Dia educativo yena cu informacion y entusiasmo pa muchanan di empleadonan di DVG

Posted on 10/10/2017 5:16 pm AST | Updated on 10/10/2017 5:17 pm AST

ORANJESTAD - Probechando e siman di vakantie di scol, Directie Volksgezondheid Aruba (DVG) a organiza un “bring your kids to work day” pa yiunan of nan famia entre e edad di 7 pa 15 aña di tur su empleadonan. Esaki en coneccion cu e celebracion di 100 aña di salud publico na Aruba. E dia a cuminsa for di 8'or di mainta y a sigui te cu 1’or di merdia. E muchanan a bishita tur e 16 seccionnan cu ta resorta bou di DVG. E seccionnan mes tawata hopi creativo cu e manera di splica e muchanan nan trabou cu nan ta eherce. Tin seccionnan cu a uza video, otro a uza wega y mas.

E muchanan a keda masha impresiona, pasobra mayoria no tabata sa kico tur nan mayornan, welo, wela, tanta, tio, primo of prima ta haci na pia di trabou y kico tur e trabou ta encera. Nan a haya hopi informacion y nan no a siña solamente di e trabou di nan ser keri pero tambe di tur e tareanan di DVG.

En total a participa 23 mucha den e rondleiding di mita dia. Na final, e propio director di DVG, esta Drs. Jerry Staring, a haci entrega na tur mucha e pin di 100 aña di salud publico, un certificado di participacion y un saco cu diferente materialnan educativo, como muestra di gradicimento pa participa na e rondleiding aki.

Directie Volksgezondheid ta situa den Caya Ing. Roland Lacle 4 y e ta parti den 6 edificio banda di otro y 2 otro edificio situa na Barcadera, unda tin Servicio Veterinario y GKMB. Na tur e departamento ta conta cu 170 empleado bon prepara y capaz pa sigui desaroya e organisacion pa implementa y ehecuta maneho riba tereno di salud publico na nos isla.

  • Lotto di Dia a entrega un check di Afl. 73.000,-

    Lotto di Dia a entrega un check di Afl. 73.000,-

    ORANJESTAD - Ayera Lotto, e loteria di Aruba, a entrega un check di e bunita suma di Afl. 73.000,- na e ganado di Lotto Di Dia di 18 di october, 2017. Meneer Aldian C.S. a cumpra su ticket di suerte na Kira’s Lottery Foodcenter. E numbernan ganado, di e sorteo ey, tawata: 05-21-27-28-30.

  • Ruta alternativo pa trafico diadomingo debi na Challenge Aruba Endurance Festival!

    Ruta alternativo pa trafico diadomingo debi na Challenge Aruba Endurance Festival!

    ORANJESTAD - E fin di siman aki Aruba ta anfrition di e di dos “Challenge Aruba Endurance Festival”. Mas di 400 atleta internacional y local lo participa den e Challenge Aruba Triathlon cu lo tuma lugar riba Palm Beach, Eagle Beach y tambe riba e ruta di Malmok. Pa e organisacion ta importante pa comunica cu Aruba en general incluyendo stakeholders manera Hotel, Busnan y Taxinan riba e cambio di rutanan cu lo tin ariba diadomingo awor dia 22 di October. Pa por percura pa e seguridad di e atletanan kendenan lo bay landa, core bicicleta y core na pia algun caminda lo ta sera for di oranan di diasabra marduga te cu diadomingo merdia. Ta trata aki primordialmente di e caminda Juancho Yrausquin Boulevard dilanti di Hyatt Regency Hotel cu lo ta sera for di diasabra 11 or di anochi te cu diadomingo despues di merdia. Diadomingo pa 6 or y 21 di mainta e triathlon mes lo cuminsa unda e atltenan lo cuminsa cu landamento cual lo ta entre Hyatt Hotel y Hilton Hotel. Despues lo continua e parti di coremento na pia y coremento cu bicicleta. E sigiente arenan no lo ta completamente sera pero si cu menos acceso pa vehiculonan. Aki lo por topa cu atletanan den accion. E areanan lo ta Palm Beach y Eagle Beach pasando entre otro Riu, Amsterdam Manor, Alhambra, Divi Hotel, Sasaki Weg, Malmokweg ,Tierra del Sol, Arashi, Lighthouse y finalmente na Hyatt Hotel. Pa loke ta Sasaki Weg solamente un banda (Banda Robes) di caminda lo ta habri. E otro banda lo ta pa atletanan y servicionan di emergencia. Aruba complete ta keda invita pa para riba e ruta of na e start / finish pa asina apoya nos atletanan local y internacional cu lo participa den e 2017 Challenge Aruba Triathlon. Un evento cu sigur tin su efecto positivo den nos economia y tambe bida active. Pa mas informacion www.challenge-aruba.com

  • Simar: Accion pasivo di colecta firma pa airco na tur scol

    Simar: Accion pasivo di colecta firma pa airco na tur scol

    ORANJESTAD – Sindicato di maestro Simar a cuminsa cu un accion pasivo di colecta firma pa airco na scol. E intencion ta pa nan colecta firma di por lo menos 65% di e veld di maestro. A cuminsa cu e accion dia 9 di October y ta termina esaki pa fin di luna awor. E intencion ta pa papia despues cu e minister nobo di enseñansa riba e tema. Asina a informa durante un conferencia di prensa diahuebs riba e tema.

  • BRA: E ultimo oil spill na Trinidad & Tobago no ta menasa pa Aruba

    BRA: E ultimo oil spill na Trinidad & Tobago no ta menasa pa Aruba

    ORANJESTAD - E ultimo oil spill na Trinidad & Tobago no ta menasa pa Aruba. Asina e departamento official Bureau Rampenbestrijding Aruba (BRA) a informa diahuebs atardi.

  • Di ocho donacion di Aqua48 a bay pa Crijojo Trappers Aruba

    Di ocho donacion di Aqua48 a bay pa Crijojo Trappers Aruba

    ORANJESTAD - Diahuebs 19 di october, Aqua for Aid (Aqua48) a otorga su di ocho donacion recauda cu awa bendi na restaurantnan participante. Manon Hekman di Aqua48 a entrega e donacion di 4000 florin na señora Merviné Kock di e proyecto Crijojo Trappers Aruba. Esaki ta un proyecto pa sterilisa cachonan di caya. E donacionnan aki ta bira posibel danki na clientenan cu ta paga pa awa den glas di Aqua48 den restaurantnan participante. E siguiente donacion ta bay pa Stichting Thuiszorg Aruba. Prome cu a otorga e donacion, miembronan di prensa hunto cu representantenan di Aqua48, Old Cunuco House Restaurant, WEB y CEDE Aruba a haña un demostracion di con ta catch e cachonan di caya pa hiba sterilisa nan.

  • Orden di abogado ta confirma accion di abogadonan

    Orden di abogado ta confirma accion di abogadonan

    ORANJESTAD – “Loke a keda publica riba NoticiaCla ta berdad”, abogado y deken di Orden di Abogado, mr Jeanot de Cuba a bisa e portal aki awe mainta. E ta reacciona riba e noticia cu a keda publica cu abogadonan di piket ta drenta den accion awe merdia 12’or pa protesta. Mas cu esey e no kier a bisa sinembargo, debi cu a manda un carta pa formador Evelyn Wever Croes pa inform’e di e situacion riba e tema. Y ta prefera pa atende cu e asunto cu ne prome cu bay den mas detayes. Pero ela confirma e articulo su contenido, y ta spera cu por haya atencion di e formador mas lihe cu ta posibel.

  • Powered by SETAR