Caso sumario diahuebs riba permiso parada pa diadomingo awor

Caso sumario diahuebs riba permiso parada pa diadomingo awor

Posted on 09/13/2017 11:10 am AST | Updated on 09/13/2017 11:11 am AST

ORANJESTAD - Corte lo trata e asunto di permiso di parada diahuebs awor pa 2'or. E caso lo trata e discusion cu a surgi pa loke ta e asunto di ken por tene parada politico riba diadomingo 17 di september proximo. Partido MEP a entama e caso pa asina haya claridad riba e tema. Segun e partido geel, nan a pidi permiso prome dia 4 di januari ultimo, mientras cu nan a haya un carta di Alto Comisario di polis dia 8 di september cu ta nenga nan e permiso, indicando cu partido AVP lo tene nan parada e dia ey caba. MEP no ta di acuerdo, y a entama e caso pa haya claridad. 

  • Corte: Alpha Printing ta perde caso contra portal 24ora.com

    Corte: Alpha Printing ta perde caso contra portal 24ora.com

    ORANJESTAD – Corte ta rechasa demanda di Alpha Printing y su doño Ralph Maduro pa exigi un rectificacion di e portal 24ora di un articulo cu a keda publica luna pasa. E keho di Maduro ta basa riba e hecho cu 24ora a surpasa e frontera di libertad di prensa, y como tal a actua incorecto pa cu su compania Alpha Printing, costando e perdida di negoshi y cu e articulo a afecta su credibilidad y benta. Corte tabata di otro opinion, a cita pa banda di e portal citando e argumento di libertad di prensa su implicacion cu e tin den e caso aki. Basa riba esaki a rechasa e demanda y ordena Alpha Printing pa cubri e gastonan di e caso. Lesa e sentencia completo AKI.

  • Sentencia di caso MEP contra Gobierno y KPA pa permiso di parada

    Sentencia di caso MEP contra Gobierno y KPA pa permiso di parada

    ORANJESTAD - Manera ta conoci, huez a dicta sentencia ayera den e caso cu partido MEP a inicia contra Minister di Asuntonan General, Minister di Husticia y KPA. NoticiaCla a raporta caba cu huez a rechasa e peticion di partido MEP, cu ta nifica cu e permiso otorga pa partido AVP, otorga pa su propio lider di partido cu ta den e caso aki Minister di Asuntonan General, ta keda valido. Por lesa e sentencia AKI. 

  • OM: Caso Ibis trata pro forma na december 2017 posiblemente

    OM: Caso Ibis trata pro forma na december 2017 posiblemente

    ORANJESTAD - Caso Ibis lo wordo trata, segun expectativa, comienso di december 2017, pro forma pues 'un prome tratamiento' y no 'contenido'. Pa loke ta e prolongacion di e detencion di tanto e minister Paul Croes como su chauffeur awe mainta, a compronde awor, ta pasobra ta (mescos cu fiscal)  e Hues Comisario ta di opinion cu tin un sospecho fuerte cu Croes a haci su mes culpabel na hechonan castigabel serio: soborno ambtelijk (pasivo), verduistering, labamento di placa, falsificacion y traficacion di hende. Pa loke ta e chofer, tin e sospecho fuerte cu ela haci su mes culpabel hunto cu Croes di soborno (pasivo) y labamento di placa. 

  • Detencion minister Paul Croes y chauffeur prolonga cu 60 dia

    Detencion minister Paul Croes y chauffeur prolonga cu 60 dia

    ORANJESTAD - Detencion di minister Paul Croes y su chauffeur Aparicio, a keda prolonga cu 60 dia awe mainta. Asina vocero di ministerio publico Ann Angela a confirma. Ambos ta deteni den e caso Ibis, unda cu tin mas persona deteni y ya caba a keda prolonga cu 60 dia. Tanto Croes como Aparicio a keda deteni dia 21 di augustus ultimo, y a cumpli 3 siman deteni dialuna ultimo. Croes ta sospecha di corupcion gubernamental (ambtelijke corruptie) cu ta encera primordialmente cu e minister di labor anterior tabata pidi y/of tuma placa di soborno en cambio di un exoneracion (ontheffing) di e toets di e mercado laboral.  

  • Ralph Maduro a topa Speed Andrade dilanti mesa berde

    Ralph Maduro a topa Speed Andrade dilanti mesa berde

    ORANJESTAD - 'Un discusion entre periodistanan', manera cu un di e abogadonan a describi e situacion awe tardi, a termina dilanti mesa berde. E demandante (Ralph Maduro) a bisa cu awor cu e contra partido (24ora/Speed Andrade) a 'comete e fayo di menciona nomber y fam' tabata motibo pa awor si bay corte.  Maduro a hiba e portal 24ora.com corte pa motibo di un articulo cu a keda publica recientemente (16 di augustus 2017), alegando entre otro cu ex minister Otmar Oduber tabata su socio (di Maduro) y a privilegia su persona den varios ocasion durante cu Oduber tabata minister. Maduro a alega cu e acusacion ta sin base y ta causando su negoshi problema, a hiba e portal corte y exigi un rectificacion. E portal di su banda ta sigura cu e acusacion no tin base,cu ningun momento a haci acusacionan personal sino mas bien a expone un practica no corecto di gobierno y un compania priva. 

  • Maneho 'faya bo haya' durante ultimo simannan di eleccion

    Maneho 'faya bo haya' durante ultimo simannan di eleccion

    ORANJESTAD - Ministerio Publico y Cuerpo Policial di Aruba ta anuncia pa medio di e comunicado di prensa aki, cu lo hiba un maneho di lik-op-stuk (conoci den pueblo como faya-bo-haya) desde awe pa dilanti te na eleccionnan di 22 di september 2017. Durante henter e periodo aki, Polis lo actua cu tolerancia y comprension, pa mas tanto cu ta possible. Sinembargo, Polis lo actua tambe na un manera decidido. E enfasis den e trabao di Polis lo ta pa yega na un balansa entre mantene seguridad y orden publico riba caya, y guia y acompaña e actividadnan di campaña di e diferente partidonan mas mihor posibel. Violacionnan di Ley manera violencia, destruccionnan, y buracheria den publico lo no wordo tolera. Ministerio Publico lo reacciona riba esakinan cu su maneho di faya-bo-haya. Di e forma aki Mnisterio Publico ta duna sosten na Cuerpo Policial di Aruba den su trabao riba caya, cu hopi biaha ta bastante dificil. 

  • NoticiaCla Ad
  • Powered by SETAR