Ex hefe di Hospital Slotervaart dilanti mesa berde pa malversacion

Ex hefe di Hospital Slotervaart dilanti mesa berde pa malversacion

Posted on 10/13/2017 11:39 am AST | Updated on 10/13/2017 11:44 am AST

AMSTERDAM (ANP) – Ex hefe di e hospital di Amsterdam Slotervaartziekenhuis , esta Aysel Erbudak mester presenta dilanti mesa berde dia 23 di November proximo, pa cargo di sospecho di estafa/malversacion. Erbudak ta partner di conocido comerciante local Richard Visser cu tabata riba lista di partido AVP den e ultimo eleccion. Visser den un entrevista recien cu NoticiaCla, a desmenti tur acusacion contra su pareha, indicando cu ta un ‘set up’ di ex partnernan cu no por soporta Erbudak. “Mi ta tene mi pareha riba un pedestal” Visser a bisa e portal aki den e programa NoticiaCla LIVE e momento ey.

E CASO

Segun ministerio publico Hulandes, a demanda un dama di 50 aña pa a malversa un suma di mas of menos 1.2 miyon euro di e hospital, y ta acuse di ‘valsheid in geschrifte’. Erbudak a keda retira di trabou na maart di 2013 debi na conflictonan den e hospital. Dos aña pasa huez a dicta cu e mester a paga 1.7 miyon euro bek na e hospital. Algun tempo despues a declara Erbudak failliet. E caso ta dia 23 di November pa 10’or di mainta.

DIRECTOR HOSPITAL

Durante campaña electoral ultimo, tabatin rumornan ta core cu gabinete Mike Eman II lo a priminti Erbudak un posicion di director di hospital nobo, mirando su 'expertisio' riba e tereno ey. E ta wordo elogia pa a salba e hospital hulandes Slotervaart na comienso, pero despues a dal un buelta financiero negativo, cu a resulta malo pa Erbudak. Erbudak mes a bin dilanti y a desmenti e noticia cu e lo a bira e proximo director di e hospital nobo. El a sigura cu e noticia ta falso y su unico interes ta pa core campaña pa su partner di basta tempo, ex minister Richard Visser. Visser den e ultimo eleccion parlamentario no a logra hopi voto, sigur no compara cu su ultimo participacion. 

Foto cortesia Moslimkrant. 

 

 

  • Mentor: Tene cuenta cu Rotterdam ta hopi conoci y popular bou di studiante

    Mentor: Tene cuenta cu Rotterdam ta hopi conoci y popular bou di studiante

    DEN HAAG  – Vivienda ta un di e aspectonan mas importante cu mester regla na tempo den caso cu un futuro studiante kier bin studia na Hulanda. Den nos serie pa informa studiantenan cu kier bin studia na Hulanda, nos ta concentra e biaha aki riba e ciudad di Rotterdam. Esaki ta esencial mirando cu e ta un ciudad hopi conoci y popular pa studiantenan. Mentor di Arubahuis John Dirks di e ciudad di Rotterdam ta duna informacion y conseho riba loke ta e situacion di camber pa studiantenan cu kier bin studia na Rotterdam pa 2018. 

  • Agencianan di biahe Hulandes ta menasa cu boycot contra KLM

    Agencianan di biahe Hulandes ta menasa cu boycot contra KLM

    AMSTERDAM (AFN) - Agencianan di biahe na Hulanda ta menasa di boycotea KLM, unda cu ta posibel. Esaki nan ta bisa si un tax nobo, no keda elimina. Asina Financieel Dagblad ta raporta. E agencianan di biahe mara na ANVR y otro sitionan di biahe ta bisa cu e multa cu un pasahero tin cu paga si e no 'boek' direct cu KLM, ta absurdo. E multa ta costa 22 euro pa cada buelo ida y buelta. 

  • Hulanda: No tini castigo contra polisnan envolvi den morto di Mitch Henriquez

    Hulanda: No tini castigo contra polisnan envolvi den morto di Mitch Henriquez

    SCHIPHOL - Ministerio  publico no a exigi castigo contra dos polis, involuncra cu maltrato di Arubiano Mitch Henriquez na 2015, cu a fayece un dia despues. Asina e portal Hulandes nu.nl ta raporta dialuna mainta.  Segun OM, a conclui cu e agentenan a haya suficiente castigo caba door di impacto di e caso. 'Si nos mira na castigonan impone pa tipo di casonan asina, un culpabilidad sin castigo ta basta", e fiscal a bisa. 'Banda di esey, e agentenan mester a biba 2 aña y mei cu e pensamento cu nan tabata penalmente responsabel pa e morto di Henriquez y cu den media ya caba nan ta culpabel pa su morto". Nan ta sinti cu e pensamento cu Henriquez a muri a consecuencia di strangulamento, no tin base mas. Como tal ta sali di e punto di bista cu Henriquez a fayece di un sindroma di stress agudo. Esey, no obstante e rapport di un patologo di Nederlands Forensic Instituut cu a determina morto a consecuencia di asfixia debi na strangulamento. "E ta para su so den esaki" e fiscal ta bisa, segun e raportahe di Nu.nl. Foto cortesia nu.nl

  • Rey Willem Alexander y Maxima ta bishita Isla Riba fin di luna

    Rey Willem Alexander y Maxima ta bishita Isla Riba fin di luna

    DEN HAAG - Rey Willem Alexander y Reina Maxima ta biaha pa St Maarten, Saba y Statia fin di luna. E ta bira e di dos bishita di e Rey desde cu e islanan a haya un sla di horcan Irma. Despues di e desaster, e Rey acompaña e tempo ey pa minister Ronald Plasterk a bishita e islanan. E bishita siguiente ta di 30 di november pa 2 di december proximo. E biaha aki secretario di estado pa asuntonan di Reino Raymond Knops ta acompaña e pareha Real. Siman pasa e gabinete di Hulanda a aproba pa duna 550 miyon euro pa reconstruccion di St Maarten. Pa e otro islanan Saba y Statia a pone hunto 67 miyon disponibel.

  • Famia Mitch Henriquez ta bandona sala di corte den protesta

    Famia Mitch Henriquez ta bandona sala di corte den protesta

    DEN HAAG/SCHIPHOL - Famianan di e Arubiano Mitch Henriquez y e abogadonan a bandona e sala di corte diahuebs merdia den un forma di protesta na Schiphol. Asina prensa Hulandes ta raporta. E famia y e abogadonan no kier sigui 'legitima' e proceso criminal contra e dos agentenan policial cu ta sospechoso den e caso di morto di Henriquez. Asina e abogado Korver a bisa. Segun e abogado, e famia ta sinti su mes 'abandona' y trata como 'ciudadano di segundo rango'. 

  • Arubahuis: Tin scarsedad di camber pa e studiantenan otro aña na Hulanda

    Arubahuis: Tin scarsedad di camber pa e studiantenan otro aña na Hulanda

    DEN HAAG  – Cas di Aruba, cu ta responsabel pa guia di nos studiantenan na Hulanda, ta pone hopi enfasis riba e preparacionnan cu nos hobennan cu ta pensa di bin studia na Hulanda mester haci. Manera e caso di busca un camber. Ya ta november caba y p'esey ta importante cu esun cu pa otro aña kier bin Hulanda, cuminsa busca un camber. Mentor pa e region di Den Haag, Leiden y Delft, Charité Hu-a-ng-Brion, ta duna un splicacion riba e procedura pa aplica pa camber pa studiante.

  • Powered by SETAR