- Parlamentario Ryçond Santos Do Nascimento ta invitado den Noticiacla LIVE awe nochi
- Otmar Oduber: Testigo principal pa defensa den caso Flamingo no por declara dilanti Huez Comisario
- Gobierno y CAFT ta den proceso pa reemplaza actual miembro pa Aruba ora su termino vence
- Oduber: Maneho nobo pa haya permiso pa hotel; Ta permiti solamente Boutique hotels!
- AZV: Contracto cu dentista Mayra Rosales ta termina
DNM: Daño causa pa tanker pega riba rif tabata minimal
ORANJESTAD – Daño causa pa tanker cu a pega riba rif algun siman pasa, a resulta di ta minimal. Asina e rapport cu polis a publica diadomingo, ta bisa. Manera cu NoticiaCLa a raporta anteriormente, dia 22 september polis maritimo a haña melding di kuststation y centrale post cu un tanker a pega den rif banda di Renaissance Island. E capitan di e tankero a keda totaal 10 dia deteni.
INVESTIGACION
Durante e dia nan ey personal maritimo hunto cu DNM a haci full un investigacion na posibel daño na naturalesa y resto di investigacion penal. E daño na naturalesa tawata segun rapport di DNM minimaal den e area ey cual no tawata tin hopi coral.
E SUSESO
E relato oficial di polis ta bisa cu e anochi ey en cuestion, dia 22 di september ultimo, pa 22:45 boto di polis BP 2 ta yega ter plaatse y ta constata berdad cu e tanker "Thayer" IMO-9112131 ta pega pafo di rif algun 100 meter oost di Renaissance Island. Na e lugar di incidente a wak tugboat y pilot boot di APA. Personal di Polis Maritimo y personal di Wardacosta a subi a bordo y a cuminsa cu investigacion. E capitan S. SINGH a declara cu pa 19:30 nan mester a bin na pilot station Barcadera cu ta 1.5 nautical miles leu di tera pa topa cu e supply boat "Orion" pa haci un rotacion di personal. Ora e barco Thayer a yega na 1.5 nautical miles e supply boat "Orion" a bisa nan bin mas cerca pa nan haci cambio di personal. Asina e barco Thayer a keda drief bin mas cerca. Ora cu e barco Thayer a yega na un distancia di 0.4 nautical miles di tera nan a realisa nan ta mucho cerca y a purba haci maniobra pa evita e barco pega riba rif. Pero esey tawata mucho laat y e barco a drief na un speed 0.4 miles pa ora y bin pega den rif. Personal di Directie scheepvaart y e havenmeester suplente tambe a bin terplaatse pa haci nan investigacion. Durante e investigacion personal di Wardacosta a haña otro melding y a bay di e sitio. Personal Maritimo di polis a keda incarga cu e investigacion. Durante interogacion. Personal maritimo a constata cu e capitan tawata hole fuerte na e consumo alcohol. A pidi su cooperacion pa haci un blaas test di alcohol cual ela duna tur cooperacion. Ela blaas 933 UGL. Pa zekerheid nos a lag'e blaas un biaha mas y a bolbe supla 955 UGL. Cual ta 4x mas cu e gehalte permiti den Haven en Rede-/verordening di 220 UGL. E capitan a wordo deteni pa mas investigacion y a wordo transporta pa warda di Sta Cruz. E first officer a tuma over e comando riba barco. Na e momento cu e barco a pega den rif tawata tin 24 miembro di personal total na bordo y e barco no tawata tin carga. Su carga normaal ta azeta. Personal cu pilot y tug boat a los e barco di rif y riba ordo di e havenmeester suplente e retencion di e barco y a pone na un posicion oeste di Aruba pendiente inspeccion si e barco ta den bon estado pa sigui navega y pendiente investigacion. Officier Schwengle tawata officier den e caso aki y Ministerio Publico a impone un multa como transaccion pa e capitan/compania pa navegamento bou infuencia di alcohol. Durante e dianan cu e capitan tawata deteni e compania a manda un otro capitan tuma over e barco. Durante e 10 dianan di investigacion Directie scheepvaart a kita e retencion di e barco. Mester remarca cu e barco no tawata carga cu zeta y e daño tawata limita na naturalesa.
Aruba ta conoce su di 4 morto di trafico pa 2024
Wardacosta ta controla boto local y ta haya droga abordo
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
Marco Tromp (80) a bira e di 3 morto di trafico di 2024
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
Warda Costa a evacua pasahero malo di barco crucero y trece Aruba
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
Wardacosta lo controla botonan riba lama durante Semana
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
Afpakteam a haci control na aeropuerto priva tambe
Follow NoticiaCla
