- Corte a rechasa peticion di gobierno pa kita (wraak) huez di caso Isla di Oro
- Rafael Nadal: Mi ta considera esaki como mi ultimo aña (hungando tennis professional)
- Diamars minister tin cu duna cuenta na Parlamento riba imigracion
- Carlos Bislip cu concierto gratis di JAM riba Dia Mundial di Jazz
- Cu un beca Tula, un studiante di Corsou por haci estudio di historia na Hulanda
Sinterklaas ta yega Aruba dia 19 di November
ORANJESTAD -E temporada di mas dushi di e aña ta yegando. E muchanan ta pendiente cu e yegada di Sinterklaas y pa cu esaki Aruba Bank un biaha mas ta contribui. Sinterklaas lo yega Aruba dia 19 di November 2017 y lo drenta na waf pa 10:00am.
Pa hopi aña Aruba Bank ta sostene fundacion di Sinterklaas pa yuda organisa e yegada di Sinterklaas. Nan ta haci esaki pasobra Sinterklaas ta un celebracion y e ta un tradicion cultural grandi den nos comunidad. Fundacion Sinterklaas ta logra organisa yegada di e homber santo cu colaboracion y sosten di Departamento di Cultura Marinierskazerne Savaneta, APA, Polis, Serlimar, DOW, Crus Cora, Elite Productions y Aruba Bank cu a contribui cu Awg 5000,- pa yuda realisa e yegada di Sinterklaas.
E yegada lo ta diadomingo 19 di November 2017, unda pa 10:00am Sinterklaas y su Pietnan lo yega e Cruise Ship Harbor. E barco lo mara na e Cruise Ship Terninal unda cu ta bay tin un ceremonia pa yama Sint y Piet "Bon Bini" cu un baile y musica, despues nan ta sali fe e gate nr.1 cu ta cay net riba Weststraat unda antes tabata Carlos & Charlie of Ex Ritz bira na man drechi subi L.G. Smith Blvd, pasa dilanti Royal Plaza sigui bay ariba ruta straight pasa dilanti Talk of The Town pa termina na Plaza Betico Croes.
Durante e ruta lo bay tin e brommernan di Harley Davidson cu ta bay compaña e parada. Tambe lo bay tin hopi Piet, kendenan lo parti mangel p’e bon muchanan. Riba e ruta tambe ta bay tin Piet cu ta haci show y mucho mas.
Evento riba Plasa Betico Croes lo cuminsa 10:00am, pa 11:00am lo tin presentacion di canto y baile di diferente grupo hubenil y infantil. Tambe p’e muchanan por sigui disfruta di e dia lo tin kids corner cu dino jump, carrousel, pinta cara, tentnan di dushi cuminda y refresco pa kita sed, cotton candy, popcorn y mucho mas.
Carlos Bislip cu concierto gratis di JAM riba Dia Mundial di Jazz
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
Aruba One Happy Island Lions Club y Friends of Lions a yuda mas di 500 personaden necesidad
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
Conocido musico Ivan Jansen reconoci pa su ’contribucion na herencia cultural di Aruba’
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
Conocido ciudadano Alice van Romondt ta enfoke principal di un documentario nobo
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.
Botica di Servicio ta Celebra 5 Aña den Servicio di Anoeska Wever y Dennis Diaz
Acuerdo firma cu Kiwanis Club of Palm Beach ta garantisa continuidad di Fundacion Neptali Henriquez Park
ORANJESTAD – Kiwanis Club of Palm Beach Aruba (KCPB) ta sumamente contento di anuncia cu a firma un acuerdo di cooperacion importante cu fundacion Neptali Henriquez Park, cual lo garantisa e continuidad di e parke di recreacion pa mucha. E acuerdo aki ta importante pa e muchanan tin un lugar safe pa hunga y pa sigui promove bienestar di e comunidad.
Follow NoticiaCla
