ORANJESTAD – Awe tardi partido politico POR ta tene nan parada di anochi, considera como un parada di luz di auto. E ta cuminsa pa 6’or di atardi na centro di partido POR na Noord dilanti Frans Figaroa y caba na Mabon na cas di miembro di partido Allan Howell. Esaki ta e ruta di e parada di e partido.
RUTA
Salida Centro POR Noord (Frans Figaroa) direccion Misa Santa Anna rechts af direccion Kudawecha, rechtdoor pasa Catiri y Moko te Rotonde Tanki Leendert rechts af direccion Rotonde Tanki Flip links af direccion Ponton, kruising topcar rechts af via rudolf arendstraat, links af na driemansterstraat, kruising lus di trafico links af na De La Sallestraat, direccion Rotonde Piet rechtdoor, Rotonde Seroe blanco pasa Rotonde Xerox rechtdoor Rotonde Banco di Caribe bai links af te kruising Stadionweg links af te rondweg links af di dos caminda bai rechts te Rotonde Tarabana bai rechtdoor via meiveld bai Rotonde Bright Bakery links bai kruising yabi angel rechts af direccion Rotonde Santana Paradera direccion Sero Pita via Flatstone te kruising chines bai links af bai rotonde drive inn direccion SN, La granja links af bai jaraweg via Mabon via Caya Bernadina Growell Kock via Weg Seroe Blanco via Weg Fontein, kruising Pastoor Hendrickstraat rechts af direccion rotonde San Nicolas bai stret direccion Mabon. Foto cortesia POR.
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
ORANJESTAD – Desde awor en adelante, gobiero ta duna permiso solamente pa traha boutique hotel, vs cualkier otro tipo di hotel. Minister Dangui Oduber diamars a anuncia cu a introduci e maneho nobo di otorgamento pa permiso di hotel den cuadro di turismo sostenibel. “E maneho aki ta tene na cuenta cu Aruba no por sigui crece na e velocidad cu e ta bayendo y mester tuma accionan concreto pa frena e cantidad di cambernan cu ainda lo mester construe”.
ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.