Cambio di ruta entre rotonde Kibaima y rotonde Pos Chikito

Cambio di ruta entre rotonde Kibaima y rotonde Pos Chikito

Posted on 08/10/2017 4:54 pm AST | Updated on 08/11/2017 1:00 am AST

ORANJESTAD - Departamento di Obra Publico (DOW) ta informa pueblo di Aruba en general y specialmente nos automobilistanan cu ta haci uzo di e caminda principal di  Oranjestad pa San Nicolas cu entrante diabierna 11 augustus 2017, lo cera e caminda principal na haltura di e rotonde di Kibaima pa rotonde di Pos Chikito. Motibo ta cu lo bay conecta e caminda di 2x2 nobo for di rotonde di Kibaima pa e rotonde di Pos Chikito.

Lo cera e caminda menciona pa tur trafico den ambos direccion. Trafico for di Oranjestad pa San Nicolas ta wordo desvia for di e rotonde di Kibaima pa caminda di Balashi sigui full pa caminda di Spaans Lagoen/Barcadera y sali na e rotonde di Pos Chikito.

Trafico for di San Nicolas pa Oranjestad ta wordo desvia via di e rotonde pa e caminda patras di Pos Chikito, entre Kukwisa Basis School pa Tele Aruba, despues sigui pa Barcadera y sali riba e caminda di Balashi/ rotonde di Kibaima. Trafico for di Santa Cruz pa San Nicolas y back por haci uzo di e caminda di Jan Flemming, Sabana Basora pa rotonde di Pos Chikito

E ceramento y desviacionnan lo keda indica cu baricadanan y borchinan di aviso. Trabaonan lo tin un duracion di 3 dia. En coneccion cu e trabounan menciona DOWV ta haci un peticion na tur automobilistanan pa no haci uzo di e camindanan menciona y ta pidi pa tene cuenta cu e inconveniencia nan cu lo por surgi pa cual nan ta pidi nan disculpa.

 

  • Cruz Cora Aruba: Bira un refugiado no ta un escogencia

    Cruz Cora Aruba: Bira un refugiado no ta un escogencia

    ORANJESTAD ?Como partner di UNHCR, United Nations High Commissioner for Refugees, Cruz Cora Aruba tin e rol di representa y facilita trabou di e agencia Internacional na Aruba. Agencia situa na Washington, DC cu mas di 67 aña di existencia, protegiendo y asistiendo refugiadonan rond mundo. Na 2015 UNHCR a celebra su 65 aniversario y durante su existencia a yuda mas cu 50 miyon refugiado pa asina nan por a cuminsa un bida nobo exitosamente.

  • Arcos Dorados cu inclusion laboral di personanan cu incapacidad

    Arcos Dorados cu inclusion laboral di personanan cu incapacidad

    ORANJESTAD - Un di e aspectonan importante den un empresa ta su colaboradornan. Sinembargo, ainda ta tiki esunnan cu ta pone atencion special na contrata y capacitacion di personanan cu tin algun incapacidad. Arcos Dorados Holdings, Inc. (NYSE: ARCO) e frankicia mas grandi di mundo di McDonald’s y kende ta opera e marca den Latino America ta conta cu un programa di inclusion yama Empleo cu Apoyo p’e segmento aki di e poblacion.

  • Vingal: A deporta mas di mil hende caba for di Aruba den 2017

    Vingal: A deporta mas di mil hende caba for di Aruba den 2017

    ORANJESTAD – E estadistica pa deportacion di hende a aumenta drasticamente e aña. Asina hefe di imigracion Gerald Vingal a confirma durante un conferencia di prensa e siman aki. Segun Vingal pa prome biaha, a deporta mas di 1000 hende for di Aruba na 2017, y ainda falta algun siman. Pa loke ta maneho di turista, ta garando turistanan tambe cu ta bin nos isla pa vacacion y termina trahando. E hefe ta sigura cu e maneho di bishitante no a cambia y ta keda fuerte.

  • DVG: Vacunanan di Influenza a yega Aruba

    DVG: Vacunanan di Influenza a yega Aruba

    ORANJESTAD - Despues cu Directie Volksgezondheid (DVG) a haci pedido di vacuna di Influenza ya caba mas di un aña pasa, e vacunanan pa motibo fuera di alcanse di DVG a core un restraso imprevisto. Sinembargo, manera cu a keda sigura na publico recientemente, asina cu e vacunanan yega Aruba, DVG lo anuncia esaki.

  • Ruiz: Un grupo di persona por warda nan prome permiso na Aruba

    Ruiz: Un grupo di persona por warda nan prome permiso na Aruba

    ORANJESTAD – Un grupo di persona cu tin aplicacion pa prome permiso na Dimas, pendiente nan contesta, por keda Aruba contrario na antes cu mester a bay warda e contesta na nan respectivo pais. Asina directora di DIMAS Kathy Ruiz Paskel a bisa diaranzon durante un conferencia di prensa. Ta trata di un grupo di persona cu no tin un peso riba e mercado laboral y cu ta haci un contribucion grandi na economia. Esey ta nifica cu e personanan cu aplica como inversionista, rentista, pensionado, stagaire y otronan cu ta casa cu personanan local, por keda na Aruba pendiente cu Dimas ta trata nan prome peticion. Otro gruponan manera maneho di gobierno ta aworaki, si ta keda manera cu e ta, cu ta nifica cu pa nan si, nan tin cu warda e peticion pa nan prome permiso, den exterior.

  • Colegio Arubano ta participa na Singapore Mathematics Challenge

    Colegio Arubano ta participa na Singapore Mathematics Challenge

    ORANJESTAD - Diamars dia 5 december ultimo a tuma lugar e participacion di e tres alumnonan cu lo bay representa Colegio Arubano na e di seis Singapore International Mathematics Challenge of manera e ta wordo jama  SIMC. Esaki ta un competencia mundialmente reconoci na unda e miho scolnan secundario di mundo ta participa. Esaki ta e di tres biaha cu Colegio Arubano ta wordo invita. Na aña 2016 ta e promer aña cu Colegio a participa.

  • Powered by SETAR