- Corte a rechasa peticion di gobierno pa kita (wraak) huez di caso Isla di Oro
- Rafael Nadal: Mi ta considera esaki como mi ultimo aña (hungando tennis professional)
- Diamars minister tin cu duna cuenta na Parlamento riba imigracion
- Carlos Bislip cu concierto gratis di JAM riba Dia Mundial di Jazz
- Cu un beca Tula, un studiante di Corsou por haci estudio di historia na Hulanda
MetaCorp a celebra 45 aña di servicio di Wendell Bennett
ORANJESTAD - MetaCorp a celebra e 45 aña di servicio di director di New York Laundry, Wendell Bennett. Pa e compania e carera di 45 aña cu nan ta uno impresionante, di cual no solamente famia De Veer ta orguyoso di dje pero e famia di MetaCorp y su coleganan tambe.
Eduardo De Veer, Presidente di Junta di Comisario di MetaCorp, a gradici Wendell Bennett pa su añanan di servicio y a corda con el a cuminsa traha cu e compania. El a haci hopi cos den e compania, pero loke a resalta mas di dje ta cu e ta un persona directo y leal. Tambe nan por ta sigur cu tur cos delega na dje ta den bon man, pasobra tur hende sa cu e ta cuida nan lomba.
Wendell Bennett a crece den e compania, el a traha na Boneiro, Corsou y Venezuela. El a cuminsa cu MetaCorp na momento cu esaki tabata chikito y loke mas el a gusta tabata e team spirit. Tempo cu Wendell Bennett tabata hoben, el a bati na porta di MetaCorp pidiendo Eduardo De Veer pa un trabou y su sigiente dia el a cuminsa. Durante su trayecto el a demostra su capacidad y por mira esaki awendia ya cu e ta director di New York Laundry.
Durante un fiesta tradicional hopi aña pasa den garashi di ATCO, Eduardo De Veer a percura pa invita famia di Wendell Bennett, kende a keda asombra pa mira su famia eynan. Aki nan a sorprende Wendell anunciando cu e lo bira e director di ATCO . Despues di tempo, Eduardo De Veer a acerca Wendell Bennett un biaha mas y el a bis’e cu e ta apunte na Balashi como director .
Un biaha mas recientemente Eddie y Robert ta acerca Wendell Bennett, pa bis’e cu nan ta apunte na New York Laundry como director. Wendell Bennett a gradici su famia y coleganan di kende el a siña hopi durante su trayectoria. Tambe el a gradici e CEO pe confiansa cu el a pone den su persona. E celebracion a continua, unda cu tur hende a sigui papia y conta recuerdonan cu nan tin di Wendell Bennett.
Carlos Bislip cu concierto gratis di JAM riba Dia Mundial di Jazz
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
Aruba One Happy Island Lions Club y Friends of Lions a yuda mas di 500 personaden necesidad
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
Conocido musico Ivan Jansen reconoci pa su ’contribucion na herencia cultural di Aruba’
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
Conocido ciudadano Alice van Romondt ta enfoke principal di un documentario nobo
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.
Botica di Servicio ta Celebra 5 Aña den Servicio di Anoeska Wever y Dennis Diaz
Acuerdo firma cu Kiwanis Club of Palm Beach ta garantisa continuidad di Fundacion Neptali Henriquez Park
ORANJESTAD – Kiwanis Club of Palm Beach Aruba (KCPB) ta sumamente contento di anuncia cu a firma un acuerdo di cooperacion importante cu fundacion Neptali Henriquez Park, cual lo garantisa e continuidad di e parke di recreacion pa mucha. E acuerdo aki ta importante pa e muchanan tin un lugar safe pa hunga y pa sigui promove bienestar di e comunidad.
Follow NoticiaCla
