Polisnan di Flex-Team man yen cu diferente incidente

Posted on 10/19/2017 11:54 am AST | Updated on 10/19/2017 11:55 am AST

ORANJESTAD - Den e ultimo simannan di september y comienso di october polisnan di Flex-Team a tene diferente control pa alcohol y cualkier incidente cu por tin riba caya. Nan a tene control, di cual tabatin detenido, caso di destruccion y di intoxicacion. Riba dia di mini mega, e jackpot tabata halto y pa cu esaki polisnan a controla tur luga di catochi pa evita ladronicia.

AVP a tene nan parada dia 20 di september y durante esaki ningun incidente a sosode. Na mes momento a controla e actividad di MEP cu a tuma luga na e Centro di Santa Cruz. Cerca di e Cede di MEP, un homber a acerca polisnan di Flex-Team y informa cu desconocinan a pone un substancia den e cos di bebe di su yiu muhe. Esaki a pone e yiu tabata bou di influencia di un substancia y cu esaki por ta “Flaka”. A pidi asistencia di ambulance pa hiba e dama hospital. Tabatin un accidente entre auto y brommer y pa cu esaki a desvia e trafico pa tur hende por a sigui nan caminda, despues no tabatin ningun incidente.

Dia 21 di september pa 1:10 di marduga a drenta informacion cu na Daimari tabatin un posibel “dropping”. A controla pero no a topa cu nada. E trabou a continua unda cu durante e Parada di victoria di MEP a tene control, pero no tabatin nada particular. A sigui cu e controlnan y a bin topa cu aglomeracion di hende den area di Manuelitos, Cirkle-K, Hotel Bacarat, pero tambe areanan di vivienda na Noord, Madiki, Seroe Patrishi unda cu a trata e aglomeracion cu man duro. Polisnan di Flex-Team a pasa controla banda di Lekker y De Olde Molen, Cas Casuela, pa percura cu tur hende a move rapidamente despues cu e luganan a cera.

Polisnan tabatin man yen unda cu na Eagle Beach tabatin aglomeracion di hende den oranan laat y nan tabata bebe alcohol cu musica halto y a pidi nan pa baha esaki. A tene control riba esunnan cu di un manera of otro tabata mustra sospechoso. E gruponan a keda diadomingo te oranan di anochi laat cu musica duro, pero ta tolera te 11:00 PM musica riba un nivel abou. Den e parkeerplaats di The Village tabatin un grupo di persona den oranan laat para y nan tabata consumi alcohol. Aki e polisnan cu man duro a core cu nan for di e sitio y a controla esunnan cu tabata mustra sospechoso.

Hopi hende a bay San Nicolas pa disfruta e Carrubean Festival y a tene diferente control. Banda di e veld di basketball den Village tabatin un grupo di hoben cu musica duro y nan a paga esaki. Den Rembrandstraat cerca di e barberia tabatin algun hoben den un auto cu tabata toca musica duro y a atende cu nan, unda cu a paga e musica. E anochi aki tur cos a sigui trankil, mientras cu na e evento di Carubbian no tabata druk.

Riba dia di eleccion a hiba control na e urnanan y pa 7:00 PM na diferente urna tabatin polis di Flex-Team, unda cu despues a guia e president di urna pa Censo. E anochi aki a detene J.R.R.R. pa motibo di a comete destruccion, tambe a detene S.Q. pa motibo di ta burachi riba caya. Banda di Bureau Examen Rijbewijs a bin topa cu un homber tira riba trottoir y ora cu a yega mas cerca a nota cu e tabata bou di influencia di alcohol. A hiba e homber pa Warda na Macuarima p’e por recupera. Tambe a tene diferente control riba diferente auto y a haya un cantidad chikito di marihuana, saco di cocaina, algun piedra di cocaina, sker, cuchiu y a tuma den beslag marihuana malers. Den resumen di e 38 siman di accion tabatin como resultado: 70 control, tabatin 2 detenido, 1 caso di destruccion y 1 caso di intoxicacion.

Aruba presente na Merca pa congreso di crimen cibernetico
PITTSBURGH - Pa mehora e habilidad riba e crimen cibernetico y fortalese e lasonan cu diferente departamentonan investigativo, commisario di polis Robert Candelario hunto cu diferente coleganan den region a forma parti di e congreso “ Disruption 2024” cu a tuma lugar na Pittsburgh Pennsylvania na Merca.
Mas Polis
Lesa Mas
Aruba ta conoce su di 4 morto di trafico pa 2024
ORANJESTAD - Diadomingo anochi pa mas o menos 11:15 central di polis ta wordo notifica di un accidente riba e caminda di Camacuri na altura di Aruba Bank. Un auto lo a alcansa un peaton.
Mas Polis
Lesa Mas
Wardacosta ta controla boto local y ta haya droga abordo
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
Mas Polis
Lesa Mas
Marco Tromp (80) a bira e di 3 morto di trafico di 2024
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
Mas Polis
Lesa Mas
Warda Costa a evacua pasahero malo di barco crucero y trece Aruba
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
Mas Polis
Lesa Mas
Wardacosta lo controla botonan riba lama durante Semana
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
Mas Polis
Lesa Mas