Gregory Damoen miembro nobo di Cft di Corsou y Sint Maarten

Gregory Damoen miembro nobo di Cft di Corsou y Sint Maarten

Posted on 09/1/2017 11:52 am AST | Updated on 09/1/2017 8:27 pm AST

WILLEMSTAD – Dia 1e di september Conseho di Minister di Reino a nombra Señor Gregory Damoen como miembro di Colegio di supervision financiero di Corsou y Sint Maarten na nomber di Corsou. Cu esaki Señor Damoen ta sigui Señor Alberto Romero, kende su plaso di nombramento a termina dia 1e di februari 2017.

Riba recomendacion di Minister Presidente di Corsou y di acuerdo cu Conseho di Minister, Conseho di Minister di Reino a dicidi di nombra Señor Gregory Damoen entrante dia 1e di september 2017 miembro nobo di Colegio pa Corsou. E nombramento ta pa un periodo di tres aña cu e posibilidad di prolongacion pa un solo biaha di tres aña mas. Señor Damoen ta Director adhunto di Risk & Compliance na Banco Central di Corsou y Sint Maarten, y previo na su carera na Banco Central el a traha entre otro como Director di Finansa na Gobierno di ex-Antia Hulandes. Gregory Damoen tin un master den accountancy. Banda di esey e ta miembro di Conseho Consultativo di Corsou; di e funcion secundario aki e mester tuma retiro inmediatamente.

E ta sigui Señor Romero, kende for di dia cu a institui Cft tabata miembro di Colegio. Despues di tabata dies aña miembro di Cft na nomber di respectivamente ex-Antia Hulandes y despues Corsou, Señor Romero ta transferi su posicion na Señor Damoen.

Presidente di Cft prof. dr. Raymond Gradus ta contento cu door di drentamento den funcion di Señor Damoen Colegio di supervision financiero di Corsou y Sint Maarten ta completo atrobe. Na nomber di Hulanda Señora Sybilla Dekker ta forma parti di e Colegio aki y na nomber di Sint Maarten Señora Maria Plantz. Na nomber di tur miembro di Colegio e ta duna Señor Damoen un cordial bonbini den Cft y e ta spera un bon colaboracion.

  • Director Banco Central Corsou y St Maarten a haya vrijspraak!

       Director Banco Central Corsou y St Maarten a haya vrijspraak!

    WILLEMSTAD - Director di Banco Central di Corsou y St Maarten a keda declara liber di tur acusacion contra di dje awe tardi, osea a haya 'vrijspraak'. Ta trata e caso cu ministerio publico a cuminsa contra di e director pa asunto di impuesto, particularmente di no a raporta cierto entrada corectamente entre 2006 y 2014. Hues, sinembargo a honra e peticion di Tromp su abogadonan (cu a pidi vrijspraak), y a declar'e liber di tur acusacion. 

  • Ministerio publico di Corsou cu findishi online di avion CanadAir

    Ministerio publico di Corsou cu findishi online di avion CanadAir

    WILLEMSTAD - Ministerio Publico (OM) Corsou ta inicia cu e findishi di un avion cu a keda confisca recientemente na Corsou. Ta trata di un avion marca CanadAir CL-600-2B16 cu number di registracion na Merka N545SD.  BVA-Auctions ta encarga cu e findishi. Ta start e findishi ku e montante di 100.000 US dollar. E findishi ta start diabièrna 15 di december 2017 pa 17:00 or y termina diasabra 30 di december 2017 pa 18:00 or.

  • Aruba Airlines a efectua buelo ‘inaugural’ pa Corsou oficialmente

    Aruba Airlines a efectua buelo ‘inaugural’ pa Corsou oficialmente

    WILLEMSTAD/ORANJESTAD – Aruba Airlines a efectua su buelo inaugural oficialmente riba e ruta Aruba-Curacao-Aruba cu nan avion nobo bombardier pinta na color di e aeroliña. Aunke a cuminsa algun siman pasa caba, awor cu tin un avion cu tin e colornan di e aeroliña, a haci un ‘press trip’. Na Corsou, e gerencia den persona di Estevan Valles (CEO) y Frank Arendsz (Accountable manager) a tene nan conferencia di prensa. Aki a splica e.o. cu no ta prome biaha cu nan a bula pa Corsou y Bonaire. Solamente cu den pasado a haci esaki cu un avion cu no a resulta mucho rendabel (avion mucho grandi). A dicidi di para esaki pa motibo di compromiso entre otro cu e buelo entre Miami y Cuba cu p.e. 32 buelo semanal.

  • Bapor Hulandes Zeeland ta intercepta y para transporte di droga

    Bapor Hulandes Zeeland ta intercepta y para transporte di droga

    WILLEMSTAD – Marina Hulandes a intercepta y para un transporte di droga den lama Caribe recientemente. Cu uzo di e.o. e dash 8, e avion maritime di Kustwacht Caribisch Gebied (KWCARIB), a detecta un go fast sospechoso noord oost di Bonaire. E bapor Hulandes Zeeland, cu tabata na caminda bek pa Hulanda despues di su trabou den Caribe, a cambia su curso y yega pa asisti. A sigui un persecucion cu helicopter di Zeeland, unda cu te hasta disparo a cay pa obliga esnan riba e gofast pa para. E momentonan ey esnan abordo di e gofast a tira tur loke nan tabatin den lama. E helicopter a tira e motornan di e gofast, destruyendo esaki pa forza e gofast pa para. Na final, a haya 12 bulto balora na 600 kilo di cocaine, cu a wordo tira di e gofast, den lama. A detene e tripulantenan di e gofast. Zeeland a transporta e detenidonan y e droga confisca bek pa Corsou, y despues a sigui su curso pa Hulanda.

  • Hof a suspende detencion di hefe di imigracion na aeropuerto di Corsou

    Hof a suspende detencion di hefe di imigracion na aeropuerto di Corsou

    WILLESTAD - Awe Hof a suspende e detencion di H.C. (Hefe Imigracion na Aeropuerto Hato). Su suspencion ta entrante awe, 30 di october 2017 pa 4 or di atardi. E suspencion ta bou di cierto condicion, manera entre otro cu e no mag haci su mes culpabel na otro hecho castigabel. cu e ta pone su mes disponibel pa su caso den Corte y cu e ta meld su mes e siman aki na Reclassering pa guia obligatorio. Ta sospecha H.C. di corupcion administrativo (ambtelijke omkoping) y posecion di droga, den e caso aki cocaina. Hof ta haña cu e chens pa recidivismo ta keto bay presente y p’esey a ordena guia obligatorio na Reclassering.

  • Director Banco Central Emsley Tromp ta pidi vrijspraak den caso di impuesto

    Director Banco Central Emsley Tromp ta pidi vrijspraak den caso di impuesto

    WILLEMSTAD – Director di Banco Central di Corsou y St Maarten Emsley Tromp a pidi vrijspraak den e caso cu a inicia contra dje awe pa asunto di impuesto. Manera ta conoci awe corte a inicia e caso contra Tromp, unda cu ta acus'e di no a raporta su entradanan corectamente na impuesto entre 2006 y 2014, y ta papia di ‘entrada reduci’.

  • BDC3_cur
  • Powered by SETAR