Ricky Tromp: Pasada di horcan Irma tabata un experiencia bon feroz

Posted on 09/8/2017 9:39 pm AST | Updated on 09/8/2017 10:19 pm AST

PHILLIPSBURG - "E pasada di horcan Irma tabata un experiencia bon feroz" Asina miembro di Cruz Cora di Aruba Ricky Tromp a conta. Colega di prensa Dick Drayer a combersa cu ne na St Maarten riba su experiencia for di momento cu ela yega e isla dialuna, te cu awor. "Hopi dificil. Pero e tabata un experiencia. Nos a biba pa papia di dje" Tromp ta sigui bisa. E cu dos otro colega di Cruz Cora Aruba, Giomar Violenus y Dionisio "Fecito" Richardson a yega e isla for di dialuna anochi. Binti cuater ora despues nan a experencia e furia di e horcan cu tur su consecuencia. Awe nan ta mas trankil, y den un estado mental cu nan por cumpli cu e meta cu nan a bin cu ne, esta yuda esnan cu mester. 

E PASADA

Tromp ta conta con e pasada tabata un momento di hopi ansha y spanto. 'Basta feroz!". E ta conta tambe con diripiente unda cu nan tabata, e bentananan a rementa, cu a pone nan adrenalina subi y mobilisa den teamwork pa sigura cu no tin mas daño na e camber cu nan a tabata aden. "Den estilo di team work nos tabata move den grupo di 2, di porta pa benta , pa evita cu e resto tambe lo a kibra. E cansancio a bay den un rato di ora. E ora e adrenalina a 'kick in'," Tromp ta sigui conta. 

E TRABOU AWOR

E voluntario di Aruba ta conta cu awor nan ta mas trankil, y den un estado mental cu nan por traha y haci e trabou cu nan a bin pa haci. "Pa bo por duna asistencia, bo mes mester ta den un estado mental trankil. Nos ta trankil y cla pa yuda" Tromp a bisa. E momento ey e y su coleganan di Aruba y Corsou tabata na un shelter, en espera di orden pa yudansa. "Nos ta cla. Warda nos ta warda e orden yega pa nos actua" Tromp ta bisa. E ta consciente si cu mester di hopi mas ayudo pasobra loke tin aworaki no ta suficiente. 

MAS HORCAN

E siguiente sla ta bin e weekend aki. Tromp a bisa cu e no ta sigur pero ta kere cu e habitantenan ta na altura cu tin un otro horcan na caminda. "Pero mi no ta sigur". Segun Tromp, e comunicacion ta casi nada. E ta spera cu tur cos bay bon, y cu e sla di Jose, e siguiente horcan no ta bay haci mes hopi daño. E ta conciente cu e ta mas chikito, pero e hecho cu hopi hende porta no sa, por ta un problema. "Nos ta spera cu tur cos bay bon" Tromp ta bisa. Como Cruz Cora nan tin aceso na mas comunicacion, pero e sa tambe cu mester di mas comunicacion. "Nos mester di hopi mas ayudo. Hopi mas!" Tromp ta finalisa bisando. 

Texto NoticiaCla… Entrevista/fotos Dick Drayer na St Maarten

  • Parlamentario di St Maarten ta bay prison pa fraude electoral

    Parlamentario di St Maarten ta bay prison pa fraude electoral

    PHILLIPSBURG – Parlamentario Silvio Matser (51) di St Maarten a keda sentencia na 8 luna di prison (2 condicional) pa fraude electoral. Hunto cu ne 2 otro persona tambe a tende sentencia di prison den nan contra den e casonan combina di "Octopus" y "Grastelchi". Matser tabata sospecha di a cumpra voto pa gana eleccion di 29 di augustus 2014 di St Maarten. Hunto cu ne ex director di prison E.R. tambe a haya castigo di prison, 160 dia di cual 80 ta condicional. Loke a ‘scapa’ Matser ta cu a aplica e ley electoral bieu, compara cu e ley nobo di 2015, cu lo a nifica cu Matser mester a sinta 2 aña en bes di 8 luna.

  • Cruz Cora ta extende programa di alimentacion na St. Maarten

    Cruz Cora ta extende programa di alimentacion  na St. Maarten

    PHILLIPSBURG - Cu tanto famia luchando ainda financieramente despues di Horcan Irma, Nederlandse Rode Kruis, por medio di su branch na St. Maarten, ta extende su programa di alimentacion na skolnan te cu fin di mei 2018.

  • Ruben Garcia ainda na Colombia, recuperando poco poco

    Ruben Garcia ainda na Colombia, recuperando poco poco

    BUCARAMANGA /ORANJESTAD – Conocido personahe di Aruba Ruben Garcia su salud ta birando ‘dia pa dia miho’. “E lo dura un tempo (prome cu e ta bon) pero e ta bayendo bon” su señora esposa a sigura NoticiaCla diadomingo. Pa loke ta fecha pa bolbe Aruba, no por bisa ainda pasobra no tin nada programa ainda segun e famia. Mientrastanto e atencion pa su recuperacion ta sigui di ta inmenso riba rednan social, unda cu Aruba ta mustrando su solidaridad cu un di Aruba su personahenan mas preferi, esta Ruben ‘Tio’ Garcia.

  • Venezuela a suspende operacion di Aserca Airlines tambe

    Venezuela a suspende operacion di Aserca Airlines tambe

    CARACAS/ORANJESTAD – E departamento di aeronautica civil di Venezuela (INAC) a suspende operacion di e aerolinea Venezolano Aserca Airlines debi cu e no tabatin seguro necesario pa e flota di su avionan. E aerolinea mes mientrastanto a emiti un comunicado riba nan portal, cu nan a suspende nan operacion temporalmente pa motibonan tecnico pa cual no por bula entre 15 pa 23 di februari 2018, sin bay den detaye di e motibonan tecnico. Esaki ta bira e di dos aerolinea e aña aki caba cu Venezuela ta ‘ground’ (e prome tabata Santa Barbara Airlines). E diferencia aki ta cu Aserca Airlines si tabata bula pa Aruba y den januari di e aña aki ainda tabatin 4 buelo pa siman segun vocero di aeropuerto Reina Beatrix.

  • Warda Costa ta intensiva presencia debi na situacion cu Venezuela

    Warda Costa ta intensiva presencia debi na situacion cu Venezuela

    ORANJESTAD /WILLEMSTAD – E situacion actual di Venezuela a pone cu Warda Costa di Caribe ta bay ta mas activo cu su papel di ta polis maritimo den e region. Asina vocero di Warda Costa Roderick Gouverneur a confirma pa NoticiaCla. Segun Gouverneur, e parti di intensiva e control, ta den nan ‘jaarplan pa 2018’ di 40 pagina. Aki tin un montante di placa extra cu Hulanda a reserva pa yuda. Esaki ta encera cu pronto lo tin mas patruya vigilando e awanan teritorial pa asina controla posibel traficacion di hende y boto entre Venezuela y islanan ABC.

  • Parlamentario activo di St Maarten deteni pa fraude

    Parlamentario activo di St Maarten deteni pa fraude

    PHILLIPSBURG – Parlamentario di St Maarten Frans Richardson a keda deteni ayera riba e isla. E ta sospecha di soborno y fraude di impuesto. Richardson ta e lider di e partido politico USP cu tin 3 di e 15 asientonan den e actual Parlamento.

  • Powered by SETAR