Famia di turistanan pega na St Maarten, preocupa pa nan situacion

Famia di turistanan pega na St Maarten, preocupa pa nan situacion

Posted on 09/8/2017 11:08 am AST | Updated on 09/8/2017 11:09 am AST

PHILLIPSBURG - Turistanan ta pega na St Maarten despues di e pasada di horcan Irma. Desde cu e horcan su pasada, storia di famianan cu nan hendenan ta riba St Maarten, ta circula den noticianan riba internet. Entre nan un homber cu ta bisa cu su ruman ta 'pega' na e isla, y ta puntra su mes ki dia su ruman por bolbe Manchester. E ruman muher Maria Pintos, a bise diamars ainda cu e kier a corta su vacantie y bandona e isla pero no por a haya avion. E tabata riba e isla cu su pareha cu ken el a caba comprometi algun dia prome. Asina tin mas cu ta den e mesun 'situacion'. 

AEROPUERTO 

E aeropuerto di e isla no ta operacional por lo pronto, pues tur turista ta pega por lo pronto riba e isla. Militarnan ta trahando pa deshaci di e destruccion riba pista y dreche di tal forma cu e por bira operacional atrobe. Varios di e hotelnan unda cu tin turista, a keda destrui sea total of parcial, pues esey tampoco no ta yuda. Foto ta di Maria Pintos, cortesia di New Hampshire Union Leader. 

  • Parlamentario di St Maarten ta bay prison pa fraude electoral

    Parlamentario di St Maarten ta bay prison pa fraude electoral

    PHILLIPSBURG – Parlamentario Silvio Matser (51) di St Maarten a keda sentencia na 8 luna di prison (2 condicional) pa fraude electoral. Hunto cu ne 2 otro persona tambe a tende sentencia di prison den nan contra den e casonan combina di "Octopus" y "Grastelchi". Matser tabata sospecha di a cumpra voto pa gana eleccion di 29 di augustus 2014 di St Maarten. Hunto cu ne ex director di prison E.R. tambe a haya castigo di prison, 160 dia di cual 80 ta condicional. Loke a ‘scapa’ Matser ta cu a aplica e ley electoral bieu, compara cu e ley nobo di 2015, cu lo a nifica cu Matser mester a sinta 2 aña en bes di 8 luna.

  • Cruz Cora ta extende programa di alimentacion na St. Maarten

    Cruz Cora ta extende programa di alimentacion  na St. Maarten

    PHILLIPSBURG - Cu tanto famia luchando ainda financieramente despues di Horcan Irma, Nederlandse Rode Kruis, por medio di su branch na St. Maarten, ta extende su programa di alimentacion na skolnan te cu fin di mei 2018.

  • Ruben Garcia ainda na Colombia, recuperando poco poco

    Ruben Garcia ainda na Colombia, recuperando poco poco

    BUCARAMANGA /ORANJESTAD – Conocido personahe di Aruba Ruben Garcia su salud ta birando ‘dia pa dia miho’. “E lo dura un tempo (prome cu e ta bon) pero e ta bayendo bon” su señora esposa a sigura NoticiaCla diadomingo. Pa loke ta fecha pa bolbe Aruba, no por bisa ainda pasobra no tin nada programa ainda segun e famia. Mientrastanto e atencion pa su recuperacion ta sigui di ta inmenso riba rednan social, unda cu Aruba ta mustrando su solidaridad cu un di Aruba su personahenan mas preferi, esta Ruben ‘Tio’ Garcia.

  • Venezuela a suspende operacion di Aserca Airlines tambe

    Venezuela a suspende operacion di Aserca Airlines tambe

    CARACAS/ORANJESTAD – E departamento di aeronautica civil di Venezuela (INAC) a suspende operacion di e aerolinea Venezolano Aserca Airlines debi cu e no tabatin seguro necesario pa e flota di su avionan. E aerolinea mes mientrastanto a emiti un comunicado riba nan portal, cu nan a suspende nan operacion temporalmente pa motibonan tecnico pa cual no por bula entre 15 pa 23 di februari 2018, sin bay den detaye di e motibonan tecnico. Esaki ta bira e di dos aerolinea e aña aki caba cu Venezuela ta ‘ground’ (e prome tabata Santa Barbara Airlines). E diferencia aki ta cu Aserca Airlines si tabata bula pa Aruba y den januari di e aña aki ainda tabatin 4 buelo pa siman segun vocero di aeropuerto Reina Beatrix.

  • Warda Costa ta intensiva presencia debi na situacion cu Venezuela

    Warda Costa ta intensiva presencia debi na situacion cu Venezuela

    ORANJESTAD /WILLEMSTAD – E situacion actual di Venezuela a pone cu Warda Costa di Caribe ta bay ta mas activo cu su papel di ta polis maritimo den e region. Asina vocero di Warda Costa Roderick Gouverneur a confirma pa NoticiaCla. Segun Gouverneur, e parti di intensiva e control, ta den nan ‘jaarplan pa 2018’ di 40 pagina. Aki tin un montante di placa extra cu Hulanda a reserva pa yuda. Esaki ta encera cu pronto lo tin mas patruya vigilando e awanan teritorial pa asina controla posibel traficacion di hende y boto entre Venezuela y islanan ABC.

  • Parlamentario activo di St Maarten deteni pa fraude

    Parlamentario activo di St Maarten deteni pa fraude

    PHILLIPSBURG – Parlamentario di St Maarten Frans Richardson a keda deteni ayera riba e isla. E ta sospecha di soborno y fraude di impuesto. Richardson ta e lider di e partido politico USP cu tin 3 di e 15 asientonan den e actual Parlamento.

  • Powered by SETAR