Rey Willem Alexander ta bin inspecciona ayudo pa Isla Riba

Rey Willem Alexander ta bin inspecciona ayudo pa Isla Riba

Posted on 09/8/2017 10:01 am AST | Updated on 09/8/2017 10:01 am AST

DEN HAAG - Su Mahestad Rey Willem Alexander ta biaha diadomingo pa Corsou, acompaña pa minister Ronald Plasterk. Aki nan lo wordo informa di e asistencia cu ta wordo duna na Isa Riba. Na e momento ey, lo determina si y ki ora ta posibel pa bishita Sint Maarten, Saba y Sint Eustatius. Esaki den cuadro di e pasada di horcan Irma y e destruccion cu e ciclon aki a laga atras. Fuente RVD. 

  • Plasterk: Aruba no mag desvia di proceso pa haya paspoort Hulandes

    Plasterk: Aruba no mag desvia di proceso pa haya paspoort Hulandes

    DEN HAAG – Gobierno di Aruba no mag desvia di proceso pa haya paspoort Hulandes. Asina minister Ronald Plasterk a contesta miembro di Tweede Kamer Andre Bosman awe mainta den un carta. Bosman siman pasa a haci e mandatario Hulandes 5 pregunta, basa riba un video di un encuentro cu Eman y Sevinger tabatin recientemente cu un grupo di sostenenedor Latino. Aki entre otro e mandatarionan lo a priminti entre otro aceleracion di e proceso pa haya paspoort Hulandes. E preguntanan di Bosman tabata pa haya clarificacion, y pa haya esaki mas tarda awe tardi 5’or ora di Hulanda. Plasterk a reacciona y bisa cu e sistema actual ta frustra e posibilidad pa un paspoort por wordo ‘regala’ como un ‘regalo’, cu lo tabata un di e promesanan cu Eman lo a haci durante e encuentro cu Latinonan.

  • Caribe Hulandes a haya basta atencion den troonrede

    Caribe Hulandes a haya basta atencion den troonrede

    DEN HAAG/ ORANJESTAD – Caribe Hulandes a haya mas atencion cu nunca den e discurso di Rey Willem Alexander durante apertura di aña parlamentario 2017/2018 awe mainta. Den e asina yama ‘troonrede’, e Rey a habri cu e situacion di St Maarten y resto di Isla Riba, cu tabata remarcabel pero comprendibel pa tur. Sigur despues di e desaster cu a keda atras cu pasada di e horcan Irma recientemente. "Riba Prinsjesdag tur wowo tradicionalmente ta riba Den Haag. Pero awe nos curason y pensamento ta cu e habitantenan di St Maarten, Saba y St Eustatius cu a wordo afecta seriamente pa e forsa devastador di horcan Irma" e Rey a cuminsa cu su discurso. "Nos tur ta convivi intensamente cu e situacion. Hustamente den e circumstancia asina dificil, e union den Reino (Hulandes) ta bira visibel", e Rey a sigui bisa. 

  • Miembro Tweede Kamer ta cuestiona promesa di Eman na comunidad Latino

    Miembro Tweede Kamer ta cuestiona promesa di Eman na comunidad Latino

    DEN HAAG - E discurso recien di ministernan Mike Eman y Benny Sevinger durante un evento pa latino a hala atencion na Hulanda. For di e evento ey, a sali un video cu a circula riba internet. Basa riba e video aki, miembro di Tweede Kamer  di Hulanda Andre Bosman a haci 5 pregunta na minister di relacionan di Reino Ronald Plasterk (PVDA). Esaki pasobra durante e video por mira cu e mandatarionan ta haci cierto promesanan na e grupo latino, y ta cuestiona cu esaki por ta algo positivo. 

  • Gobierno Hulandes ta convivi cu esnan afecta pa Irma

    Gobierno Hulandes ta convivi cu esnan afecta pa Irma

    DEN HAAG - 'E prome noticia y imagenan teribel di e parti caribense di nos Reino'. Asina prome minister Hulandes Mark Rutte a reacciona riba e desaster cu horcan Irma a laga atras awe riba Isla Riba. E mandatario ta bisa cu ainda no ta mucho conoci con grandi e daño exacto ta cu Irma a causa, pero cu Sint Maarten, Saba y Sint-Eustatius a keda seriamente afecta lamentablemente ta sigur. "Hulanda ta cla pa yuda unda cu mester. Asina cu ta posibel, dos bapor di marina for di Aruba y Corsou, lo aporta cu marinier y material, hunto cu e 100 militarnan cu ta na St Maarten caba" Rutte a sigui bisa.  Gabinete Hulandes, te asina cu ta posibel, ta den contacto cu autoridad local y ta sigui e desaroyo di cerca. "Ami, pero tambe e otro miembronan di gabinete ta convivi cu tur ciudadano di e islanan afecta. Mi ta desea tur hende cu a keda afecta pa e desaster natural aki, hopi forsa den e ora y dianan cu ta sigui" e mandatario a finalisa bisando.   

  • Hulanda evaluando pa tuma medida contra Venezuela

    Hulanda evaluando pa tuma medida contra Venezuela

    DEN HAAG - Gobierno Hulandes no ta descarta pa tuma medida contra gobierno di Venezuela, incluyendo sancionnan dirigi, contal cu nan tin efecto. Asina ministernan Ronald Plasterk y Bert Koenders a informa Tweede Kamer dialuna den un carta di 6 pagina. E sancionan mester tin efecto, no perhudica e pueblo Venezolano, y ta wordo anuncia den cuadro cu Union Europeo. "Hulanda lo coincidi esaki cu Aruba, Corsou y St Maarten pa tene e interesnan di Reino na cuenta". Esaki pasobra sancionnan por tin consecuencia cu e islanan di Caribe Hulandes debi na e relacionan economico cu tin entre e islanan y Venezuela. Sinembargo mes momento ta bisa tambe cu no tin motibo aworaki pa tuma medida extra pa seguridad di e islanan. 

  • Merca a sigura Hulanda cu nan lo no invadi Venezuela

    Merca a sigura Hulanda cu nan lo no invadi Venezuela

    WASHINGTONWASHINGTON – Minister di defensa Mericano James Mattis a sigura colega di defensa Hulandes Jeanine Hennis cu no tin ningun chens cu Merca lo tuma accion militar contra Venezuela. Esaki aunke cu diabierna ainda presidente Trump a bisa cu e ta un opcion. “Mi a puntr'e con mi tin cu compronde esaki y ela sigur ami cu tin zero chens” Hennis a bisa despues di su bishita cu Mattis.”Tur hende ta compronde cu aki mester cana e caminda diplomatico. Y mi a inform'e cu accion militar lo tin consecuencia grandi pa Hulanda, pasobra Venezuela ta un pais bisiña di nos. Como tal nos tambe kier wordo informa” Hennis a bisa. Ta prome biaha desde cu Trump a bira presidente, cu un minister Hulandes ta bishita un colega Mericano. Fuente: Nu.nl. Foto AFP. 

  • NoticiaCla Ad
  • Powered by SETAR