Apertura aña Parlamentario e biaha aki sin militarnan

Posted on 09/10/2017 4:25 pm AST | Updated on 09/10/2017 4:27 pm AST

ORANJESTAD - Aña Parlamentario diferente e aña aki sin militarnan. Asina presidente saliente di Parlamento Mervin Wyatt Ras a bisa diadomingo pa medio di un comunicado. "E aña aki lo ta un tiki diferente, ya cu a manda militarnan St. Maarten pa duna asistencia". Otro cu esey, e ceremonia lo ta manera custumber, den sentido cu na e Aña Parlamentario lo tin presencia di dignatario y invitadonan, incluso ministernan cu tambe lo ta presente den e sala di Parlamento. 

MILITARNAN

Manera indica caba, e aña no lo tin desfile di e militarnan dor cu nan lo ta cumpliendo cu e deber y convivencia cu e pueblo di St. Maarten, unda ta yuda nan den e situacion cu nan ta aden actualmente despues di horcan Irma. Presidente di Parlamentario a manda palabranan di forsa na e pueblo di St. Maarten. Aunke cu e militarnan no lo ta presente, e procedura normal lo continua. “Esaki ta den nos constitucion cu riba e di dos diamars di luna di September, nos ta habri Aña Parlamentario”.Diamars mainta e caminda lo ta cera pa por ricibi Gobernador. Ta pidi automobilistanan pa tene cuenta cu e cambio aki den trafico den centro di Oranjestad. Foto ta di archivo di NoticiaCla durante entrenamiento pa e ceremonia na 2014. 

 

  • Partido AVP a keda esun mas grandi den eleccion 2017

    Partido AVP a keda esun mas grandi den eleccion 2017

    ORANJESTAD - Faltando dos urna (Maria Gorreti y Sabana Basora SPO), e resultado di eleccion parlamentario 2017 tabata practicamente un hecho. Algo pasa di 2 or di marduga, tabata obvio cu mientras cu AVP a keda e partido di mas grandi den voto, den practica, ta improbable cu nan lo ta formando e proximo gobernacion (lesa otro articulo). AVP (faltando e dos asientonan) a logra 22609 voto cu ta traduci den 8 asiento + 1, pa 9 asiento. MEP a logra 21298 voto cu ta 7 asiento + 2, pa 9 asiento tambe. POR a logra 5344 voto cu ta 1 asiento + 1, pa 2 asiento. Y partido RED a logra 4015 voto cu ta bon pa 1 asiento. E otro 4 partidonan no a logra asiento. RAIZ a haya 2058 voto, UPP/PPA 640, Curpa 455, Mas 272. 

  • Eman a concede victoria di eleccion na otro partidonan cu asiento

    Eman a concede victoria di eleccion na otro partidonan cu asiento

    ORANJESTAD - Lider di partido Mike Eman a concede victoria di e eleccion Parlamentario 2017 na otro partidonan cu a logra asiento. Na mes momento a anuncia cu ta inicia e proceso pa un liderazgo nobo di AVP enfatisando cu e resultado ta indica cu e instituto politico mester bay traha pa gana e confiansa bek di mayoria di e pueblo Arubano. "Mi ta felicita esnan cu mester bay asumi e reaponsabilidad di gobernacion y anos ta tuma nos responsabilidad tambe," asina Eman a bisa prensa na Cas di Partido rondona pa colega y simpatisantenan. Cu esaki tambe, Eman ta concede su asiento y ta traha caminda pa otro persona tuma su posicion. 

  • Gobernador Boekhoudt a eherce su derecho di voto

    Gobernador Boekhoudt a eherce su derecho di voto

    ORANJESTAD – Gobernador di Aruba Alfonso Boekhoudt, a eherce su derecho di voto awe mainta cu su señora. El a haci esaki pa 10’or y mei di mainta na urna na St Anna School. Gobernador a gradici e trahadornan di e urna pa nan esfuerzo, prome cu el a deposita e stembiljet den e buzon. Mes momento despues den un comentario na NoticiaCla y resto di prensa, el a pidi tur ciudadano pa eherce nan derecho di voto.

  • Urnanan electoral a cera y a cuminsa conta voto

    Urnanan electoral a cera y a cuminsa conta voto

    ORANJESTAD - E urnanan electoral, manera regla pa ley, a cera 7'or awe nochi. Cu esaki tambe ta yega un fin na e posibilidad pa por a vota pa un partido politico. Mesora a cuminsa e proceso di traha procesverbaal y e conteo oficial di cada urna electoral. Ta premira cu pa 8'or y mei pa 9'or e prome resultadonan por cuminsa drenta. 

  • Participa den exit poll di NoticiaCla y Doc Opleiding

    Participa den exit poll di NoticiaCla y Doc Opleiding

    ORANJESTAD – NoticiaCla y Doc Opleiding a formula un asina yama ‘exit poll’ den forma di encuesta, pa asina haya sa delanta con e ambiente di votonan tabata durante curso di dia. A habriele despues cu e urnanan electoral a cera 7’or. Pa participa ta facil, y den 4 minuut bo ta cla. Click AKI. Mas laat awe nochi nos ta presenta e resultado.

  • VotaAruba: Opinion propio mas importante cu tradicion familiar

    VotaAruba: Opinion propio mas importante cu tradicion familiar

    HILVERSUM – Mas y mas Arubiano ta kita di e tradicion di famia di vota pa un solo partido, y ta wak mas y mas na e contenido di programa. “Un trend remarcable” ta loke e desaroyadornan di e prome ‘indicador di voto’ (Stemwijzer), votaAruba.org a bisa. “nos a ripara cu hende tin mas necesidad na informacion, sigur asina cerca di eleccion” Lorenzo Fränkel (27) a bisa. E ta un di e gruponan hoben di Aruba na Hulanda cu a desaroya e programa. “E intencion ta pa informa”.

  • BDC3
  • Powered by SETAR