Nicole Hoevertsz ta haci historia cu entrada den directiva ehecutivo IOC

Posted on 09/19/2017 4:25 pm AST | Updated on 09/19/2017 9:09 pm AST

LIMA – Aruba su representante di Comite Olimpico Internacional (IOC) Nicole Hoevertsz, a keda eligi recientemente cu un posicion den e directiva ehecutivo di e organisacion mundial. Ta considera esaki e posicion mas halto cu un persona por yega den e organisacion deportivo mas poderoso di mundo. Esaki a sosode durante e asamblea general di IOC na Lima, Peru. Ta considera esaki un logro historico y inmenso mirando Aruba su grandura, y cu den pasado otro integrantenan Hulandes prominente no a logra esaki prome cu Hoevertsz. Hunto cu Hoevertz, 2 otro persona esta Dr Robin E. Mitchell, miembro di IOC di Fiji y Mr Denis Oswald, miembro di IOC di Suiza. Switzerland . Nan tur a keda eligi pa un termino di 4 aña. Esey ta e posicion mas halto cu un persona por tin.

COBERTURA

E corant Hulandes Volkskrant a dedica un articulo bunita riba Hoevertsz, relaciona cu e nombracion recien. E base di e articulo ta cu, riba propio merito, Hoevertsz a logra algo cu otronan no a logra. Ta menciona e.o. cu Aruba nunca no a gana un medaya den weganan olimpico. Pero e tin un dama di rango mas halto di ICO. Ta considera IOC como e organisacion deportivo mas poderoso di mundo.  

CAMPAÑA

Ex minister Hulandes y miembro di IOC Camiel Eurlings a mustra cu ela sostene e campaña di Hoevertsz pa e funcion ey. “Nicole merece e logro aki. Nos como mundo deportivo mester ta contento cu su eleccion. E ta bon pa nos tambe, pa Reino (Hulandes) mi kiermen”, Eurlings a bisa den e corant Hulandes. Di tur e miembronan Hulandes recien di IOC, ningun di nan a logra conkista un posicion den e directiva. Ta haci mencion di entre otro Geesink, Van Oranje, Van Breda, Verbruggen y Eurlings). Hoevertsz si a logra, asina Volkskrant ta sigui skibi.

CARERA

Hoevertsz cu actualmente ta secretario di conseho di minister di Gabinete Mike Eman II, a participa como landador sincroniza na 1984 y a logra e di 18 lugar. Mira e momento cu Hoevertz ta tende e bon noticia AKI. 

                  

  • Exitoso resultado di ‘Curaçao Open 2017’ pa Shotokai Aruba

    Exitoso resultado di ‘Curaçao Open 2017’ pa Shotokai Aruba

    ORANJESTAD - Den fin di siman di 24 y 25 di november a tuma luga e campeonato internacional di karate, esta ‘Curaçao Open 2017’ organisa pa Curaçao Karate Bond. Na dicho campeonato a participa e karatekanan Janilaine Bello, Glendeline Croeze y Alejandro Gonzalez Lujan di e Asociacion Arubiano Di Karate-Do Shotokai, dojo Shocokan.

  • Italia ta domino durante ITF Aruba Open 2017

    Italia ta domino durante ITF Aruba Open 2017

    ORANJESTAD - Diadomingo ultimo, a yega su final, e evento mas grandi di deporte na Aruba y alabes e evento number uno di mundo, esta Beach Tennis Aruba Open 2017. Eagle Beach un biaha mas a keda chikito, cu sigur un alrededor di 2 mil hende riba e anochi final di e torneo aki

  • Beach Tennis Panamerican Championship 2017 a cuminsa

    Beach Tennis Panamerican Championship 2017 a cuminsa

    ORANJESTAD - Den un Tropicana Beach Tennis completamente yen, ITF conhuntamente cu Beach Tennis Aruba a haci e apertura official na e ITF Panamerican Championship pa e aña aki. Cu presencia di tur pais, cu excepcion di Bonairo kende nan vuelo no a yega na tempo, e desfile a tuma lugar.E anochi a habri cu un press conference caminda representante di ATA, Sra. Tita Iglesias, pa ITF tabata presente Massimo, Vini Font kende a representa e ekipo di Brasil como e ekipo campeon di 2016, Maud Celaire representando su ekipo di Aruba y na ultimo, e representante di Aruba Lawn Tennis Bond, Sr. Ronny Tchong.Pa a duna inicio official na e weganan Panamericano, e ekiponan di Bolivia, Ecuador, Chile, Puerto Rico, Colombia, USA, Venezuela, Argentina, Brasil y e team local di Aruba tabata bon representa. Un atmosfera increibel, cu presencia di bastante siguidor di e deporte di Beach Tennis, cu unicamente a segura tur presente, cu e aña aki un biaha mas, nan por spera hopi ambiente riba veld y pafor di e veldE prome weganan lo cuminsa diabierna mainta pa 9or y atardi lo cuminsa bek desde 5or te den anochi. Diasabra mainta 9or e weganan lo continua pa 9or di mainta y lo cuminsa bek den atardi pa 4or. E semifinal nan lo tuma lugar diadomingo pa 10or y tur e dianan y orario nan menciona lo tuma lugar na Tropicana Beach Tennis Club. Diadomingo atardi pa 4or lo cuminsa e finalnan, cuminsando cu e hubenil, sigui pa final di doubles female, doubles male y e anochi lo termina cu e final di mix doublesRIba e compilacion di potret por tuma nota di con e anochi a bay.

  • Coca Cola Nacional a keda na di 3 lugar den Copa ABC

    Coca Cola Nacional a keda na di 3 lugar den Copa ABC

    ORANJESTAD - E ekipo campeon di futbol division di honor di Aruba di aña 2016-2017, esta Coca Cola Nacional a competi den e A-B-C Cup na Boneiro y a keda na di 3 luga. Diabierna anochi nan a hunga contra Real Rincon y a perde e wega aki, mientras cu diadomingo nan a topa Uruguay di Boneiro. Nan a bay cu e victoria riba e team di Boneiro cu e score di 4-2 y asina a keda na di 3 luga.

  • Sv Britannia Total Finance/Bright Bakery ta gana Riverplate 2-1

    Sv Britannia Total Finance/Bright Bakery ta gana Riverplate 2-1

    ORANJESTAD - Diasabra anochi tabata tin continuacion di campeonato di AVB ora cu e pumanan esta Sv Britannia Total Finance/Bright Bakery a topa cu e muchanan di Madiki esta Riverplate. E alinacion di Sv Britannia tabata ta; Arthur Werleman, Carl Geerman, Rodymar Paesch, Carlos Caro, Glembert Kock, Nino Ulises, Renier Paraez, Luis Estrada, Jean-Marc Farro, Hugo Martina y Rafy Godoy. Den e prome 30 minutnan di wega Sv Britannia Total Finace/Bright Bakery a domina e wega completo y ta anota 2 gol trempan den wega. E prome gol a wordo anota pa Luis "Coco" Estrada cu ta bai laga ariba banda robes y ta fusila e keeper di Riverplate na di 7 minut di wega pa e 1-0. Ta na di 27 minut di wega ta e propio Luis Estrada cu ta bai laga atrobe banda robes y ta duna un voorzet pa Rhaf Godoy kende no ta basila y ta slice pa anota e di 2 gol pa Sv Britannia bai ariba 2-0. Na di 35 minut di wega Riverplate ta hana un free kick y aki ta unda cu Kendric Paulina ex-hungador di Britannia cu ta tuma e tiro liber na su cuenta y ta anota e gol di corta ventaha pa Riverplate y hasi e wega 2-1. Nos por menciona cu na di 22 minut di wega e defensa central di Britannia esta Rodymar Paesch ta leciona na su hamstring y mester a bandona tereno. For di e momento ey nos por a wak cu e defensa di Britannia a perde confiansa y no tabata asina stabil mas. Den di dos tempo Riverplate a bin por la coma pa empata e wega y nos por bisa cu si no tabata pa Arthur Werleman cu a trese algun salbacion y stroba Riverplate di empata e wega. Cambionan cu Sv Britannia Total Finance/Bright Bakery a hasi ta; Alex Moreno a drenta pa Rodymar Paesch na di 22 minut, Luis Murillo a drenta na lugar di Glember Kock na di 46 minut, Leyon Croes a drenta pa Hugo Martina na di 76 minut, Moises Castro a drenta na lugar di Alex Moreno na 76 minut y Wim Oosthoek a drenta na lugar di Rhaf Godoy na di 87 minut. Cu e score di 2-1 tambe refree de Leca ta caba e wega y asina Sv Britannia Total Finance ta bai cas cu e 3 puntonan y asina e pumanan ta acumula 7 punto den 3 wega. 

  • Move-a-thon en conexion cu dia di diabetes

    Move-a-thon en conexion cu dia di diabetes

    ORANJESTAD - Diabetes ta un problema hopi grandi riba nos isla: 16.24% di e poblacion Arubano ta sufri di Diabetes versus 8.33% di e poblacion di mundo. 50% di pacient di Diabetes no ta na altura cu nan ta sufri di esaki (ainda) y pa e motibo aki no ta tuma of ricibi cuido medico. (https://www.pwc.com/gx/en/industries/healthcare/casestudies/diabetes-in-Aruba.html).

  • Powered by SETAR