VotaAruba: Opinion propio mas importante cu tradicion familiar

VotaAruba: Opinion propio mas importante cu tradicion familiar

Posted on 09/21/2017 11:47 pm AST | Updated on 09/21/2017 11:50 pm AST

HILVERSUM – Mas y mas Arubiano ta kita di e tradicion di famia di vota pa un solo partido, y ta wak mas y mas na e contenido di programa. “Un trend remarcable” ta loke e desaroyadornan di e prome ‘indicador di voto’ (Stemwijzer), votaAruba.org a bisa. “nos a ripara cu hende tin mas necesidad na informacion, sigur asina cerca di eleccion” Lorenzo Fränkel (27) a bisa. E ta un di e gruponan hoben di Aruba na Hulanda cu a desaroya e programa. “E intencion ta pa informa”.

POPULAR Mientrastanto mas di 11.000 hende a usa VotaAruba.org. “Den e prome siman caba nos a haya hopi reaccion y a traha memes caba”.

CRITICA

Pero tin critica tambe sigur diu hende cu a keda confronta cu un otro conseho di voto di loke nan a vota añanan largo. “Un fanatico di AVP raha a bisa riba Facebook cu e programa no tabata bon pasobra e no tabata indica e partido di dje” Fränkel a sigui bisa.

URNA

E programa ta keda disponibel te despues di dia 22 di September. “Pues tabe den e hoki di vota diabierna, bo por tira un bistaso liher riba e programa”. Despues di e eleccion di dia 22 di September, e desaroyadornan di VotaAruba.org kier traha riba un asina yama ‘vote-tracker’. Si tur partido ta riba nan respectivo posicion, nos kier sa si enberdad nan ta cumpliendo cu nan promesanan” Fränkel a sigui bisa.

Fuente: Caribisch Netwerk/ Natasja Gibbs

 

 

  • Cu ley nobo riba bienestar di bestia, gobierno kier combati abuso extremo di mascota

    Cu ley nobo riba bienestar di bestia, gobierno kier combati abuso extremo di mascota

    ORANJESTAD - Recientemente oficina di e minister di naturalesa y medio ambiente Ursell Arends conhuntamente cu diferente fundacion di rescate y tambe KPA a ricibi informacion di un caso extremo di abuso di animal. E caso aki ta encera un cantidad di cacho di diferente rasa bou condicionnan hororoso y simplemente inaceptabel. Acomparti e imagennan di e cacho cu ta esun den condicion mas critico actualmente, despues di a wordo exponi na crueldad y abuso extremo di su mesun doño.  

  • Entrante augustus 2024, alumnonan di klas 1 lo siña lesa y scirbi na Papiamento!

    Entrante augustus 2024, alumnonan di klas 1 lo siña lesa y scirbi na Papiamento!

    ORANJESTAD – E siman aki durante Conferencia di Prensa di Gobierno di Aruba, Minister Endy Croes a anuncia e maneho di idioma nobo pa proximo aña escolar. Pues desde aña escolar 2024-2025, e alumnonan di klas 1 di scol basico lo siña lesa y skirbi na Papiamento. Lo duna Hulandes como materia y acopla na loke e mucha por den Papiamento.  E maneho di idioma ta basa riba recomendacion 2 di e rapport Doorlichting van het Arubaanse Onderwijsstelsel: elegi un maneho di idioma concreto y consecuente (maak een eenduidige en consequente keuze in het taalbeleid). A base di esaki, a pidi e expertonan di Departamento di Enseñansa (DEA) pa haci un investigacion profundo riba e tema aki, den forma di un debate nacional hunto cu diferente experto y stakeholder den enseñansa y afo di enseñansa. E discusion pa scoge e ley di maneho di idioma pa Aruba a inicia desde aña 1819, pues 205 aña pasa. Na aña 1819, Gobernado General Sr. Albert Kikkert a enfatisa cu mal dominio di e idioma Hulandes tin efecto negativo riba otro materia y pa tin Hulandes como e unico idioma di instruccion no ta e forma mas adecua pa enseñansa na Aruba. Algun aña despues, Sr. Hamelberg y Sr. van Kol a ripiti esaki. E problema ta sinta na momento cu e muchanan sali di scol preparatorio y cuminsa scol basico, paso, ta haci mane e muchanan tin un vocabulario basico di 6000 palabra na Hulandes, cual ta totalmente eroneo. Segun rapport di CBS den 80% Papiamento ta e idioma mas papia na cas. Banda di esaki, den  28% di e hogarnan nan Aruba, Spaño ta e idioma mas papia. Den caso di Ingles ta 16 % y den caso di Hulandes ta trata di 13%. Cu e base fuerte di e idioma Papiamento, e muchanan por siña e otro idiomanan di un forma hopi mas efectivo.

  • Vrolijk: Reunion di consulta di riba ley matrimonio mesun sexo ta termina na april!

    Vrolijk: Reunion di consulta di riba ley matrimonio mesun sexo  ta termina na april!

    ORANJESTAD – Presidente di Parlamento Edgard Vrolijk a programa e reunion solicita pa fraccion di RAIZ, pasobra e la wordo notifica pa parlamentario Guedez Erasmus, cu pa luna di april 2024, e reunionan di consulta riba e concepto di ley di matrimonio di mesun sexo ta termina. Asina e la informa Noticiacla.com diaranson anochi y a mustra e carta den cual e ta informa e fraccion RAIZ. 

  • Segun RAIZ, Vrolijk a concede: Reunion pa ley matrimonio mesun sexo ta na mei

    Segun RAIZ, Vrolijk a concede: Reunion pa ley matrimonio mesun sexo ta na mei

    ORANJESTAD – Presidente di Parlamento Edgard Vrolijk a cumpli toch cu e peticion di partido RAIZ y a condece e reunion solicita riba tema di matrimonio di mesun sexo. Diaranson anochi laat, e partido RAIZ a confirma cu Vrolijk a confirma e fecha di 8 di mei 2024 unda Parlamento di Aruba lo haya oportunidad democratico pa vota riba e ley. No ta conoci si esey ta e motibo di e conferencia di prensa yama awe diaranson, pero ta mustra asina awor si. Esey ta nifica cu Vrolijk sea a baha cabez pa RAIZ, y concede e reunion toch, of cu mientrastanto e trabou di parlamentario Guedes a termina diripiente cu a pone cu awor si por yama e reunion. 

  • Deadline a vence pa MEP: Diahuebs Raiz ta contesta!

    Deadline a vence pa MEP: Diahuebs Raiz ta contesta!

    ORANJESTAD – Deadline a pasa pa presidente di Parlamento (lesa: MEP). Awor palabra ta na fraccion di partido RAIZ. Diaranson 5’or di atardi, e ultimatum cu fraccion di partido RAIZ (lesa :Misha Raymond ) a pone pa presidente di Parlamento Edgard Vrolijk yama e reunion pa trata e ley di matrimonio di mesun sexo den Parlamento. E deadline a pasa, y nada no a sosode, manera cu por a spera. E prome pa reacciona, tabata lider di partido ACCION21, Miguel Mansur cu a pone riba su pagina di Facebook ‘Kico awor??” cu algun option. Mientrastanto atardi, e fraccion di RAIZ a yama un conferencia di prensa pa diahuebs 11’or di mainta cu e unico tema, ‘Matrimonio pa pareha di mesun sexo”. 

  • Gobierno a aumenta suma liber di impuesto riba ekipahe di biahero

    Gobierno a aumenta suma liber di impuesto riba ekipahe di  biahero

    ORANJESTAD - Minister Xiomara Maduro a informa cu entrante 1 di april 2024 e suma di exoneracion di impuesto riba ekipahe di biaheronan ta aumenta di AWG 400 pa AWG 900. 

  • Zulo
  • Varadero
  • Powered by SETAR