ORANJESTAD - Dia 26 pa 28 di october 2017 lo tuma lugar pa di tres aña e conferencia unico di tecnologia y innovacion, ATECH* organisa pa profesionalnan local. E magno evento aki lo pone enfoke riba e importancia di tecnologia den negoshi y bida diario pa un empresario.
Varios companianan na Aruba a inverti den nan empleado pa 3 dia di inspiracion, workshops y ‘learning’. ATECH atrobe lo trece varios speakers y investors internacional manera John Henry di Harlem Capital Partners, Justin Hallsal di IBM, y Rosabell Illis, un profesional y artista local, na Aruba pa forma parti di ATECH Conference 2017. Empleadonan lo conoce e ‘latest trends’ mundial den marketing, blockchain, internet of things, coding, e-commerce y mucho mas via varios workshops y break-out sessions.
Segun un estudio haci door di Gallup Research, a resulta cu companianan cu dicidi di inverti den nan empleadonan su desaroyo, e chance ta mas grandi cu nan lo keda fiel cu e compania pa gran parti di nan carera profesional. Compania cu ta haci esaki cu frequencia, ta companianan cu ta wordo renombraden e lista di Fortune’s ‘Best Companies To Work for List’ manera Google, Cisco y Adobe.
ATECH Conference sigur lo bay ta un evento pa tur esnan cu kier sa kico ta e ultimo trends den tecnologia, innovacion, transformacion digital, pero tambe cu kier wordo inspira.
Pa mas informacion tocante ATECH y nan Corporate Group Discount, manda un e-mail na [email protected] Por sigui ATECH ariba www.facebook.com/ATECHConference of por download e app di ATECH riba iTunes y Google Play gratis.
ORANJESTAD - Desde 2019 131 a incorpora un Conseho Hubenil den nan organisacion. E Conseho Hubenil di 131 su tarea ta pa primeramente duna conseho solicita y no solicita na e organisacion. Tambe nan ta duna conseho ariba proyectonan di 131, prome cu nan ser implementa. E Conseho Hubenil di 131 ta duna e organisacion un bista cu precision di kiko ta pasando bao di mucha y hoben y pakiko.
ORANJESTAD - Den cuadro di transparencia y informacion nos di Horacio Oduber Hospital ta comparti cu boso e cifranan pa loke ta luna di februari 2024. Como Hospital ta importante y alabes interesante pa duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto baby a nace durante luna, cuanto pashent a regresa cas despues di admision y mas.
ORANJESTAD – Faltando 4 luna pa e eleccion presidencial di Venezuela, un grupo di Venezolano residencia na Aruba a expresa su preocupacion y frustracion ‘pa e ausencia di material electoral den Consulado (di Venezuela) na Oranjestad. Asina e portal di Venezuela LaPatilla.com ta raporta. Segun e portal, un grupo di Venezolano a presenta nan disgusto na e sede di Consulado. Mes momento nan a informa nan mes di e rekisitonan nobo cu ciudadanonan Venezolano residencia na Aruba mester cumpli cu ne pa por eherce nan derecho di voto: Carda di Censo, y cedula di identidad di Aruba, y pasaporte y cedula Venezolano vigente.
ORANJESTAD - Aruba Tourism Authority (A.T.A.) a firma acuerdo di un aña cu Fundacion Parke Nacional Aruba (FPNA). Cu e acuerdo strategico aki, A.T.A. ta reafirma su compromiso pa sigui traha di cerca cu FPNA como un sosten mutuo pa cu esfuersonan continuo den proteccion y preservacion di nos naturalesa..