ORANJESTAD - SETAR ta informa cu debi na trabou nan di instalacion y mantencion riba e sistema lo tin interupcion di e servicio di Cable TV y Cablenet pa aproximadamente 2 ora dianan: diaranson 11 di october 2017 parti mainta;
entre 8:30am pa 10:30am ta kita servicio na Weg Fontein – N63 cu ta afecta becindarionan di Weg Fontein(un parti), Weg Seroe Blanco (un parti), Seroe Preto (un parti), Parish Hillweg, Bottom Hillweg y Butucu.
diahuebs 12 di october 2017 parti mainta;
entre 8:30 am pa 10:30 ta kita servicio riba Diamantbergweg – N62 cu ta afecta becindarionan di Diamantberweg, Juana Morto Straat (un parti), Kustbatterij (un parti), Weg Fontein (un parti), Sero Bentanaweg, Sero Dakweg, Rooi weg, Booby Hillweg, Great Hillweg, St. Peter Hillweg, First Stilck Hillweg,
Concordiabergweg, Flagstaffweg, Red Rockweg, Caya Lolita E. Euson y Weg Rooi Hundo.
SETAR ta pidi pa tene cuenta cu e oranan den cual e trabounan ta keda ehecuta pa preveni cualkier inconveniencia.
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.