Militarnan a tuma control di St Maarten pa sigura orden publico

Posted on 09/8/2017 4:55 pm AST | Updated on 09/8/2017 10:12 pm AST

PHILLIPSBURG - Militarnan Hulandes a tuma control di e isla, cu ayudo di autoridad local di St Maarten. Asina defensa Hulandes ta raporta. Mientras cu tabatin momentonan scur na varios caminda, ta raporta cu militarnan toch no mester a actua cu violencia. Si a detene varios persona cu kier a actua contra ley. Marina y militarnan a tuma mando di e prizon cu a sufri daño, y ta cuidando varios area crucial. "Mantencion di orden publico a bira un di dos prioridad pa e militarnan" defensa Hulandes a bisa. 

AYUDO

Mientrastanto ta hayando refuerso (manera NoticiaCla a raporta caba) cu ta yegando e isla cu avion di Wardacosta. Ta trata aki di e agentnan di RST, KPA (Aruba) y KPC( Corsou).  Tanto e bapornan militar Pelikaan y Zeeland a descarga y ta na caminda bek pa Corsou pa regarga mas material. 

DAÑO 

E bista di daño ta birando mas y mas completo, y necesidadnan ta birando mas y mas bisto. E tareanan importante ta keda e restauracion di e aeropeurto y haf pa por reestablece e coneccion cu e isla. A haci mas hopi preparacion posibel prome cu yegada di horcan Jose, aunke no sa cu exactitud cu cuanto potencia e lo dal St Maarten. 

AVION

E avionan di Hulanda cu mientrastanto a yega Corsou, lo mester a yega St Maarten den curso di awe, y tambe ta yegando Corsou un avion C17. No ta kita bista di e daño riba e otro dos islanan Saba y Statia, aunke cu e daño eynan ta considerablemente menos. Foto cortesia defensa Hulandes. 

 

  • Parke solar STUCO oficialmente habri na St Eustatius

    Parke solar STUCO oficialmente habri na St Eustatius

    ORANJESTAD - E parke solar di STUCO  a keda habri awe pa e representante di Reino Hulandes  Mr. Gilbert Isabella, STUCO CEO Mr. Fred Cuvalay y comisionado di Energia Mr. Derrick Simons.

  • Gabinete Marlin II a entrega retiro na St. Maarten y ta bay eleccion

    Gabinete Marlin II a entrega retiro na St. Maarten y ta bay eleccion

    HARBOUR VIEW- Gabinete Marlin 2 a entrega nan retiro na gobernador Eugene Holiday y a entrega un carta, cu e fin pa disolve parlamento y yama eleccion pa januari 2018. Asina e portal di St. Maarten, Daily Herald ta raporta. Gobernador Holiday a confirma cu el a ricibi e carta di retiro y ta confirma cu e retiro ta basa riba e mocion di desconfiansa pasa pa parlamento di dia 2 di november. El a acepta e peticion di retiro, pendiente e formacion y instalacion di un gobierno interino. Mes momento Holiday a ricibi un decreto nacional pa yama eleccion nobo y disolve Parlamento pa fin di januari 2018. Potret ta cortesia Daily Herald. 

  • Parlamento di St Maarten a manda prome minister Marlin cas!

    Parlamento di St Maarten a manda prome minister Marlin cas!

    PHILLIPSBURG – Parlamento di St Maarten a manda gobierno di e isla cas diahuebs. Por lo menos e prome minister William Marlin y algun otro minister a wordo retira cu un mocion di desconfiansa.”No ta mucho cla kico t'ey sosode awor. Mi ta bay studia e situacion awor” secretario di estado Hulandes pa asuntonan di Reino Raymond Knops a declara despues. No ta sigur si lo forma un gobierno nobo of si ta bin eleccion nobo aki tres luna. Tampoco ta sigur si e coalicion ‘nobo’ si lo ehecuta e mocion di e parlamento ‘nobo’ cu si ta aproba e condicion cu Hulanda a pone pa St Maarten haya ayudo financiero pa reconstruccion di e isla despues di e dos horcannan cu a pasa recientemente y destrosa e isla. E dos condicionan ta instalacion di un camber di integridad y cu Hulanda kier tuma e control di frontera over. Foto cortesia John Samson.  

  • OM: No ta persigui parlamentario Van Putten penalmente

    OM: No ta persigui parlamentario Van Putten penalmente

    ORANJESTAD - Ministerio Publico (OM) BES a dicidi cu no ta start un investigacion penal relaciona cu e declaracionnan di politico di Sint Eustatius, Clyde van Putten. E declaracionnan cu el a haci na Corsou dia 9 di october 2017. Fiskal Mayo di OM BES a dicidi esaki y a pone mientrastanto e denunciante na altura di e decision.

  • Coalicion den Parlamento na St Maarten ta rebeldia contra Marlin

    Coalicion den Parlamento na St Maarten ta rebeldia contra Marlin

    PHILIPSBURG – Gobierno di St Maarten a bay di acuerdo cu Hulanda pa acepta e ayudo financiero, door di acepta e condicionan stipula pa Hulanda. Esaki a keda participa dialuna durante un conferencia di prensa di prome minister William Marlin. Su gobierno a bay di acuerdo pa cambia e ley di camber di integridad door di nombra un miembro di Hulanda den e camber, banda di 2 di St Maarten. Ademas ta laga marechausee yuda cuida e frontera di e isla. Di otro banda, den parlamento a surgi un rebuelto ora cu un grupo di e coalicion actual a uni di cierto forma cu e por bira un posibel coalicion nobo. Varios di nan a firma un acuerdo ayera, considerando un cambio di signatura di gobierno. Cierto medio na Corsou a te hasta bay asina leu di bisa cu gobierno di St Maarten a cay. E problema a cuminsa diabierna ora cu presidente di parlamento y miembro di coalicion Sarah Wescot Williams a protesta e actuacion di premier Marlin, y menasa di retira sosten na e gabinete. Pa esey ela haya sosten di otro partido y su miembro Chanel Brownbill (USp). E situacion actual ta poco confuso na e isla, aunke cu ta papia di un crisis evita.

  • Posibel crisis den gobierno na St Maarten pa motibo di ayudo for di Hulanda

    Posibel crisis den gobierno na St Maarten pa motibo di ayudo for di Hulanda

    PHILIPSBURG – Tin un crisis na caminda den gobierno di St Maarten. Asina partner di noticia di NoticiaCla, Caribisch Netwerk ta raporta. Presidente di parlamento Sarah Wescot-Williams ta menasa di retira su sosten na e coalicion di National Alliance (NA), United St. Maarten Party (USP) y Democratic Party (DP). E president ta protesta cu e gabinete ta cerando e porta pa ayudo financiero di Hulanda, y den esaki particularmente prome minster Marlin.

  • Powered by SETAR