Tur mucha a haya lugar na scol segun oficina enseñansa obligatorio

Tur mucha a haya lugar na scol segun oficina enseñansa obligatorio

Posted on 09/12/2017 10:54 am AST | Updated on 09/12/2017 2:11 pm AST

ORANJESTAD - "Tur mucha na Aruba a haya lugar na scol". Asina oficina di enseñansa obligatorio a informa awe mainta, un luna caba den aña escolar 2017-2018. E oficina no ta bisa si, cuanto mucha nan ta papiando di dje. Segun e oficina, manera tur aña Bureau Leerplicht ta monitor si tur nos muchanan ta bayendo scol. " Despues di a tuma contacto cu e directivanan di scol, nos por informa cu tur mucha a haya un lugar na scol. Tin algun caso di muchanan cu a busca scol laat y cu ta desea di haya un lugar na un scol cerca di nan cas. Tin biaha esey no ta posibel, pero e directivanan ta percura pa e muchanan ey worde poni na un otro scol. Bureau Leerplicht ta satisfecho cu e contacto cu nan tin cu e directivanan di scol y ta spera cu e coperacion aki lo sigui den e aña escolar aki tambe" e oficina a finalisa bisando.

  • Tankero a pega riba rif dilanti Renaissance Island diabierna

    Tankero a pega riba rif dilanti Renaissance Island diabierna

    ORANJESTAD - Mientras cu detayes completo no ta conoci, NoticiaCla a confirma cu un tankero, Thayer, a keda pega riba rif dilanti di Renaissance Island. E isla ta propiedad di operador di Renaissance Hotel. No ta conoci kico exacto a sosode, pero a haya confirmacion di varios fuente di e situacion. For di conocido ambientalista Greg Peterson, a confirma cu mientras cu e caso ta uno fastioso, no por papia (danki Dios) di un spill (ainda). Ta buscando mas informacion riba e caso aki. NoticiaCla tin informacion cu e tankero ta manera esun, of esun cu a keda pega. 

  • RBC-SETAR Thesis Award 2016-2017 pa Mandy Lacle

    RBC-SETAR Thesis Award 2016-2017 pa Mandy Lacle

    ORANJESTAD - Diamars dia 5 di september 2017, Mandy Lacle a bira e di 3 studiante cu ta ricibi e RBC-SETAR Thesis award.  A selecta Mandy pa e prestigioso premio di RBC-SETAR pasobra su tesis ta bon structura, cla, concreto hunto cu un cuadro teorico profundo. 

  • FSTT y coleganan di Setar a colecta placa pa manda St. Maarten via Cruz Cora Aruba

    FSTT y coleganan di Setar a colecta placa pa manda St. Maarten via Cruz Cora Aruba

    ORANJESTAD - Diadomingo ultimo, (FSTT) Fundacion Social di Trahadornan den Telecomunicacion hunto cu coleganan di Setar a bini hunto pa un “food drive effort” pa Sint Maarten. A prepara 101 caha di articulonan basico cu via Cruz Cora Aruba a manda pa Sint Maarten.

  • Sorteo Lotto diabierna anochi tin otro orario debi na eleccion!

    Sorteo Lotto diabierna anochi tin otro orario debi na eleccion!

    ORANJESTAD - Mañan dia di eleccion, 22 di september, e sorteo di anochi lo tuma luga 7:00PM, esaki kiermen cu benta di majan ta serca precies pa 6:45PM. Hasi uzo di bo derecho y bay vota. Awe bo tin chens pa gana 63 mil florin cu Lotto Di Dia. Y cu just 1 florin mas aserca bo por gana placa cash instantaneo cu e wega adicional, Facilito.

  • Meteo: Aviso pa boto chikito y lama bruto na vigor

    Meteo: Aviso pa boto chikito y lama bruto na vigor

    ORANJESTAD – Segun servicio meteorologico, un aviso pa boto chikito y lama bruto ta na vigor. E areanan afecta ta principalmente region di costa noord, costa di Arashi, high rise y low rise hotels.

  • Simar: Comision lo traha stappenplan pa atende asunto di airco

    Simar: Comision lo traha stappenplan pa atende asunto di airco

    ORANJESTAD – Un comision lo traha stappenplan pa atende asunto di airco na scolnan cu no tin ainda y presenta esaki na e proximo minister di enseñansa. Esey tabata un di e topiconan atende durante un reunion dialuna atardi di e sindicato di maestro SIMAR. Directiva di Sindicato di Maestro di Aruba a yama un reunion di caracter urgente ayera atardi, caminda inicialmente lo a papia di e posibilidadnan con trata cu e dianan calor di e siman aki, ya cu te cu dialuna mainta no a ricibi reaccion di minister riba SIMAR su proposicion. E punto aki no tabata vigente mas, mirando cu net prome cu scolnan primario a termina dialuna, e decision di SKOA y di minister Hooyboer-Winklaar pa alumnonan bay cas mas trempan e siman aki, a drenta. E otro punto pa cual e reunion a ser yama tabata e falta di airco den klasnan rond di Aruba. Tambe a trata e problema cu docentenan di movecion y salud. Tin cu ta traha den solo (merdia), otro no tin un “overdekte” of un sala adecua cu bon ventilacion.

  • NoticiaCla Ad
  • Powered by SETAR