Formador: Formacion di gobierno cu base amplio lo tuma tempo

Posted on 10/16/2017 9:21 pm AST | Updated on 10/17/2017 7:37 am AST

ORANJESTAD - Manera NoticiaCla a raporta caba, awe mainta den edificio di APA, a inicia e reunionnan di formacion di e proximo gobierno di nos pais entre e tres partidonan. Lidernan di tur tres partido y nan conseheronan y miembronan di comision tawata presente pa asina duna inicio na e negociacionnan cu lo tuma luga pa asina pronto Aruba conoce un gobierno di coalicion manera pueblo a pidi p’e. Lider di Partido MEP, Evelyn Wever-Croes, kende tambe ta Formador di gobierno nobo ta amplia riba e procedura di formacion di gobierno como lo siguiente: “Diahuebs ultimo, mi a ricibi e encargo di Formador for di Gobernador y den cuadro di esaki nos lo bay cuminsa cu diferente reunionnan. Mi a haya instruccion pa purba forma un gobierno di coalicion entre partidonan MEP, POR y RED.

RUMORNAN

"Den e ultimo dianan desde cu Gobernador a nombra mi como Formador, tin basta rumornan y speculacionnan ta circula di diferente aspectonan di formacion. Ta asina cu te hasta e gobierno a wordo forma caba cu varios diferente minister. Sinembargo, tur esakinan no ta corecto y ta completamente falso. Awe nos ta bay cuminsa. Y e procedura ta bay tuma luga den e siguiente fasenan: Acuerdo di Formacion: Esaki ta e combersacionnan tocante e puntonan den lineanan general pa yega na un programa di gobernacion. Programa di gobernacion: Despues cu nos tin e Acuerdo di Formacion defini, nos lo bay na e programa di gobernacion. Tur e puntonan cu partidonan a bay campaña cu ne, ta wordo descuti pa asina cada vision wordo inclui den nos programa di gobernacion. Ta importante pa tuma tempo pa descuti tur e puntonan aki pa asina nos por yega na palabracionnan concreto pa brinda pueblo un gobierno stabiel. Reparticion di Carteranan: Una bes cu nos yega na e fase aki, Partidonan ta bay bek den nan seno pa palabracionnan kende lo bira candidatonan pa minister cu lo representa nan partido pa eherce e diferente funcionnan. Proceso di Screening: Candidatonan apunta pa bira minister lo pasa un proceso di screening. Una bes cu e resultado di screening drenta, nos lo entrega e reportahe na Gobernador, cu e deseo di a forma un gobierno cu un base amplio manera Gobernador a pidi.” Wever a sigui bisa. Wever-Croes ta sigui bisa cu no solamente el a haya encargo pa forma e proximo gobierno sino tambe pa reuni cu diferente instancianan na Aruba, gremio, departamento di gobierno, sector priva y instancianan social y caritativo. Nos lo bay tene cuenta cu esnan cu ya caba a reuni cu informador y lo invita e otronan durante e simannan aki.“Ta bay ta dos trayectoria pareu cu lo tuma luga den e dianan aki, ambos sin duda lo bay ta hopi pisa, pero atencion principal ta pa forma e gobierno." Wever a sigui bisa.

PRENSA

Wever-Croes a conclui bisando cu lo tene prensa informa lo maximo posibel di e procedura di formacion di gobierno nobo. Alabes e ta pidi pa prensa duna espacio y trankilidad pa yega na un bon acuerdo. Y ta priminti cu manera tin algo di informa, lo yama prensa pa asina pueblo tambe keda bon informa di henter e procedura.

Tromp ta kibra silencio pakico a abstene di vota pa ley di matrimonio mesun sexo
ORANJESTAD – Ainda parlamentario Shailiny Tromp-Lee no por hustifica y defende su opinion riba e tema di matrimonio di mesun sexo. Y ta pesey e tabata e unico cu a abstene di vota diaranson anochi pa e ley. Algo cu segun Tromp-Lee, ta prome biaha cu e la haci den 7 aña cu e ta den Parlamento. Diahuebs mainta un dia despues di e votacion, Tromp-Lee a dicidi di ‘kibra e silencio’.
Mas Politica
Lesa Mas
Ley di matrimonio pa pareha di mesun sexo a keda pega!! Parlamento a vota 10-10
ORANJESTAD – Despues di varios interupcion, mas bien pa falta di informacion y confusion, un total di 10 Parlamento a vota pro y 10 contra cu ta nifica cu tabatin un empate, pa cual a suspende e reunion pa e continua otro dia. Esnan cu a vota Pro, tabata e.o. Miguel Mansur A21, Misha Raymond Raiz, Raymond Kamperveen Raiz, Marisol Tromp Mas, Aquanette Gunn – Mas, Gerlien Croes Independiente, Mervin Wyatt Ras AVP, Mike de Meza AVP, Benny Sevinger AVP, y pa partido Setty Yarzagaray MEP. Esun cu a abstene di vota ta Shailiny Tromp-Lee. E otronan a vota contra.
Mas Politica
Lesa Mas
VIDEO: Den disertacion emocional, parlamentario di MEP ta comparti con personal e ley matrimonio mesun sexo ta afekt'e
ORANJESTAD – Den un disertacion hopi emocional diaranson mainta den Parlamento, Parlamentario Setty Yarzagaray a comparti e parti personal cu ta tok’e cu e ley pa matrimonio di mesun sexo. Esaki pasobra e tin un ruman homosexual, cu a keda rechasa pa su propio famia. E la splica con esaki a afec’te y kico e ley ta nifica p’e, y e consecuencia di e ley aki.
Mas Politica
Lesa Mas
Parlamento a cuminsa trata ley di matrimonio di mesun sexo mas laat y cu schorsing
ORANJESTAD – E reunion di Parlamento pa trata e concepto di ley riba matrimonio di mesun sexo a inicia awe mainta, un ora mas laat cu programa. Esaki debi cu partido MEP a pidi un schorsing na inicio. A resulta despues cu a dicidi cu ta cambia e reglanan unda cu esnan cu ta abstene di vota, por keda sinta den sala y ta conta como esnan cu a vota. E regla normal ta cu si bo no tey vota, bo mester bandona sala. Awor bo por keda den sala dus e cantidad di voto voor mester ta mas halto. Algo cu algun miembro di oposicion a critica ya cu esaki ta cay na nan desbentaha.
Mas Politica
Lesa Mas
RAIZ : E harmonia di nos comunidad ta den man di Parlamento diaranson
ORANJESTAD — Partido RAIZ, miembro di coalicion den Parlamento a cuminsa ‘prepara’ comunidad di Aruba pa e reunion di diaranson awor, 8 di mei unda cu lo trata e concepto di ley riba matrimonio di mesun sexun. Titula,’ E harmonia di nos comunidad ta den man di e organo mas halto di nos pais’ e partido kier splica kico tur e ley mester nifica pa Aruba. E articulo ta sigui bisa cu ‘ Amor no tin color, ni sexo, of religion’.
Mas Politica
Lesa Mas
Wever-Croes: Gobierno a baha overtolligheids poel te 10 persona
ORANJESTAD – Gobierno a baha overtolligheids poel te 10 persona, for di 80. Durante e conferencia di prensa siman pasa pa presenta e Relato Annual 2023 di su ministerionan, Prome Minister Evelyn Wever-Croes a splica riba e tema di e “overtolligheidspoel”.
Mas Politica
Lesa Mas