencia di tur pais, cu excepcion di Bonairo kende nan vuelo no a yega na tempo, e desfile a tuma lugar.E anochi a habri cu un press conference caminda representante di ATA, Sra. Tita Iglesias, pa ITF tabata presente Massimo, Vini Font kende a representa e ekipo di Brasil como e ekipo campeon di 2016, Maud Celaire representando su ekipo di Aruba y na ultimo, e representante di Aruba Lawn Tennis Bond, Sr. Ronny Tchong.Pa a duna inicio official na e weganan Panamericano, e ekiponan di Bolivia, Ecuador, Chile, Puerto Rico, Colombia, USA, Venezuela, Argentina, Brasil y e team local di Aruba tabata bon representa. Un atmosfera increibel, cu presencia di bastante siguidor di e deporte di Beach Tennis, cu unicamente a segura tur presente, cu e aña aki un biaha mas, nan por spera hopi ambiente riba veld y pafor di e veldE prome weganan lo cuminsa diabierna mainta pa 9or y atardi lo cuminsa bek desde 5or te den anochi. Diasabra mainta 9or e weganan lo continua pa 9or di mainta y lo cuminsa bek den atardi pa 4or. E semifinal nan lo tuma lugar diadomingo pa 10or y tur e dianan y orario nan menciona lo tuma lugar na Tropicana Beach Tennis Club. Diadomingo atardi pa 4or lo cuminsa e finalnan, cuminsando cu e hubenil, sigui pa final di doubles female, doubles male y e anochi lo termina cu e final di mix doublesRIba e compilacion di potret por tuma nota di con e anochi a bay.

  • Coca Cola Nacional a keda na di 3 lugar den Copa ABC

    Coca Cola Nacional a keda na di 3 lugar den Copa ABC

    ORANJESTAD - E ekipo campeon di futbol division di honor di Aruba di aña 2016-2017, esta Coca Cola Nacional a competi den e A-B-C Cup na Boneiro y a keda na di 3 luga. Diabierna anochi nan a hunga contra Real Rincon y a perde e wega aki, mientras cu diadomingo nan a topa Uruguay di Boneiro. Nan a bay cu e victoria riba e team di Boneiro cu e score di 4-2 y asina a keda na di 3 luga.

  • Sv Britannia Total Finance/Bright Bakery ta gana Riverplate 2-1

    Sv Britannia Total Finance/Bright Bakery ta gana Riverplate 2-1

    ORANJESTAD - Diasabra anochi tabata tin continuacion di campeonato di AVB ora cu e pumanan esta Sv Britannia Total Finance/Bright Bakery a topa cu e muchanan di Madiki esta Riverplate. E alinacion di Sv Britannia tabata ta; Arthur Werleman, Carl Geerman, Rodymar Paesch, Carlos Caro, Glembert Kock, Nino Ulises, Renier Paraez, Luis Estrada, Jean-Marc Farro, Hugo Martina y Rafy Godoy. Den e prome 30 minutnan di wega Sv Britannia Total Finace/Bright Bakery a domina e wega completo y ta anota 2 gol trempan den wega. E prome gol a wordo anota pa Luis "Coco" Estrada cu ta bai laga ariba banda robes y ta fusila e keeper di Riverplate na di 7 minut di wega pa e 1-0. Ta na di 27 minut di wega ta e propio Luis Estrada cu ta bai laga atrobe banda robes y ta duna un voorzet pa Rhaf Godoy kende no ta basila y ta slice pa anota e di 2 gol pa Sv Britannia bai ariba 2-0. Na di 35 minut di wega Riverplate ta hana un free kick y aki ta unda cu Kendric Paulina ex-hungador di Britannia cu ta tuma e tiro liber na su cuenta y ta anota e gol di corta ventaha pa Riverplate y hasi e wega 2-1. Nos por menciona cu na di 22 minut di wega e defensa central di Britannia esta Rodymar Paesch ta leciona na su hamstring y mester a bandona tereno. For di e momento ey nos por a wak cu e defensa di Britannia a perde confiansa y no tabata asina stabil mas. Den di dos tempo Riverplate a bin por la coma pa empata e wega y nos por bisa cu si no tabata pa Arthur Werleman cu a trese algun salbacion y stroba Riverplate di empata e wega. Cambionan cu Sv Britannia Total Finance/Bright Bakery a hasi ta; Alex Moreno a drenta pa Rodymar Paesch na di 22 minut, Luis Murillo a drenta na lugar di Glember Kock na di 46 minut, Leyon Croes a drenta pa Hugo Martina na di 76 minut, Moises Castro a drenta na lugar di Alex Moreno na 76 minut y Wim Oosthoek a drenta na lugar di Rhaf Godoy na di 87 minut. Cu e score di 2-1 tambe refree de Leca ta caba e wega y asina Sv Britannia Total Finance ta bai cas cu e 3 puntonan y asina e pumanan ta acumula 7 punto den 3 wega. 

  • Move-a-thon en conexion cu dia di diabetes

    Move-a-thon en conexion cu dia di diabetes

    ORANJESTAD - Diabetes ta un problema hopi grandi riba nos isla: 16.24% di e poblacion Arubano ta sufri di Diabetes versus 8.33% di e poblacion di mundo. 50% di pacient di Diabetes no ta na altura cu nan ta sufri di esaki (ainda) y pa e motibo aki no ta tuma of ricibi cuido medico. (https://www.pwc.com/gx/en/industries/healthcare/casestudies/diabetes-in-Aruba.html).

  • Britannia a bay cu victoria riba RCA

    Britannia a bay cu victoria riba RCA

    ORANJESTAD - Diabierna anochi e campeonato di futbol Division Honor di Arubaanse Voetbal Bond (AVB) a continua cu e encuentro entre RCA y Britannia. Ambos ekipo a purba crea peliger por medio di nan delanteronan. Durante wega tabatin algun tiro riba gol pa ambos ekipo, pero sin mucho peliger. Britannia tabatin algun oportunidad clave pa habri e marcado, pero no a sa di probecha di esaki. Britannia a bay cu e victoria di 1-0 contra di RCA.

  • Powered by SETAR