Total di 18 polis a ricibi decreto gubernamental

Posted on 09/5/2017 3:36 pm AST | Updated on 09/6/2017 5:27 am AST

ORANJESTAD - Recientemente 18 agente policial a ricibi nan decreto gubernamental (Landsbesluit), pa cual nan a keda masha contento. Rodney Solognier tin 22 aña trahando den Cuerpo Policial y a keda promovi como "onderinspecteur" den rango y trahando na Santa Cruz. Tur su añanan den servicio di Cuerpo Policial, Rodney Solognier ta trahando na "straatdienst", pero aworaki e fungi como "Chef van Dienst".

Tur dia e trabou ta diferente y ta cla pa cualkier reto cu yega. Pa tin e posicion y e rango, e Polis semper mester ta un ehempel pa tur personal nobo, kendenan ta mira bo como un polis ehemplar den e trabou. Un cos cu e gusta ta pa haya un solucion pa tur cos, specialmente ora cu ta trata di hende den necesidad of cu tin un problema. Nan kier pa polis yega na un solucion rapido. Tur cos ta depende di e caso y Rodney Solognier ta haci su best pa yega na un solucion rapido, pasobra no ta tur cos por keda soluciona den un dia.

Agentenan policial cu a ricibi nan decreto gubernamental y funcion ta Rodney R. Solognier, Luiggi J.A. Tromp, Sydney A. Curiel, Alfred A.G. Vrolijk, Habib J. Gonzalez Cabeza, Alberto D. Grovell, Jerall C.A. Maduro, Sayenne N. Geerman, Rudlyn F.F. Ras, Gionel G. Solognier, Darren D. Harms, Axel R.D. Croes, Jovanka R.S. Naddall, Richinel V. J. Koolman, Aron R. A. Jansen, Akeem R. Gumbs, Francios L. Robles de Medina y Elvis A. Perez. 

Pa tur cu ta interesa den sirbi nan pais dor di bira Polis, e trabou ta hopi great y ta depende di e persona mes. Mester tin hopi disciplina pasobra e trabou no ta facil, unda cu mester cumpli cu hopi regla. “Bo no por bira Polis pa djis bira Polis. Bo mester mantene Bo mes na hopi regla”, asina Rodney Solognier, por lo menos un di esunnan cu a ricibi su decreto gubernamental den man, a duna di conoce.

  • Croes: Detencion director Arutram relaciona e.o. cu falsificacion recibo

    Croes: Detencion director Arutram relaciona e.o. cu falsificacion recibo

    ORANJESTAD - E detencion dialuna di e director di Arutram, A. Geerman tin di haber cu 'iregularidadnan cu placa'. Asina director di Arubus Teo Croes a confirma pa NoticiaCla diaranson. Manera ta conoci diamars e noticia a bira conoci di e detencion di e persona aki, aunke no por bisa cuanto tempo e persona lo keda deteni. Mientras cu Croes no por a bisa mucho, el a confirma cu recherche y demas autoridad ta ocupa cu e investigacion. "No sa ainda di cuanto placa ta trata" Croes a bisa, y cu e investigacion tin cu determina esey. E departamento forensico ta haciendo su trabounan, pa saca afo kico mas por saca afo. Croes a confirma tambe cu e persona en cuestion a 'falsifica recibo y a cobra cu petty cash'.

  • Curpa haya den lama na Boca Mahos a keda identifica

    Curpa haya den lama na Boca Mahos a keda identifica

    ORANJESTAD - Polis a identifica e curpa di e dama haya den lama na Boca Mahos. Segun vocero di polis, Lito Lacle, pa 14.40 Dokter Texier a constata morto di Mareline (Mandy) Vrolijk naci na Merca di 5 di september 1959. Mientras cu tin informacion ta circula cu e victima tabata sufri di depresion, esaki no por a confirma. NoticiaCla ta manda palabra di pesame na e famianan di e fayecido. 

  • Polis a saca curpa sin bida den lama na Boca Mahos

    Polis a saca curpa sin bida den lama na Boca Mahos

    ORANJESTAD - Autoridad a caba saca un curpa sin bida di un persona femenino den lama na altura di Boca Mahos. Segun vocero policial Lito Lacle a confirma pa NoticiaCla, e melding a drenta 11or cu un curpa tabata drief na e sitio menciona. Den careda di 1'or e boto di polis PB 2 a saca e curpa for di awa y ta transportando e pa tera. No por confirma si ta trata di un hogamento segun Lacle. Keda pendiente pa mas informacion. 

  • Aruba a registra otro caso di asesinato awe marduga

    Aruba a registra otro caso di asesinato awe marduga

    ORANJESTAD - Aruba a registra otro caso di asesinato awe marduga. Segun vocero di polis Lito Lacle, un patruya di polis coriendo na altura di OK Supermarket ta wordo para door un grupo di persona banda di caminda. E patruya ta bin constata cu tin un persona drumi riba vloer cu varios hinca. Personal di ambulans cu a yega na e sitio a purba reanima e persona (masculino) pero envano. Dokter C. Texier a constata morto 06.05 di Chini Tse Mora di Santo Domingo naci dia 19 di october 1977. Fiscal Kardol a tuma e curpa den beslag pendiente mas investigacion. Noticiacla ta manda palabra di pesame na e famianan di e defunto. 

  • Permiso general pa gruponan di Gaita y Dande pa e temporada aki di fin di aña

    Permiso general pa gruponan di Gaita y Dande pa e temporada aki di fin di aña

    ORANJESTAD - Manera ta tradicion di tur aña, Alto Comisario di Polis, mr. Adolfi “Dolfi” Richardson ta convoca un permiso general pa presentacion di gruponan di gaita, folklore y Dande dilanti negoshinan riba nos isla. E permiso aki ta vigente cuminsando for di dia 30 di November 2017 te cu dia 31 di December 2017.

  • Alto Comisario contento cu bishita di presidente di Parlamento nobo

    Alto Comisario  contento cu bishita di presidente di Parlamento nobo

    ORANJESTAD - Diabierna 3 di november ultimo presidente di Parlamento Guilfred  Besaril a bishita korpschef di Cuerpo Policial di Aruba  Dolfi Richardson. E bishita di presidente di Parlamento ta pa conocemento y orientasion. Como colega den Cuerpo Policial di Aruba tabata un honor pa Sr. Besaril den su posicion nobo como presidente di Staten pa hasi un di su prome bishita na Centro di Husticia na Macuarima. Alto Comisario a keda masha contento cu bishita di Sr. Besaril na Cuerpo Policial. Sr. Besaril ta e prome polis den historia di Aruba pa bira e voorzitter di parlamento. Esaki tabata un momento oportuno pa felicita Sr. Besaril mirando cu e ta forma parti di Cuerpo Policial y ela acepta e reto aki pa un funcion importante pa pais Aruba, na Alto Comisario richardson a subraya.

  • Powered by SETAR