- Kes the Band di Trinidad confirma pa Flip Flop Festival na juni!
- DVG: A cuminsa hospitalisa hende localmente infecta cu Dengue
- Minister na Merca ta lobby cu banconan pa fia 160 miyon dollar
- Hulanda dispuesto pa yuda paisnan den Caribe cu asunto di refugiadonan
- WEB Aruba ta firma acuerdo cu Seven Seas Water Group pa construi planta SWRO-3
Geschillenregeling pa minister nobo Asuntonan di Reino Hulandes
DEN HAAG — E tema di geschillenregeling pa Reino Hulandes ta keda pa e proximo minister encarga cu Asuntonan di REino y e gabinete HUlandes nobo. Asina e corant di St Maarten, The Daily Herald ta raporta. Segun e minister saliente Ronald Plasterk, e ta considere apropia pa su successor atende cu e asunto aki. Esaki mas probable lo bira Kajsa Ollongren (D66), e actual alcalde di Amsterdam.
PROPOSICION
E proposicion actual pa establece un regulacion contra disputa pa Reino ta controversial y a hala critica di islanan Aruba, Corsou y St Maarten. E version actual no ta conta cu nan aprobacion y a wordo constipia sin nan consentimiento.
E ley a wordo manda pa Raad van State pa conseho ora cu e proposicion mutuo no a materialisa.
Parlamento Hulandes (Tweede Kamer) no kier mas retraso den e caso aki. Mientrastanto Raad van State a manda su conseho pa Plasterk, pero esaki ta keda ‘secreto’ te ora cu e mande pa discussion den Tweede Kamer.
E critica cu e islanan Caribense Hulandes tin ta dos. E ley proponi no ta mara e entidad cu tin cu ehecuta e regulacion, pero ta meramente duna un ‘conseho’, di cual Reino Hulandes por ‘desvia di dje’ si nan kier. E proposicion tambe ta limita e grado di discussion riba e decision di conseho di minister di Reino, no e autoridad di Reino Hulandes.
Directora di Arubahuis a atende “Kennismissie” di OC&W na Aruba y Curaçao
DEN HAAG – Directora di Arubahuis a mr. Joselin Croes a participa na e “Kennismissie” di Minister di OC&W Robbert Dijkgraaf na Curaçao y Aruba. Na Aruba e punto central tabata con educacion ta conecta cu e mercado laboral: e situacion actual, pero principalmente con e demanda di enseñansa ta cuadra cu e necesidad di e mercado laboral.
Pareha Real Spaño a inicia bishita na Hulanda, cu participacion di prinses Amalia
AMSTERDAM – Rey di Spaña Felipe y Reina Letizia a cuminsa na nan bishita oficial di dos dia na Hulanda. E bishita a cuminsa riba plaza Dam unda cu tabatin tiro di saludo riba e tereno di marina. No a usa municion sino mas bien blanco. E diferencia di e bishita aki ta cu e biaha aki prinses Amalia tambe ta inclui den e bishita. Awe nochi e ta forma parti di e cena Real na honor di e pareha Real Spaño. Amalia tin un relacion special cu Spaña ya cu e la pasa un aña eynan recien debi na motibonan di seguridad pa su bida. Mientrastanto e la bolbe Hulanda pa biba y sigui studia. Pero e situacion di seguridad y menasa contra dje, no a kita ainda.
Decenas di buelo anula na Schiphol debi na fuerte rafaga di biento
SCHIPHOL – Decenas di buelo a keda anula dialuna na aeropuerto Schiphol di Hulanda debi na mal tempo. Ta primordialmente buelonan dentro di Europa mes. Buelonan pa Caribe Hulandes manera Aruba no a keda afecta. Ta trata di 90 buelo cu a keda anula, di cual mayoria ta di KLM. Ta spera rafaga di biento fuerte cu posibel mal tempo, segun un vocero di e aeropuerto.
Aunke interes ta minimo riba e islanan, lo sigui tene conferensia di Reino riba clima 2025
W’STAD/DEN HAAG - Minister Hulandes demishonario di Klima i Energia, Rob Jetten a anunsiá durante un reunion di e komishon fiho di Relashonnan den Reino di parlamento Hulandes ku na 2025 ta organisá e di dos konferensia di klima di reino na Kòrsou. Esaki despues ku e promé konferensia a tuma lugá na mei 2023 na Aruba. El a katalogá e promé konferensia sumamente eksitoso ku partisipashon di diferente pais den region. E ta interesante mirando cu na mei na Aruba Jetten a informa Noticiacla cu e interes pa asuntonan di Clima ta casi nulo, pasobra tin problemanan mas importante cu esey pa atende. Asina mes, ta sigui tene e conferencianan.
Na Hulanda partidonan kier keda cla cu formacion di gobierno mitar di mei
DEN HAAG – Negosacionan pa forma gobierno nobo na Hulanda ta continua awe. E lidernan di e 4 partido ta hunto prome biaha cerca e informado. E intencion ta pa logra un acuerdo pa mitar di luna di mei di e aña aki ainda. Pero na final di e combersacion, Geert Wilders di PVV no por a sigura esaki ainda. Partidonan ta hopi positivo pa e progreso, pero ainda no por bisa si ta logra e meta menciona. Algun medio ta bisa cu e combersacionan ta bayendo hopi lento, pero e partidonan ta desmenti esey. E parti financiero ta e parti mas dificil pa atende. Na November di aña pasa tabatin eleccion y a cuminsa negosha. Ya ta bayendo pa 5 luna di formacion.
Inicio programa di investigacion cientifico internacional di pasado di sclabitud
ORANESTAD - E pasado di sklabitut kolonial di Hulanda i su impakto a forma diferente pais rònt mundu profundamente. Tòg e konosementu ku ta disponibel tokante e pasado di sklabitut kompartí akí ta skirbí partikularmente for di perspektiva kolonial. Pa enrikesé nos perspektiva, minister Dijkgraaf (Enseñansa, Kultura i Siensia) ta inisiá un koperashon global di sientífikonan riba e tópiko akí awe na Aruba. Esei el a anunsiá awe durante un mishon di konosementu den Karibe.
Follow NoticiaCla
