Wardacosta Colombiano a intercepta cargamento di droga pa Aruba

Wardacosta Colombiano a intercepta cargamento di droga pa Aruba

Posted on 08/11/2017 11:50 am AST | Updated on 08/11/2017 7:45 pm AST

LA GUAJIRA – Un go fast a wordo intercepta 10 miya den awa internacional pa guarda costa di armada nacional di Colombia. E accion a produci 26 kilo di cocaina y 120 di marijuana, cu ta parce di ta pertenece na e organisacion delinquente ‘Los Pachenca’ y tabatin como destinacion final Aruba y Trinidad. E tripulante a purba di tira e bultonan di droga den awa, pero e reaccion lihe di guarda costa a frusta e intento, y finalmente a pone man riba e 4 personanan.

INSPECCION

Despues cu autoridad a inspecciona e boto, a haya 9 maleta cu tabatin 217 panel di marijuana tipo creepy, y 26 panela di cocaina, balora total na entre mil y mil 500 miyon di peso colombiano. Fuente y foto cortesia .

  • Fiscal mayor di Venezuela a huy pa Colombia via Aruba

    Fiscal mayor di Venezuela a huy pa Colombia via Aruba

    BOGOTA/ORANJESTAD (AP)—Venezuela su fiscal mayor y su casa, Luisa Ortega Diaz y German Ferrer a huy pa Colombia, via Aruba e siman aki. Asina Associated Press a raporta diabierna. Ortega a yega Aruba via un speedboat. Mientras cu autoridadnan no a confirma con Ortega a yega Aruba, Univision a raporta e yegada cu boto diabierna. Mientrastanto el a biaha cu avion priva via Aruba pa Colombia diabierna atardi, autoridad Colombiano a confirma. No tin informacion si e pareha a pidi asilo politico.

  • Francesco Corallo a keda extradita awe pa Italia

    Francesco Corallo a keda extradita awe pa Italia

    PHILLIPSBURG – E comerciante sospechoso busca pa autoridad Italiano, Francesco Corallo (Catania, Italy, 1960) , a keda extradita awe. Ela bandona St Maarten acompaña pa miembronan di interpol Italia riba un buelo di Air France, cu coneccion pa Italia. Asina vocero di ministerio publico Norman Serphos a confirma. Corallo ta sospecha pa husticia Italiano di fraude fiscal, labamento di placa y soborno y ta miembro di un organisacion criminal. E peticion pa extradicion a bin for di Italia na 2016 pa minister di husticia Italiano dia 30 di december 2016. Corte a aproba e extradicion na juni y algun dia pasa gobernador a firma e extradicion. Fotonan di ministerio publico ta mustra Corallo bandonando St Maarten awe tardi.

  • Aruba un di e destinacionnan popular di Venezolanonan cu ta bandona nan pais

    Aruba un di e destinacionnan popular di Venezolanonan cu ta bandona nan pais

    CARACAS – Agencianan di viahe na Venezuela a registra un aumento grandi di benta di pasashi, no obstante e situacion economico di e pais ta malo. Asina e portal El Impulso, ta raporta awe. Tur ta pa e situacion pesimo cu e pais ta aden aworaki y cu ta pone cu hendenan ta buscando forma pa bandona e pais. Y for di e informacion difundi, Aruba ta entre e 9 destinacionnan mas popular cu ta buscando pa bay. Esnan cu ta interesa ta busca pasashi tempran, pa asina por lo menos e sali nan mas barata. Tin ta busca pa paisnan bisiña pa for di eynan, nan bula pa destinonan internacional. Fuera di Aruba, e destinacionnan internacional mas solicita ta Panamá, Miami, Brasil, Ecuador, Peru, Corsou. Santo Domingo y Chile. Foto y fuente elimpulso.com

  • Bonaire a forma coalicion nobo: Simia di Speransa

    Bonaire a forma coalicion nobo: Simia di Speransa

    KRALENDIJK – Bonaire tin un gobierno nobo despues cu partidonan UPB, Democraat y dos fraccion independiente a firma un acuerdo di gobernacion diamars atardi laat y a yam'e e 'Simia di speransa'. UPB representa pa sr James Kroon, Fraccion di un persona esta sra Nunu Bernabela, y Democraat representa pa Robby Beukenboom y sra Marugia Janga a firma e acuerdo. Notabel ta cu nan a laga asina e partido mas grandi afo esta MPB (Elvis Tjin Asjoe) y e votegetter di Bonaire Clark Abraham. Lesa e programa di gobernacion AKI y AKI. Fotonan cortesia Live99FM. 

  • Ex gobernador di Aruba yudando pa drecha relacion entre Statia y Hulanda

    Ex gobernador di Aruba yudando pa drecha relacion entre Statia y Hulanda

    ST. EUSTATIUS- Ex Gobernador di Aruba Fredis Refunjol mester yuda trece paz entre isla di St Estatius y Hulanda. Asina e raportahe di e corant St Martin Daily Herald a raporta. Sr Refunjol ta forma part di e comision di sabio, hunto cu e otro miembro Jan Franssen cu a haya e tarea di gobierno di Hulanda pa ‘drecha’ e relacion aki. Siman pasa e miembronan di e comision a bishita e isla pa un siman pa wak si nan ta logra nan meta. Durante nan bishita nan a purba haya mas tanto informacion pa por logra nan meta. “Nos a ricibi hopi informacion. Awor nos tin cu absorba e informacion y pensa riba solucionnan cu nos por propone, ora cu nos traha nos raport.” Franssen a bisa. E rapport mester keda cla pa 1 di october. Mientrastanto combersacionnan ta planea cu entre otro CFT, representantenan di varios ministerio di gobierno di e isla, y asina nan por logra haya nan informacion necesario. Na september e ‘hombernan sabio’ lo bolbe Statia pa busca mas informacion, pa por completa nan proposicion y crea condicion pa por implementa nan solucion.

  • Wardacosta ta gara 26 Venezolano ilegal yegando Corsou

    Wardacosta ta gara 26 Venezolano ilegal yegando Corsou

    WILLEMSTAD – Wardacosta Caribe Hulandes a detene 26 Venezolano ilegal cu a yega Corsou cu boto. Un avion dash 8 a intercepta e boto zuid di oostpunt di Corsou. Ta trata di17 homber y 9 hende muher cu a wordo entrega na polis di Corsou. E caso ta sigui bou di investigacion. Foto y info ta di Guarda Costa Caribe.

  • NoticiaCla Ad
  • Powered by SETAR