Plasterk: Aruba no mag desvia di proceso pa haya paspoort Hulandes

Plasterk: Aruba no mag desvia di proceso pa haya paspoort Hulandes

Posted on 09/20/2017 9:58 am AST | Updated on 09/20/2017 9:37 pm AST

DEN HAAG – Gobierno di Aruba no mag desvia di proceso pa haya paspoort Hulandes. Asina minister Ronald Plasterk a contesta miembro di Tweede Kamer Andre Bosman awe mainta den un carta. Bosman siman pasa a haci e mandatario Hulandes 5 pregunta, basa riba un video di un encuentro cu Eman y Sevinger tabatin recientemente cu un grupo di sostenenedor Latino. Aki entre otro e mandatarionan lo a priminti entre otro aceleracion di e proceso pa haya paspoort Hulandes. E preguntanan di Bosman tabata pa haya clarificacion, y pa haya esaki mas tarda awe tardi 5’or ora di Hulanda. Plasterk a reacciona y bisa cu e sistema actual ta frustra e posibilidad pa un paspoort por wordo ‘regala’ como un ‘regalo’, cu lo tabata un di e promesanan cu Eman lo a haci durante e encuentro cu Latinonan.

PLASTERK

Plasterk den su contesta na Bosman a clarifica e proceso di haya nacionalidad Hulandes y paspoort Hulandes. “Un nacionalidad y un pasaporte ta dos diferente asunto” Plasterk ta cuminsa na bisa. Un nacionalidad ta un relacion huridico entre un persona y un estado soberano, y a base di e nacionalidad ey, un persona por bin na remarke pa un paspoort. “E Ley di Reino riba e ciudadania Hulandes, cu ta valido na Aruba tambe y cu ta regula e otorgamento di un nacionalidad Hulandes, ta stipula diferente condicionnan cumulativo pa haya nacionalidad” Plasterk ta sigui bisa. Entre e condicionnan ta poni cu un persona mester biba 5 aña consecutivo legal na Aruba y tin Aruba como base, prome cu por haci peticion pa naturalisacion. Mientras cu pa stranheronan sin estado, ta conta cu e persona mester ta na Aruba pa tres aña legalmente consecutivo. Pa pareha di un Hulandes, ta conta entre otro, e condicion cu e matrimonio ta existi por lo menos 3 aña.

E PREGUNTANAN

Entre e preguntanan tabatin si Plasterk ta na altura di e video publica riba YouTube dia 11 di september 2017 titula ‘‘Haatzaaing tegen Nederland door de AVP op Aruba’. Otro pregunta tabata, te na ki punto ta posibel pa minister presidente Mike Eman por entrega paspoort dentro di tres aña. Tambe e rekisito pa un persona bin na remarke pa un paspoort Hulandes. Ademas un pregunta cu a hala hopi atencion, tabata esun cu si ta ‘deseabel’ cu un paspoort Hulandes por wordo reparti como un regalo. E pregunta final a mara e mandatario na un deadline, esta cu e miembro di Tweede Kamer tabata kier un contesta pa awe 5’or. Algo cu Plasterk a cumpli cu ne tambe. Lesa e carta completo AKI. 

 

 

  • Gobernador Alfonso Boekhoudt a ricibi relato durante su bishita na Cas di Aruba

    Gobernador Alfonso Boekhoudt a ricibi relato durante su bishita na Cas di Aruba

    DEN HAAG – Gobernador Alfonso Boekhoudt a ricibi un verslag cu a wordu compila door di Roy Hart y Angelique Thode durante di su bishita oficial na Cas di Aruba. Den presencia di Minister Plenipotenciario Guillfred Besaril, Roy Hart funcionario encarga cu e departamento di “Economische Acquisitie” na Cas di Aruba a hasi entrega di e relato.

  • KLM cu buelo adicional pa Aruba na 2018

    KLM cu buelo adicional pa Aruba na 2018

    ORANJESTAD – E aerolinea nacional Hulandes Koninklijke Luchtvaart Maatschappij (KLM) a caba di anuncia cu pa gran mayoria di 2018, ta inclui un di shete buelo semanal. KLM ta un socio importante pa turismo di Aruba, ya cu ta percura pa e transporte di un gran cantidad di bishitante for di e mercado Europeo en general.

  • E studiantenan di Aruba a goza di prome caida di sneeuw na Hulanda

    E studiantenan di Aruba a goza di prome caida di sneeuw na Hulanda

    GRONINGEN – E studiantenan Arubiano den e fin di siman aki a disfruta di e prome caida di sneew pa e aña aki na Hulanda. Cada uno na nan forma a expresa nan mes den e tempo aki, for di diasabra y finaliza esaki diadomingo, ora cu e caida di sneeuw tabata mas hopi. Esnan cu ta aparece riba e potretnan ta e.o. Sergino Vis, Lyrick y Lionel Bermudez, Sue Gin Arends, Chester Hill, Wenji Wever, Christina Wever, Charmain Maria, Tanisha Scharbaay Kyara Ruiz. Colaboracion pa e articulo: Sue Gin Arends.

  • Prome bishita oficial di Gobernador Boekhoudt na Cas di Aruba

    Prome bishita oficial di Gobernador Boekhoudt na Cas di Aruba

    DEN HAAG – Gobernador di Aruba S.E. Alfonso Boekhoudt a haci awe dialuna 11 di december un bishita oficial na Cas di Aruba. Gobernador Boekhoudt a keda ricibi pa Minister Plenipotenciario Guillfred Besaril y personal di Gabinete di Minister Plenipotenciario. Gobernador di Aruba a wordo acompaña pa director di Gabinete di Gobernador Rajen Budhu Lall y adjudante di Gobernador Bart Breitenstein.

  • Arubahuis a convivi cu Aruba riba Dia Nacional di Luto

    Arubahuis a convivi cu Aruba riba Dia Nacional di Luto

    DEN HAAG – Minister Plenipotenciario Guillfred Besaril y directora interino di Cas di Aruba Shandra John a para keto na e Dia Nacional di Luto na Aruba en conexion cu e morto fatal di e dos criaturanan Rishandroh Anastacia y Roshandrick Frans.

  • Arubahuis: Amsterdam cu escases di camber y wachtlijst largo

    Arubahuis: Amsterdam cu escases di camber y wachtlijst largo

    DEN HAAG – Studiante cu ta pensa di bin studia na Hulanda, na Amsterdam, Diemen, Almere y Haarlem: tene na cuenta cu tur posibilidad, ya cu ta hopi dificil pa haña un camber comodo y pagable den y pafo di Amsterdam. Asina Arubahuis a informa diaranzon pa medio di un comunicado. Segun e comunicado, den e region di Amsterdam tur aña tin un escasez di camber y tin un lista di espera di mas cu 500 studiante.

  • Powered by SETAR