Militarnan a tuma control di St Maarten pa sigura orden publico

Posted on 09/8/2017 4:55 pm AST | Updated on 09/8/2017 10:12 pm AST

PHILLIPSBURG - Militarnan Hulandes a tuma control di e isla, cu ayudo di autoridad local di St Maarten. Asina defensa Hulandes ta raporta. Mientras cu tabatin momentonan scur na varios caminda, ta raporta cu militarnan toch no mester a actua cu violencia. Si a detene varios persona cu kier a actua contra ley. Marina y militarnan a tuma mando di e prizon cu a sufri daño, y ta cuidando varios area crucial. "Mantencion di orden publico a bira un di dos prioridad pa e militarnan" defensa Hulandes a bisa. 

AYUDO

Mientrastanto ta hayando refuerso (manera NoticiaCla a raporta caba) cu ta yegando e isla cu avion di Wardacosta. Ta trata aki di e agentnan di RST, KPA (Aruba) y KPC( Corsou).  Tanto e bapornan militar Pelikaan y Zeeland a descarga y ta na caminda bek pa Corsou pa regarga mas material. 

DAÑO 

E bista di daño ta birando mas y mas completo, y necesidadnan ta birando mas y mas bisto. E tareanan importante ta keda e restauracion di e aeropeurto y haf pa por reestablece e coneccion cu e isla. A haci mas hopi preparacion posibel prome cu yegada di horcan Jose, aunke no sa cu exactitud cu cuanto potencia e lo dal St Maarten. 

AVION

E avionan di Hulanda cu mientrastanto a yega Corsou, lo mester a yega St Maarten den curso di awe, y tambe ta yegando Corsou un avion C17. No ta kita bista di e daño riba e otro dos islanan Saba y Statia, aunke cu e daño eynan ta considerablemente menos. Foto cortesia defensa Hulandes. 

 

  • St Maarten bou di "toque de queda" pa horcan Maria

    St Maarten bou di

    PHILLIPSBURG- St Maarten ta bou di un "toque de queda" for di awe dialuna anochi 7’or te proximo aviso. Asina prome minister William Marlin a decreta, relaciona cu e pasada di horcan Maria laat awe nochi. Despues cu ela reuni cu e Emergency Operation center (EOC), ela haci e anuncio segun e portal The Daily Herald. Despues di e pasada di e horcan, lo haci un recorido y acesora e situacion y dicidi ki ora ta kita e "toque de queda" aki. E "toque de queda" ta significa cu despues di 7’or di anochi no ta permiti ningun hende riba caya mas y polis lo enforsa zero tolerancia pa tur hende cu kibra e regla. Tambe negoshinan ta obliga pa cera pa 5’or di atardi.

  • Maria a bira Horcan y ta menasa Isla Riba y Puerto Rico

    Maria a bira Horcan y ta menasa Isla Riba y Puerto Rico

    MIAMI/ORANJESTAD – Tormenta Maria a bira horcan y tabata situa mas of menos na 445 km oost-zuidoost di Dominica. Maria ta moviendo west-noordwest y no ta un menasa pa region local.

  • Tormenta tropical Maria a nace y ta menaza Isla Riba

    Tormenta tropical Maria a nace y ta menaza Isla Riba

    ORANJESTAD – Tormenta tropical Maria a forma for di un ola tropical cu a bira rapidamente depresion tropical nr.15. E sistema tabata situa mas o menos na 1000 km oost  di e islanan mas oost di area di Caribe y ta moviendo west. Asina servicio meteorologico ta confirma awe tardi.

  • Marina real a reacciona riba video cu a bay viral na St Maarten

    Marina real a reacciona riba video cu a bay viral na St Maarten

    PHILLIPSBURG - Un video di un yiu di un trahado di Divi Resort na St Maarten a bay viral for di ayera, kehando severamente riba e operacion di marina real na e isla. E keho tabata cu marina real a drenta e hotel, saca tur hende for di e hotel, pa nan (marina real) na nan turno tuma e lugar over como lugar di hospedahe. Awe mainta marina real oficialmente a reacciona riba esaki. Mientras cu nan a admiti cu a haya oferta pa keda den e hotel, 'esaki no por conduci na sacamendo di hendenan for di e lugar, cu a perde tur cos. Esey ta netamente lo contrario pa cual nos ta na e sitio" e reaccion oficial a bisa. A compronde tambe cu e gerente di e hotel tambe a keda negativamente sorprendi. Ayera e trahadonan lo a tende cu nan lo wordo retira pasobra e hotel no por funciona mas. No tin awa, electricidad, y e cushina no por funciona y esey no tabata responsabel pa cu nan huespednan (cu t'ey ainda). Divi lo a saca un comunicado riba e tema.  

  • Rey di Hulanda y Presidente di Francia ta bishita St Maarten

    Rey di Hulanda y Presidente di Francia ta bishita St Maarten

    WILLEMSTAD - Rey Willem Alexander y minister Plasterk (Relacionan di Reino) ta biaha pa St Maarten dialuna. Nan lo mira cu wowo propio e daño ocasiona. Mes momento presidente di Francia Emmanuel Macron ta bishita e isla tambe (e parti Frances) diamars awor. Hulanda a dicidi riba e bishita diadomingo atardi despues di a bishita e hospital unda cu tabatin victimanan di e horcan. Segun e corant Hulandes de Telegraaf, Plasterk a haya e bishita 'impresionante'.

  • Hulanda a cuminsa evacua turistanan Hulandes di St Maarten

    Hulanda a cuminsa evacua turistanan Hulandes di St Maarten

    DEN HAAG – Turistanan Hulandes y famianan di ambtenaarnan Hulandes cu ta staciona na St Maarten, a cuminsa wordo evacua. Esaki prome minister Hulandes Mark Rutte a bisa den un conferencia di prensa awe tardi. Tin un total di 530 turista Hulandes cu mester wordo evacua. Despues e prioridad ta bira pa evacua hende Hulandes cu ta riba e isla, sea pa trabou of studiando. E evacuacion lo sosode cu avionnan militar pasobra ainda avionnan comercial no por aterisa riba e isla. 

  • NoticiaCla Ad
  • Powered by SETAR