Marina real a reacciona riba video cu a bay viral na St Maarten

Marina real a reacciona riba video cu a bay viral na St Maarten

Posted on 09/12/2017 11:14 am AST | Updated on 09/12/2017 2:16 pm AST

PHILLIPSBURG - Un video di un yiu di un trahado di Divi Resort na St Maarten a bay viral for di ayera, kehando severamente riba e operacion di marina real na e isla. E keho tabata cu marina real a drenta e hotel, saca tur hende for di e hotel, pa nan (marina real) na nan turno tuma e lugar over como lugar di hospedahe. Awe mainta marina real oficialmente a reacciona riba esaki. Mientras cu nan a admiti cu a haya oferta pa keda den e hotel, 'esaki no por conduci na sacamendo di hendenan for di e lugar, cu a perde tur cos. Esey ta netamente lo contrario pa cual nos ta na e sitio" e reaccion oficial a bisa. A compronde tambe cu e gerente di e hotel tambe a keda negativamente sorprendi. Ayera e trahadonan lo a tende cu nan lo wordo retira pasobra e hotel no por funciona mas. No tin awa, electricidad, y e cushina no por funciona y esey no tabata responsabel pa cu nan huespednan (cu t'ey ainda). Divi lo a saca un comunicado riba e tema.  

REACCION MARINA

Marina real a reacciona awe mainta, y bisa cu nan a haya mensahe berdad cu yen di famia a wordo saca for di Divi Resort debi cu marina mester a drenta e hotel y keda eynan awor. A confirma cu enberdad DIVI a ofrece pa ubica marina real den e hotel. Esaki marina real a aprecia masha, mirando e problema pa haya ubicacion riba e isla aworaki. 

 "Si a traha palabracion concreto cu e ubicacion di e militarnan no por conduci cu ta bay core cu e famianan cu ta eyden pasobra nan a perde tur cos". "Esey ta contrario di e meta pa cual nos ta na e sitio. Nos t'ey netamente pa sostene e comunidad y brinda ayudo" e comunicado ta sigui bisa. "Mando militar na St Maarten lo tuma contacto cu e gerencia di hotel pa haya claridad di e situacion".   Por mira e video cu a bay viral, AKI.

  • Venezuela a bolbe extende medida contra islanan ABC cu 3 dia

    Venezuela a bolbe extende medida contra islanan ABC cu 3 dia

    CARACAS - Presidente Venezolano Nicolas Maduro a extende e medida contra islanan ABC cu tres dia mas te dia 15 di januari. Asina fuentenan di NoticiaCla na Caracas a confirma awe mainta. E motibo ta cu ta pendiente di e reunion importante awe na Aruba riba e tema, y a prolonga e medida pendiente resultado di e reunion. Pa esaki lo ta saliendo awe mainta pa Aruba dos minister di gabinete di presidente Nicolas Maduro y e vice ministro pa Europa di e cancilleria di Venezuela pa atende e reunion. 

  • Knops: Aruba no por pasa refugio di Venezolanonan pa Bonaire

    Knops: Aruba no por pasa refugio di Venezolanonan pa Bonaire

    KRALENDIJK – E comentario di prome minister di Aruba Evelyn Wever Croes cu Bonaire tin suficiente espacio pa ‘hospeda’ Venezolanonan illegal di Aruba, no ta corecto. Asina secretario di estado Hulandes Raymond Knops a bisa na Bonaire. Asina e partner di noticia cu NoticiaCla, Caribisch Netwerk ta raporta. “E no ta parsemi un bon idea. E no ta e miho idea pa hala e problema y pase pa otro” segun Knops durante fin di su bishita na Bonaire.

  • Medida di Venezuela contra islanan ABC a keda prolonga !

    Medida di Venezuela contra islanan ABC a keda prolonga !

    ORANJESTAD/CARACAS – Presidente Venezolano Nicolas Maduro a extende e ‘medida di suspension di tur tipo di trafico aereo y maritimo, y tambe cualkier intercambio comercial cu Aruba, Bonaire y Corsou’ te cu dia 12 di januari proximo. Asina vice presidente di e pais Tareck El Aissami a confirma riba su cuenta twitter. “Hasta cu no realisa e reunion di nivel halto cu autoridad di e islanan aki, y concretisa un plan di accion pa combati e mafia cu ta horta nos bienes’. No a bisa te ki dia esaki a keda extendi. Minister di turismo di Aruba Dangui Oduber a confirma esaki tambe pa NoticiaCla despues. 

  • Secretario di estado pa Asuntonan di Reino di bishita na Bonaire

    Secretario di estado pa Asuntonan di Reino di bishita na Bonaire

    KRALENDIJK –Dialuna den oranan di mainta Secretario di Estado drs. Raymond Knops encarga cu Asuntonan Interno i Relacionnan den Reino a hasi un bishita cerca gezaghebber Edison Rijna pa sera conoci. Gezaghebber como muestra di aprecio a pen Secretario di Estado Knops ku escudo di Bonaire. Tambe e mandatario hulandes a sera conoci cu Colegio Ehecutivo y aki tambe gezaghebber na nomber di gobierno di Bonaire a obsekia e mandatario un album conteniendo paisahe nan di Bonaire.Finalmente e Secretario di Estado a sera conoci tambe cu miembronan di Conseho Insular. E mandatario ta bishita Corsou dia 9 y ta yega Aruba dia 11 di januari. 

  • Venezuela a cera frontera cu islanan ABC pa 72 ora

    Venezuela a cera frontera cu islanan ABC pa 72 ora

    CARACAS - Venezuela a cera su frontera cu Aruba, Bonaire y Corsou pa 72 ora. Asina e presidente a informa diasabra. Pa e periodo ey, ningun avion of boto por move entre e paisnan menciona. E impacto lo ta mas grandi riba trafico maritimo ya cu aereo e ta practicamente nada. Autoridad local no a reacciona ainda oficialmente. 

  • Cera frontera comercial cu Venezuela por afecta Aruba severamente

    Cera frontera comercial cu Venezuela por afecta Aruba severamente

    ORANJESTAD –Si presidente di Venezuela Nicolas Maduro actua riba su menaza di cera frontera comercial cu Aruba, ‘e por afecta nos severamente’, segun prome minister di Aruba Evelyn Wever Croes den e programa NoticiaCla LIVE diahuebs. E la desmenti si e audio cu ta circula cu ta bisa cu pa 1 di januari proximo lo cera frontera cu Venezuela. E mandatario a sigura cu el a tuma accion riba e caso di menaza di presidente di Venezuela pa cera frontera, aunke Aruba riba su mes no por actua riba e tema. “Desde e prome reaccion, e liña di comunicacion tabata pa expresa nos preocupacion pa cu mensahe asina” Wever Croes a sigui bisa.

  • Powered by SETAR