Fase di clasificacion tabatin weganan di candela den Copa Noord

Fase di clasificacion tabatin weganan di candela den Copa Noord

Posted on 08/29/2017 5:30 pm AST | Updated on 08/30/2017 2:56 am AST

ORANJESTAD - Diasabra ultimo a continua cu e weganan candente di Copa Noord 2017 riba veld di Kudawecha Ballpark. Balashi Brouwerij ta masha contento di por informa comunidad un biaha mas e resultadonan di e dia aki cual a bay tremendo. E dia aki tabata tin weganan masha interesante ya cu mester a cera e ronda pa asina ser a conoci cu e ekiponan clasifica cu lo mester a hunga su siguiente dia, esta diadomingo 27 di augustus.

A cuminsa cu un wega amistoso entre Balashi Brewers y Warriors cual a caba den un victoria pa Balashi Brewers cu un score di 3 - 1. Mientrastanto, e publico presente tabata den e dushi ambiente di Balashi y mester a dal un ke otro Chill pa laga nan cabes y curpa bon friu y pa despues continua cu e siguiente wega.

A subi veld e teamnan di Calabas Blue Jays y Kudawecha Redskins, cual tabata un wega masha interesante y decisivo pa loke ta e clasificacion. Nan a bataya pero ta un so por a gana. Calabas a yega dicidido pa bay cu e victoria contra Redskins cu e score di 4 - 2. Pitcher ganado ta Rodney Kelly y pitcher perdedo ta Richenell Matos. Pa Calabas Randy Cordero a bati di 3-2, Jerrold Martijn 4-1, Joshua Ramada 4-1 y Jose Baez 1-1. Pa Red Skin Rolando Guzman a bati di 4-3, Jair Thompson di 4-3, Julio Hernandez 4-1, Michael Fingal 2-1 y Chris Williams 3-1.

E di tres wega di diasabra tabata entre Mariners y Royal Power. Royal Power no a presenta cu su team completo y asina a perde pa default. Pues aki Mariners, aunke a bay cu e victoria di 7-0 lamentablemente no ta logra clasifica pa e siguiente ronda.

Copa Noord 2017 ta yegando su final y pa diadomingo 3 di September un y tur ta invita pa bin presencia y apoya bo team faborito. E weganan lo cuminsa pa 10:00 AM cu un wega amistoso, mientras cu pa 12:00 PM Calabas Blue Jays lo enfrenta Kudawecha Indians y pa 2:00 PM Tanki Leendert Giants lo enfrenta Kudawecha Redskins. E ganadonan di cada wega lo enfrenta otro pa 4:00 PM pa mira cua team lo ta e campeon di Copa Noord 2017. Esaki ta un invitacion di Balashi Brouwerij. No perde e final...lo tin Balashi y Chill bon friu.

  • Arubiano Nicole Hoevertsz a core cu antorcha olimpico na Sur Korea

    Arubiano Nicole Hoevertsz a core cu antorcha olimpico na Sur Korea

    ORANJESTAD/PYEONGCHANG – E Arubiano Nicole Hoevertz awe mainta na tabatin e honor di ta un di e coredornan cu e antorcha pa weganan olimpico di invierno na Sur Korea. E ta sigur un honor pa un persona haya e privilegio aki, y sigur den e caso aki si e persona aki bin for di Aruba. Hoevertsz aña pasa a keda eligi pa forma parti di e directiva principal di Comite Olimpico Internacional, cu tambe ta un logro grandi. Awe e weganan a cuminsa. Foto cortesia COA. 

  • Aruba Bank y Comite Olimpico Arubano ta anuncia Aruba Bank Sport Clinics 2018

    Aruba Bank y Comite Olimpico Arubano ta anuncia Aruba Bank Sport Clinics 2018

    ORANJESTAD - Aruba Bank y COA desde 2016 a enfoca ariba e sosten di e vision y mision di e organisacion olimpico y nan principionan fundamental.

  • Exitoso resultado di ‘Curaçao Open 2017’ pa Shotokai Aruba

    Exitoso resultado di ‘Curaçao Open 2017’ pa Shotokai Aruba

    ORANJESTAD - Den fin di siman di 24 y 25 di november a tuma luga e campeonato internacional di karate, esta ‘Curaçao Open 2017’ organisa pa Curaçao Karate Bond. Na dicho campeonato a participa e karatekanan Janilaine Bello, Glendeline Croeze y Alejandro Gonzalez Lujan di e Asociacion Arubiano Di Karate-Do Shotokai, dojo Shocokan.

  • Italia ta domino durante ITF Aruba Open 2017

    Italia ta domino durante ITF Aruba Open 2017

    ORANJESTAD - Diadomingo ultimo, a yega su final, e evento mas grandi di deporte na Aruba y alabes e evento number uno di mundo, esta Beach Tennis Aruba Open 2017. Eagle Beach un biaha mas a keda chikito, cu sigur un alrededor di 2 mil hende riba e anochi final di e torneo aki

  • Beach Tennis Panamerican Championship 2017 a cuminsa

    Beach Tennis Panamerican Championship 2017 a cuminsa

    ORANJESTAD - Den un Tropicana Beach Tennis completamente yen, ITF conhuntamente cu Beach Tennis Aruba a haci e apertura official na e ITF Panamerican Championship pa e aña aki. Cu presencia di tur pais, cu excepcion di Bonairo kende nan vuelo no a yega na tempo, e desfile a tuma lugar.E anochi a habri cu un press conference caminda representante di ATA, Sra. Tita Iglesias, pa ITF tabata presente Massimo, Vini Font kende a representa e ekipo di Brasil como e ekipo campeon di 2016, Maud Celaire representando su ekipo di Aruba y na ultimo, e representante di Aruba Lawn Tennis Bond, Sr. Ronny Tchong.Pa a duna inicio official na e weganan Panamericano, e ekiponan di Bolivia, Ecuador, Chile, Puerto Rico, Colombia, USA, Venezuela, Argentina, Brasil y e team local di Aruba tabata bon representa. Un atmosfera increibel, cu presencia di bastante siguidor di e deporte di Beach Tennis, cu unicamente a segura tur presente, cu e aña aki un biaha mas, nan por spera hopi ambiente riba veld y pafor di e veldE prome weganan lo cuminsa diabierna mainta pa 9or y atardi lo cuminsa bek desde 5or te den anochi. Diasabra mainta 9or e weganan lo continua pa 9or di mainta y lo cuminsa bek den atardi pa 4or. E semifinal nan lo tuma lugar diadomingo pa 10or y tur e dianan y orario nan menciona lo tuma lugar na Tropicana Beach Tennis Club. Diadomingo atardi pa 4or lo cuminsa e finalnan, cuminsando cu e hubenil, sigui pa final di doubles female, doubles male y e anochi lo termina cu e final di mix doublesRIba e compilacion di potret por tuma nota di con e anochi a bay.

  • Coca Cola Nacional a keda na di 3 lugar den Copa ABC

    Coca Cola Nacional a keda na di 3 lugar den Copa ABC

    ORANJESTAD - E ekipo campeon di futbol division di honor di Aruba di aña 2016-2017, esta Coca Cola Nacional a competi den e A-B-C Cup na Boneiro y a keda na di 3 luga. Diabierna anochi nan a hunga contra Real Rincon y a perde e wega aki, mientras cu diadomingo nan a topa Uruguay di Boneiro. Nan a bay cu e victoria riba e team di Boneiro cu e score di 4-2 y asina a keda na di 3 luga.

  • Powered by SETAR