BCA: Turismo Latino Americano a baha y di Merca a subi na maart

BCA: Turismo Latino Americano a baha y di Merca a subi na maart

Posted on 08/11/2017 11:26 am AST | Updated on 08/11/2017 7:42 pm AST

ORANJESTAD – Segun rapport di Banco Central di Aruba (BCA) na maart 2017, e cantidad di turista a registra 90.133 bishitante, cual tabata 18,1 porciento (-19.865 bishitante) menos cu na maart 2016. E caida aki a resulta principalmente door di 68.3 porciento menos turista di Latino America (-23.731 bishitante). Di otro banda, e mercado Norte Americano a crece cu 7,4 porciento (+4.867 bishitante).

E caida den e mercado Latino Americano a wordo causa pa menos bishitante for di Venezuela (-23.924 bishitante of -85,3 porciento). E subida den e mercado Norte Americano a resulta for di un expansion den bishitante for di Merca (+4.117 bishitante of 6,8 porciento). E cantidad di turista crucero a registra un subida di 3.033 bishitante of 3,1 porciento te na 99.769 na maart 2017, compara cu maart 2016. E cantidad di barconan a baha for di 48 na maart 2016 pa 41 na maart 2017.

 

  • Powered by SETAR