Fazio: Aruba Happy Flow Pilot Project un exito!

Posted on 08/10/2017 8:34 pm AST | Updated on 08/11/2017 1:09 am AST

ORANJESTAD – Durante e presentacion di e resultadonan di e prome fase di e “roadmap EU-preclearance” y den presencia di Minister di Husticia Sr. Arthur Dowers, Minister di Asuntonan Economico y Comunicacion Sr. Richard Arends, Sr. Jos Nijhuis CEO Schiphol Group, Sr. Rob Melchiot VP International Stations KLM y otro invitado, Sr. James Fazio, CEO di Aruba Airport Authority N.V. (AAA) tabata hopi satisfecho cu e culminacion di e proyecto piloto di 2 aña: "Dos aña pasa, hunto cu e Gobiernonan di Aruba y Hulanda, Schiphol Group, KLM y Vision Box nos a lansa un plan inovativo cu un meta ambicioso y unico na mundo: Desaroya un proceso di pasahero cu ta encera reconocimento facial unda e pasahero por bay for di check-in pa aborda avion sin mester mustra su paspoort atrobe: Sigur, lihe y sin peligro alguno. Awe, mi por raporta orguyosamente cu e proyecto piloto a keda completa exitosamente. E sistema di Aruba Happy Flow a mustra di ta un sistema futuristico hopi flexibel riba e control di acceso, maneho di identidad y proceso di monitor di comienso te final.”

E Aruba Happy Flow Pilot Project cu por cierto a ricibi premio como proyecto, ta combina e proceso publico di control di frontera cu e proceso di pasahero priva na aeropuerto. Esaki ta unico na mundo y a wordo diseña pa “streamline” e proceso di pasahero, haciendo e liher y sigur. E privacidad di pasahero ta garantisa debi na e arcitectura di referencia di privacidad cu a wordo diseña y implementa. E sistema nobo ta brinda un sistema motoriza cu ta enfoca riba e optimalizacion di tur operacion di pasahero dirigi riba e maneho di fluho, pues combinando tur control complica y critico pa seguridad y brinda solucionnan comun, unda data por wordo comparti entre e diferente stakeholdernan den un manera responsabel y manteniendo e privacidad di e pasahero.

E Aruba Happy Flow Pilot Project a cuminsa como un marcha pa pre-clearance pa paisnan Europeo, pero e ta un concepto separa riba su mes. E proyecto piloto di 2 aña tin e meta visionario unico pa establese un proceso unda un pasahero saliendo for di Aruba y cu intencion di drenta e espacio di EU-Schengen ta pre-cleared prome cu e avion sali. Den e caso cu un pasahero no ta cumpli cu e rekisitonan pa por drenta Europa of no ta permiti pa bula debi na otro aspectonan di seguridad, e medidanan apropia ta wordo tuma di forma inmediato y e autoridadnan respectivo ta wordo notifica dibiaha.

Loke a cuminsa como un concepto riba uni sla chikito den Caribe 2 aña pasa rapidamente a bira un punto di referencia den e industria den e forma cu a transforma e forma di interaccion entre e pasahero y aeropuerto den un forma completamente nobo. Pa awo, e Aruba Happy Flow Pilot Project a keda conclui, y a resulta den un plataforma di operacion di largo duracion y un sistema completo, pues brindando un experiencia facil, sin mester warda den rij of para na diferente caminda, y unda no mester uza papel, dunando oportunidadnan tremendo den e industria di aviacion, haciendo e proceso uno mas placentero pa e pasaheronan.

“E exito di e proyecto piloto aki ta danki na e cooperacion y compromiso di tur e partnernan cu a kere den e proyecto desde e prome dia. Mi ta gradici y felicita cada un cu a contribui y pone e aeropuerto chikito aki riba mapa como un lider den e mundo di tencologia di aviacion,” asina Sr. Fazio, CEO di AAA a conclui.

  • Cruz Cora Aruba: Bira un refugiado no ta un escogencia

    Cruz Cora Aruba: Bira un refugiado no ta un escogencia

    ORANJESTAD ?Como partner di UNHCR, United Nations High Commissioner for Refugees, Cruz Cora Aruba tin e rol di representa y facilita trabou di e agencia Internacional na Aruba. Agencia situa na Washington, DC cu mas di 67 aña di existencia, protegiendo y asistiendo refugiadonan rond mundo. Na 2015 UNHCR a celebra su 65 aniversario y durante su existencia a yuda mas cu 50 miyon refugiado pa asina nan por a cuminsa un bida nobo exitosamente.

  • Arcos Dorados cu inclusion laboral di personanan cu incapacidad

    Arcos Dorados cu inclusion laboral di personanan cu incapacidad

    ORANJESTAD - Un di e aspectonan importante den un empresa ta su colaboradornan. Sinembargo, ainda ta tiki esunnan cu ta pone atencion special na contrata y capacitacion di personanan cu tin algun incapacidad. Arcos Dorados Holdings, Inc. (NYSE: ARCO) e frankicia mas grandi di mundo di McDonald’s y kende ta opera e marca den Latino America ta conta cu un programa di inclusion yama Empleo cu Apoyo p’e segmento aki di e poblacion.

  • Vingal: A deporta mas di mil hende caba for di Aruba den 2017

    Vingal: A deporta mas di mil hende caba for di Aruba den 2017

    ORANJESTAD – E estadistica pa deportacion di hende a aumenta drasticamente e aña. Asina hefe di imigracion Gerald Vingal a confirma durante un conferencia di prensa e siman aki. Segun Vingal pa prome biaha, a deporta mas di 1000 hende for di Aruba na 2017, y ainda falta algun siman. Pa loke ta maneho di turista, ta garando turistanan tambe cu ta bin nos isla pa vacacion y termina trahando. E hefe ta sigura cu e maneho di bishitante no a cambia y ta keda fuerte.

  • DVG: Vacunanan di Influenza a yega Aruba

    DVG: Vacunanan di Influenza a yega Aruba

    ORANJESTAD - Despues cu Directie Volksgezondheid (DVG) a haci pedido di vacuna di Influenza ya caba mas di un aña pasa, e vacunanan pa motibo fuera di alcanse di DVG a core un restraso imprevisto. Sinembargo, manera cu a keda sigura na publico recientemente, asina cu e vacunanan yega Aruba, DVG lo anuncia esaki.

  • Ruiz: Un grupo di persona por warda nan prome permiso na Aruba

    Ruiz: Un grupo di persona por warda nan prome permiso na Aruba

    ORANJESTAD – Un grupo di persona cu tin aplicacion pa prome permiso na Dimas, pendiente nan contesta, por keda Aruba contrario na antes cu mester a bay warda e contesta na nan respectivo pais. Asina directora di DIMAS Kathy Ruiz Paskel a bisa diaranzon durante un conferencia di prensa. Ta trata di un grupo di persona cu no tin un peso riba e mercado laboral y cu ta haci un contribucion grandi na economia. Esey ta nifica cu e personanan cu aplica como inversionista, rentista, pensionado, stagaire y otronan cu ta casa cu personanan local, por keda na Aruba pendiente cu Dimas ta trata nan prome peticion. Otro gruponan manera maneho di gobierno ta aworaki, si ta keda manera cu e ta, cu ta nifica cu pa nan si, nan tin cu warda e peticion pa nan prome permiso, den exterior.

  • Colegio Arubano ta participa na Singapore Mathematics Challenge

    Colegio Arubano ta participa na Singapore Mathematics Challenge

    ORANJESTAD - Diamars dia 5 december ultimo a tuma lugar e participacion di e tres alumnonan cu lo bay representa Colegio Arubano na e di seis Singapore International Mathematics Challenge of manera e ta wordo jama  SIMC. Esaki ta un competencia mundialmente reconoci na unda e miho scolnan secundario di mundo ta participa. Esaki ta e di tres biaha cu Colegio Arubano ta wordo invita. Na aña 2016 ta e promer aña cu Colegio a participa.

  • Powered by SETAR