InselAir MD bek den operacion cu buelo nan comercial

InselAir MD bek den operacion cu buelo nan comercial

Posted on 10/12/2017 3:49 pm AST | Updated on 10/13/2017 2:20 am AST

ORANJESTAD - Diaranson 11 di october 2017, InselAir den colaboracion cu autoridadnan di Aviacion Civil Corsou a cumpli cu tur e rekisitonan di ley pa por a certifica e avion MD (MDI). E vuelo di aceptacion cu a wordo haci tabata uno exitoso.

Den e ultimo lunanan tras di lomba, InselAir tabata haci su buelonan entre islanan ABC y Sint Maarten cu e avion Fokker 50, cual ta referi na e scenario “Basico” cu a wordo introduci na comienso di e reorganisacion di InselAir. Agregando e MD bek na e flota di InselAir ta un paso importante riba e caminda pa e “Basico Plus”, scenario cu lo yuda fortalece e situacion financiero y lo completa e plan di stabilosacion di e compania. Den e scenario aki clientenan lo mira cu rutanan anterior lo keda reanuda. Pa e motibo aki ta trahando acuerdonan financiero cu e paisnan den region. InselAir sigur lo sigui continua cu su plan pa yega na e scenario caminda lo amplia su rutanan y su conectividad den region.

E MD cu su 145 stulnan lo opera tur dia riba e ruta entre Corsou y Sint Maarten entrante diahuebs 12 di october, saliendo for di Corsou 9.15am y lo aterisa na Sint Maarten 10.45am. E buelo di regreso for di Sint Maarten lo sali 11:45am y lo aterisa na Corsou 1:15pm.

InselAir ta gradici e autoridadnan di Aviacion Civil Corsou y tur empleadonan di InselAir cu a forma parti di e proceso extenso pa por a trece e MD bek den operacion y alaves ta entusiasma di por cuminsa bek cu e servicio di jet pa nos clientenan riba e ruta di Sint Maarten.

 

  • Boto na Corsou a pega candela ora di drenta pa mara

    Boto na Corsou a pega candela ora di drenta pa mara

    WILLEMSTAD – E boto Miss Ann "Justin" na Corsou a pega candela diasabra ora e ta drentando pa mara. Aparentemente ta e motornan a pega candela y causa daño na practicamente e boto completo.

  • A confisca yate luhoso na Bonaire riba peticion di Merca

    A confisca yate luhoso na Bonaire riba peticion di Merca

    KRALENDIJK/WILLEMSTAD - Dialuna 11 di september 2017 a confisca na Marina un yate luhoso na Bonaire. Esaki riba ordo di Ministerio Publico (OM) BES y ehecuta dor di funcionarionan di Recherche Samenwerkings Team (RST). RST a traha conhuntamente den esaki cu Wardacosta y Koninklijke Marechaussee (KMar) cu na nan turno tabata den contacto directo ku Afpakteam di Corsou cu ta traha den esaki tambe cu Bonaire.

  • Rey Willem Alexander a yega Corsou awe merdia

    Rey Willem Alexander a yega Corsou awe merdia

    WILLEMSTAD - Rey Willem Alexander a yega Corsou awe tardi. "E mensahe cu mi tin pa habitantenan di St Maarten ta lo siguiente: Nos ta consciente di loke a sosode cu boso, y nos ta haci tur lo posibel pa yuda tur hende cu mester di ayudo. Confia riba e ayudo", segun un relato den e portal Hulandes de Telegraaf.  E mensahe e Rey a bisa despues di su bishita na e servicio meteorologico di Corsou. "Mi t'ey pa prome investiga kico a pasa te cu awor, y kico e coordinacion for di Corsou kiermen". Ela bisa tambe cu e kier bishita hospital pa topa cu e victimanan di e horcan cu a yega for di St Maarten. 

  • Ultimo buelo InselAir pa St Maarten prome cu horcan Irma, cancela

    Ultimo buelo InselAir pa St Maarten prome cu horcan Irma, cancela

    WILLEMSTAD - E ultimo buelo pa St Maarten for di Corsou cu InselAir a keda cancela awe mainta. E buelo tabata programa pa sali mas tempran cu normal, debi cu aeropuerto di St Maarten lo a cera tempran pa horcan Irma. Sinembargo e avion a encontra problema techico cu no por a wordo drecha na tempo. Asina e aeroliña a informa den un comunicado. E problema tecnico tabata cu e asina yama Vertical Speed Indicator. Pa por a eherce e buelo, e problema mester a wordo remedia prome. Un trabou di normal un ora y mey. Pero sinembargo e situacion di tempo na St Maarten no a duna nan e 'luho' aki. "Bientonan riba e ruta tabata pronostica pa ta for di control pa por a opera e avion aki di un forma responsabel". E aeroliña a lamenta cu no por a opera e ultimo buelo pa St Maarten prome cu e yegada di e horcan Irma. Mester bisa cu riba e buelo aki tabatin periodistanan cu mester a cubri e horcan tambe. Foto cortesia Dick Drayer. 

  • Gregory Damoen miembro nobo di Cft di Corsou y Sint Maarten

    Gregory Damoen miembro nobo di Cft di Corsou y Sint Maarten

    WILLEMSTAD – Dia 1e di september Conseho di Minister di Reino a nombra Señor Gregory Damoen como miembro di Colegio di supervision financiero di Corsou y Sint Maarten na nomber di Corsou. Cu esaki Señor Damoen ta sigui Señor Alberto Romero, kende su plaso di nombramento a termina dia 1e di februari 2017.

  • Corte: InselAir International a haya suspension di pago definitivo

    Corte: InselAir International a haya suspension di pago definitivo

    WILLEMSTAD - InselAir International a haya suspension di pago definitivo awe. Directiva di InselAir international b.v. (“InselAir international”) den un comunicado a bisa cu nan ta hopi contento cu e decision di corte di prome instancia di Corsou pa otorga na InselAir international un suspencion di pago definitivo cual a keda institui temporalmente na InselAir international pa prome biaha riba dia 14 di maart 2017.

  • BDC3_cur
  • Powered by SETAR