ORANJESTAD - E siman aki ta e siman final di e competencia di arte riba covernan di Telefon Cellular cu SETAR a organisa pa e temporada di vakantie durante cual muchanan den un manera di entretene nan mes por a crea un smartphone cover artistico y participa pa gana diferente premio te na e total di Afl. 1500,-.
Dianan 16, 17 y 18 di augustus publico lo tin oportunidad di pasa admira e obranan di e participantenan. Lo showcase tur e covers nan na Willem III Toren (Fort Zoutman) di 5 pm te cu 7 pm. Ganadornan lo keda anuncia dia 18 di augustus, 2017 na Fort Zoutman despues di e exposicion 7 pm. Durante e anochi final SETAR lo tene un “auction” na unda e publico en general por haya oportunidad di cumpra a covernan aki tambe si ta desea y e fondo lo bai directamente pa un scol ganador. Ademas lo tin un cash bar bon surti cual fondonan lo bai tambe pa e scol ganador.
Pa mas informacion di e competencia por bishita nos website na www.setar.aw
ORANJESTAD - Grupo di Betico a lansa produccion internacional ‘Locura’. “Amistad, Felicidad y Alegria t’e sinomino di Grupo di Betico pa 55 aña, esaki ta parti di e produccion cu peso pa exportacion” e grupo ta bisa riba rednan social. Segun e grupo, a yega e momento pa concretiza un soño y mas ainda honrando di e creador di e sonido cu nos conoce Grupo di Betico esta Hildward Croes [d.f.m.], e maestria di Gos Oduber, e vesatibilidad di Miguel Genser plus cada un integrante cu tey y tur esnan cu a bay ta admirando e obra di arte musical aki for di cielo.
PALM BEACH - Recientemente Kiwanis Club of Palm Beach a celebra su reunion anual den un atmosfera den cual e hermandad fuerte den e club a refleha un biaha mas.Tradicionalmente y cumpliendo cu e statutonan di Kiwanis International y di e club mes, e agenda a consisti di un punto: 1) Aprobacion di e team cu a wordo nomina pa conforma e directiva pa e aña Kiwanistico 2024-2025 y cu lo wordo instala na Oktober proximo.
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.