DEN HAAG – E gabinete nobo di Hulanda, Gabinete Rutte III ta hayando forma. Asina e corant Elsevier ta raporta awe mainta. Nombernan di e proximo ministernan ta birando conoci y ta leak tur dia. Aki dos siman e gabinete completo nobo lo ta riba e asina yama ‘bordes’, cu Rey Willem Alexander.
ANK BIJLEVELD
Un di e nombernan interesante cu t'ey, ta un bon conoci di Aruba cu ta Ank Bijleveld cu antes tabata secretario di estado pa Asuntonan di Reino, cu awor ta bira e proximo minister di defense. Actualmente e ta comisario pa Rey. Varios otro nomber ta wordo menciona, pero awor tin cu dicidi si tur ta tuma e posicion, pa asina por cuminsa cu e proceso di screening. Loke ta conoci ta cu e gabinete lo conoce 16 minister y 8 secretario di estado. Esey ta 3 minister mas cu gabinete Rutte II tabatin.
E LISTA PRELIMINARY DI MINISTER
Premier: Mark Rutte (VVD)
Finanza: Wopke Hoekstra (CDA
Asuntonan di Reino : Kajsa Ollongren (D66)
Salud: Andries Heidema (ChristenUnie)
Enseñansa: Ingrid van Engelshoven (D66)
Husticia Ferdinand Grapperhaus (CDA)
Seguridad: Sander Dekker (VVD)
Asuntonan Economico y Clima : Eric Wiebes (VVD) – Agricultura : Carola Schouten (ChristenUnie)
Asuntonan social y Labor: Wouter Koolmees (D66)
Defensa: Ank Bijleveld (CDA)
Relacionan Exterior: Halbe Zijlstra (VVD
Desaroyo y Comercio International: Tom de Bruijn (D66)
Infrastructura: Cora van Nieuwenhuizen (VVD)
Imigracion y Integracion: No ta conoci ainda.
Diabierna awor dia 20 di october e lidernan politico ta tuma e desicionan final pa despues Rutte tene e ‘reunionnan di solicitud’ pa despues departamentonan di impuesto, husticia y AIVD cuminsa screen e candidatonan. Fuente y foto ANP.
DEN HAAG – Directora di Arubahuis a mr. Joselin Croes a participa na e “Kennismissie” di Minister di OC&W Robbert Dijkgraaf na Curaçao y Aruba. Na Aruba e punto central tabata con educacion ta conecta cu e mercado laboral: e situacion actual, pero principalmente con e demanda di enseñansa ta cuadra cu e necesidad di e mercado laboral.
AMSTERDAM – Rey di Spaña Felipe y Reina Letizia a cuminsa na nan bishita oficial di dos dia na Hulanda. E bishita a cuminsa riba plaza Dam unda cu tabatin tiro di saludo riba e tereno di marina. No a usa municion sino mas bien blanco. E diferencia di e bishita aki ta cu e biaha aki prinses Amalia tambe ta inclui den e bishita. Awe nochi e ta forma parti di e cena Real na honor di e pareha Real Spaño. Amalia tin un relacion special cu Spaña ya cu e la pasa un aña eynan recien debi na motibonan di seguridad pa su bida. Mientrastanto e la bolbe Hulanda pa biba y sigui studia. Pero e situacion di seguridad y menasa contra dje, no a kita ainda.
SCHIPHOL – Decenas di buelo a keda anula dialuna na aeropuerto Schiphol di Hulanda debi na mal tempo. Ta primordialmente buelonan dentro di Europa mes. Buelonan pa Caribe Hulandes manera Aruba no a keda afecta. Ta trata di 90 buelo cu a keda anula, di cual mayoria ta di KLM. Ta spera rafaga di biento fuerte cu posibel mal tempo, segun un vocero di e aeropuerto.
W’STAD/DEN HAAG - Minister Hulandes demishonario di Klima i Energia, Rob Jetten a anunsiá durante un reunion di e komishon fiho di Relashonnan den Reino di parlamento Hulandes ku na 2025 ta organisá e di dos konferensia di klima di reino na Kòrsou. Esaki despues ku e promé konferensia a tuma lugá na mei 2023 na Aruba. El a katalogá e promé konferensia sumamente eksitoso ku partisipashon di diferente pais den region. E ta interesante mirando cu na mei na Aruba Jetten a informa Noticiacla cu e interes pa asuntonan di Clima ta casi nulo, pasobra tin problemanan mas importante cu esey pa atende. Asina mes, ta sigui tene e conferencianan.
DEN HAAG – Negosacionan pa forma gobierno nobo na Hulanda ta continua awe. E lidernan di e 4 partido ta hunto prome biaha cerca e informado. E intencion ta pa logra un acuerdo pa mitar di luna di mei di e aña aki ainda. Pero na final di e combersacion, Geert Wilders di PVV no por a sigura esaki ainda. Partidonan ta hopi positivo pa e progreso, pero ainda no por bisa si ta logra e meta menciona. Algun medio ta bisa cu e combersacionan ta bayendo hopi lento, pero e partidonan ta desmenti esey. E parti financiero ta e parti mas dificil pa atende. Na November di aña pasa tabatin eleccion y a cuminsa negosha. Ya ta bayendo pa 5 luna di formacion.
ORANESTAD - E pasado di sklabitut kolonial di Hulanda i su impakto a forma diferente pais rònt mundu profundamente. Tòg e konosementu ku ta disponibel tokante e pasado di sklabitut kompartí akí ta skirbí partikularmente for di perspektiva kolonial. Pa enrikesé nos perspektiva, minister Dijkgraaf (Enseñansa, Kultura i Siensia) ta inisiá un koperashon global di sientífikonan riba e tópiko akí awe na Aruba. Esei el a anunsiá awe durante un mishon di konosementu den Karibe.