Total di 18 polis a ricibi decreto gubernamental

Posted on 09/5/2017 3:36 pm AST | Updated on 09/6/2017 5:27 am AST

ORANJESTAD - Recientemente 18 agente policial a ricibi nan decreto gubernamental (Landsbesluit), pa cual nan a keda masha contento. Rodney Solognier tin 22 aña trahando den Cuerpo Policial y a keda promovi como "onderinspecteur" den rango y trahando na Santa Cruz. Tur su añanan den servicio di Cuerpo Policial, Rodney Solognier ta trahando na "straatdienst", pero aworaki e fungi como "Chef van Dienst".

Tur dia e trabou ta diferente y ta cla pa cualkier reto cu yega. Pa tin e posicion y e rango, e Polis semper mester ta un ehempel pa tur personal nobo, kendenan ta mira bo como un polis ehemplar den e trabou. Un cos cu e gusta ta pa haya un solucion pa tur cos, specialmente ora cu ta trata di hende den necesidad of cu tin un problema. Nan kier pa polis yega na un solucion rapido. Tur cos ta depende di e caso y Rodney Solognier ta haci su best pa yega na un solucion rapido, pasobra no ta tur cos por keda soluciona den un dia.

Agentenan policial cu a ricibi nan decreto gubernamental y funcion ta Rodney R. Solognier, Luiggi J.A. Tromp, Sydney A. Curiel, Alfred A.G. Vrolijk, Habib J. Gonzalez Cabeza, Alberto D. Grovell, Jerall C.A. Maduro, Sayenne N. Geerman, Rudlyn F.F. Ras, Gionel G. Solognier, Darren D. Harms, Axel R.D. Croes, Jovanka R.S. Naddall, Richinel V. J. Koolman, Aron R. A. Jansen, Akeem R. Gumbs, Francios L. Robles de Medina y Elvis A. Perez. 

Pa tur cu ta interesa den sirbi nan pais dor di bira Polis, e trabou ta hopi great y ta depende di e persona mes. Mester tin hopi disciplina pasobra e trabou no ta facil, unda cu mester cumpli cu hopi regla. “Bo no por bira Polis pa djis bira Polis. Bo mester mantene Bo mes na hopi regla”, asina Rodney Solognier, por lo menos un di esunnan cu a ricibi su decreto gubernamental den man, a duna di conoce.

  • Polis a detene sospechosonan di un caso di hincamento

    Polis a detene sospechosonan di un caso di hincamento

    ORANJESTAD - Awe diasabra nochi pa 21:47 na haltura di Time Keeper na Renaissance Suite tabatin un pelea na unda un hoben di 17 aña a wordo hinca cu un arma blanco. Polis a presenta di biaha na e sitio di e sucedido . A pidi ambulance pa e victima y a logra stabilisa e victima. Di biaha diferente unidad di polis a cuminsa busca e sospechosonan y na unda di menos di 10 minuut e tres sospechosonan a wordo gara den area di playa . Ta trata di hobennan di edad di 16 pa 18 aña.

  • Polis a los tiro riba sospechoso agresivo na Macuarima

    Polis a los tiro riba sospechoso agresivo na Macuarima

    SANTA CRUZ – Polis a los tiro awe riba un sospechoso cu tabata buscando problema. Vocero suplente di polis Liliana Rasmijn a confirma cu pa mas o menos 15:15 yamada a drenta na warda di Polis Sta Cruz pa un problema entre pareja (echtelijke twist) na un cas na macuarima. Patruya di Sta Cruz ta bay di biaha na e cas en cuestion. Na yegada patruya ta topa cu e situacion na unda e meneer lo ta agrediendo dos señora y tabata agresivo. Ora e la wak polis e la coi un biga y keda bin riba e polisnan. Polis a pidi pa versterking y a dune varios aviso pa pone e biga abao pero e persona en cuestion a keda bin riba polis. Aki e polis a haye obliga di uza su arma reglamentario y los un tiro. Despues di esey ainda e sospechoso a keda resisti contra polis . A pidi pa ambulance na unda na su yegada e la wordo atendi y hiba hospital. Su situacion ta stabil y for di peliger. Departamento di recherche a yega na e sitio , departamento forensico , comisario Hassell y tambe slachtoffer hulp. E caso ta bao investigacion. Foto ta di archivo di KPA.

  • Update: Mas imagen di detencion di chauffeur di hit & run

    Update: Mas imagen di detencion di chauffeur di hit & run

    ORANJESTAD – Manera NoticiaCla a raporta anteriormente caba, un persecucion di polis riba un chauffeur cu a comete un hit & run, pero cu polis a logra pone man ariba, te na altura di rotonde nobo di ex Drive Inn. Esaki ta imagennan nobo cu Noticia Cla a ricibi.

  • Accion di KPA a resulta den hopi detencion y captura di droga

    Accion di KPA a resulta den hopi detencion y captura di droga

    ORANJESTAD - Bao guia di ministerio publico, SGC di KPA a tene awe un accion den un supuesto ‘drugspand’ na Emanstraat na oranjestad. Siete persona a keda deteni. Tambe a confisca un cantidad di droga. E investigacion di e supuesto drugspand’ aki tin mas tempo andando. Mas prome polis a detene algun comprador, pero despues a laga nan bay.

  • Persecuccion pa chauffeur di hit & run gara na Drive Inn

    Persecuccion pa chauffeur di hit & run gara na Drive Inn

    ORANJESTAD - Un rato pasa tabata tin persecucion na playa y a termina na altura di drive inn. Vocero suplente di polis Liliana Rasmijn a caba confirma cu ta trata di un chauffeur di un skyline color preto cu a comete e hit and run na Citgo na final di Caya Grandi O'stad . Na e momento ey tabatin un patruya di maritiem politie cu a bai su tras y a cuminsa un persecucion . E chauffeur a casi dal un motorunit cu tabata e momento tambe riba caya y tambe un patruya di polis. Na final patruya a logra sere y asina a pare un poco prome cu rotonde na Drive Inn. A detene e chauffeur y transporte pa warda di Sta Cruz.

  • A identifica persona cu a hoga na Conchi

    A identifica persona cu a hoga na Conchi

    ORANJESTAD - E persona cu a hoga na Conchi awe tardi manera cu NoticiaCla a raporta un rato pasa, a keda identifica. Segun vocero di polis Lito Lacle, ta trata di Richard Alberts Dirksz, Aruba 16 januari 1970 y biba na Shete.Dokter Texier a constata morto 6'or y mei. NoticiaCla ta manda palabra di condolencia na famia di e fayecido.

  • NoticiaCla Ad
  • Powered by SETAR