Paranda di bochincha Cruz Cora, edicion bahada di solo

Posted on 10/9/2017 2:28 pm AST | Updated on 10/9/2017 2:36 pm AST

ORANJESTAD − Faltando un tiki mas cu 1 luna, Cruz Cora Aruba ta trahando duro pa e di 6 edicion di Paranda di Bochincha cu lo tuma lugar riba diasabra, 25 di November, 2017. Un parada di truck unda tur persona cu limitacion por participa. Cu e evento aki, Cruz Cora ta purba trece tur e personanan aki mas cerca di comunidad, mustra cu nan tambe tey. Esaki pa pone enfasis riba e Dia Internacional pa Persona cu Limitacion cu ta wordo celebra 3 di December.

E concepto di parada di truck a wordo inspira pa e “truckersrit” anual na Hulanda, cu ta enfoca riba personanan cu limitacion intelectual. Na Aruba, Cruz Cora a adapta e idea na tur persona cu un limitacion of otro. Durante e añanan, por a wak participacion di persona sin bista, sin oido, autista, persona cu a sufri trauma fisico y a keda incapacita y persona cu limitacion intelectual. Clientenan di centronan manera Sonrisa, Trampolin, Funari, FAVI, Ambiente Feliz, Cas Sjabururi y hopi otronan ta tur aña spera cu hopi entusiasmo e dia yega pa bay keiro rond Aruba den truck, pa haci hopi bochincha, decora nan t-shirt y core den truck decora…y e biaha aki cu luz!

Tambe famianan a cuminsa algun aña caba haci custumber di sinta pafor di cas y warda e Paranda di Bochincha yega nan dilanti. Esaki ta wordo masha hopi mes aprecia, ya cu pa e clientenan esaki ta un muestra di apoyo pa nan. E mensahe ta yegando cerca famianan: Persona cu limitacion tambe tey, nan ta forma parti di nos comunidad y ban duna nan sosten. Cruz Cora Aruba pesey ta encurasha tur hende pa pone atencion riba e fecha, 25 di November, y para pafor y apoya e grupo aki den nos comunidad, cu merece mas atencion y sosten.

E ruta pa Paranda di Bochincha 2017 ta:

Cruz Cora Dakota-Pedro Gallegostraat-Ave Milio Croes-La Sallestraat-Rotonde Seroe Blanco-Rotonde Piet’s Soda Fountain-Rotonde St. Helenastraat-Linksaf Santa Helenaweg-Wendy’s-Boulevard-Brug Renaissance Blvd-Rotonde Las Americas-Airport-Pricesmart-Cruz Cora Aruba

Ta cuminsa line-up ya caba pa 4 pm na Pedro Gallegostraat 12, Dakota. Clientenan por tambe registra for di 4pm. Salida lo ta 5.30pm pa por disfruta di un Bahada di Solo y yega bek Cruz Cora prome cu 8pm.

Cruz Cora ta pidi tur mayor of representante di un persona cu kier participa, pa por fabor yama nos y inscribi na tel. 582-2219 mas pronto cu ta posibel. Tambe nos ta pidi tur compania cu tin truck of esunnan particular pa yama nos pa registra. Mas truck nos por conta cu ne, mas lugar nos por ofrece nos invitadonan. Companianan cu ta interesa pa sponsor, por mail nos na info@redcrossaruba.com

  • Rincon Boyz ta cla pa pone ambiente diabierna awo

     Rincon Boyz ta cla pa pone ambiente diabierna awo

    ORANJESTAD - Diabierna dia 13 di october e Paranda di Balashi a inicia hunto cu e apertura di Na Drempel di Fin di Aña y pa 10 siman largo e bandanan Grupo di Betico y Rincon Boyz lo ta tocando na diferente luga. Diabierna awo 20 di october ta e di dos siman cu Paranda di Balashi ta continua na Mangel Halto.

  • Sinterklaas ta yega Aruba dia 19 di November

    Sinterklaas ta yega Aruba dia 19 di November

    ORANJESTAD -E temporada di mas dushi di e aña ta yegando. E muchanan ta pendiente cu e yegada di Sinterklaas y pa cu esaki Aruba Bank un biaha mas ta contribui. Sinterklaas lo yega Aruba dia 19 di November 2017 y lo drenta na waf pa 10:00am.

  • Smac y polis a tene nan prome reunion pa temporada di carnaval 2018

    Smac y polis a tene nan prome reunion pa temporada di carnaval 2018

    ORANJESTAD - SMAC a sinta hunto cu Korps Politie Aruba (KPA) pa asina discuti e temporada di Carnaval 64. Durante di e reunion SMAC tabata representa pa miembronan di su Directiva, Presidente Sra. Henriquez y Secretaris Zuleika Wever, como tambe delegacion di KPA cu tabata encabesa pa Sra. Gordon y Sr. Soemers y acompaña pa representantenan di districto di San Nicolas, Oranjestad y Sta. Cruz.

  • Love Festival ta divulga su ‘Music Boulevard’ pa su evento

    Love Festival ta divulga su ‘Music Boulevard’ pa su evento

    ORANJESTAD – Love Festival ta divulga su ‘Music Boulevard’ pa su evento. Den su edicion 2017, e festival di organisacion local cu proyeccion internacional, ta trece awo e ‘Music Boulevard.’ E concepto aki ta bay crea riba tereno di Harbor Arena e dianan 3, 4 y 5 di november proximo, un strip di stagenan, cada un ofreciendo otro ambiente.

  • Kiwanis Club na Aruba a instala directiva 2017-2018

    Kiwanis Club na Aruba a instala directiva 2017-2018

    ORANJESTAD- Diasabra ultimo durante un cena special, den e elegante ballroom di Hyatt Aruba Regency Resort & Casino, Kiwanis Club of Aruba, Kiwanis Club of Palm Beach y Kiwanis Club of Young Professionals Aruba a bini hunto pa prome biaha, pa instala directiva nobo pa e aña Kiwanistico 2017-2018. Despues cu sra. Aurora Dijkhoff, sr. Gilmar Chejito Croes y sr. Bryan Nemecek a habri oficialmente e anochi, a sigui e himno di Aruba canta pa Kelsey Westerburger. A continua cu e invocacion, lesa pa Patricia Salcedo, di Kiwanis Club of Aruba. E obhetivonan di Kiwanis International, presenta pa Richard Roy di Kiwanis Club of Palm Beach, pa despues sigui cu un brindis special pa tur Kiwanettes, Kiwanettos y tur invitados, cu ta sostene nan pareha den nan labor pa comunidad como miembro di e clubnan di Kiwanis na Aruba. E parti aki tabata presenta pa Carl Quant di Kiwanis Club of Young Professionals Aruba.

  • Yiu di Christie Brinkley como modelo na Aruba den fin di siman

    Yiu di Christie Brinkley como modelo na Aruba den fin di siman

    ORANJSTAD – Conocido modelo Sailor Brinkley Cook tabata na Aruba den fin di siman hunto cu su famoso mama Christie, pa un fotoshoot pa e edicion cotiza di Sports Illustrated, cu ta esun di trahe di baño. E modelo di 19 aña a keda nombra como ‘nobato’ di e edicion di luna pasa, a pasa su fin di siman na Aruba pa e trabou importante aki, generando mes momento un publicidad enorme pa Aruba. Ya caba por a tuma nota di algun foto y video cu ta circulando di su bishita na Aruba.

  • Powered by SETAR