Schwengle: Lo dura un aña pa cambia proceso di BIG registratie

Schwengle: Lo dura un aña pa cambia proceso di BIG registratie

Posted on 08/10/2017 11:33 am AST | Updated on 08/11/2017 12:54 am AST

ORANJESTAD – Cambia e proceso di registracion di BIG (Wet op de Beroepen in de Individuele Gezondheidszorgpa docternan cu a studia den region por traha na Aruba, por dura un aña, y no 100 dia manera cierto politiconan coriendo campaña kier laga bo kere. Esaki ta pensamento di minister di salud Alex Schwengle na NoticiaCla. E problema di registracion, ta perhudicando studiantenan y mediconan cu a studia medicina den region, pero no por eherce nan funcion sin mas pa motibo di e registracion BIG. Pa logra esaki, tin henter un proceso largo cu tin cu cana, cu ta descurasha cualkier medico cu tin e problema aki. Awor den campaña, tin algun partido ta uzando e posibilidad di ofrece 'quick fix'. Basa riba esaki e portal a acerca e mandatario actual di salud. Segun e mandatario, berdad tin un quick fix y esey por sosode mesora di un dia pa otro. Pero e fix ey, no ta e fix corecto y responsabel segun e mandatario. Mes momento e mandatario ta admiti na e portal aki cu e no tabata un prioridad halto, y p'esey no a logra yega na e cambio manera mester ta. Mester a enfoca riba otro casonan cu awor ta cla y ta coriendo. Algo cu awor si lo tuma lugar, esta enfoke riba e cambio pa registracion BIG. Mes momento, e mandatario ta recorda cu e ley di ARUBIG, a wordo pasa unanimamente den parlamento siendo aro contrincantenan ta keha riba esaki.

QUICK FIX

Pa loke ta e quick fix cu cierto politiconan ta referi na dje den campaña, ta trata di un comision cu por wordo institui, cu ta dicidi ken ta cualifica y autorisa y ta ‘inscribi’ e docternan e ora. “Por, pero esey no ta e doel ni spirito di Arubig” Schwengle a bisa. Segun e mandatario , cu ta medico di profesion tambe, e meta di e ARUBIG ta pa garantiza e pueblo, un minimo di calidad. “Bo ta toets e riba dos aspecto. Esey ta e problema. Bo ta toets riba e aspecto constitucional, y riba e nivel individual”. Esey ta nifica cu si bo a studia medicina, e instancia cu ta controla, ta check si e curriculum ta comparable cu esun di Hulanda. Den e ley di ARUBIG, a determina cu Hulanda ta e norma cu cual mester compara cu ne. Despues ta bay na e siguiente fase, cu ta controla cu si riba bo diploma ta para cu bo ta specializa pa haci X, lo toets si enberdad e persona ey por haci X. Y tin manera pa haci esey segun Schwengle. Tin sistema desaroya pa haci esaki cual Aruba ta haci uzo di dje, manera accreditation systems cu ta existi, primordialmente di Hulanda. Kier uza e sistema di Canada y Merca, pero mester di uno spaño y esey ta e dolor di e mandatario. “Spaña no ta uza e mesun estilo cu Europa. E no ta malo pero diferente. Mi ta bringando cu e parti ey pa con ta bay plaats Spaña como un di e partnernan. Pero mi ta buscando un di Latino America mes” Schwengle a bisa. Tanten cu no logra esaki, e sistema di registra nos hendenan cu a studia medicina den region, ta bira un dolor di cabes. Kier busca di Colombia, aunke eynan ta toets solamente riba e parti institucional, y no nivel individual. “Aunke cu nan tambe kier e sistema aki tambe” Schwengle a bisa e portal aki, basando su mes riba encuentronan cu e tabatin cu tanto mediconan y gobernante di e pais Colombiano. Ta un cuestion cu den dos aña (speransa di Schwengle) nan por keda cla cu esey, cu Aruba tambe por acepta nan. Esey ta nifica cu e ora ora cu un persona gradua den region bin Aruba, por bisa nan, bay Colombia y acredita eynan y nan por bin traha Aruba, fuera di Hulanda, Merca of Spaña. “Si bo acredita eynan, mi ta schrijf bo in inmediatamente” Schwengle a bisa.

CULPABEL CU TARDANSA

E mandatario a admiti cu e implementacion di e ARUBIG registratie ta bay dificil pasobra tin un aspecto cu e no por a resolve bon. Mes momento e mandatario a bisa cu kier evita cu ta bay uza un ‘filter’ geel of berde, y cu e no ta politicamente mara, esta cu ta dicidi a base di color politico.

  • Cruz Cora Aruba: Bira un refugiado no ta un escogencia

    Cruz Cora Aruba: Bira un refugiado no ta un escogencia

    ORANJESTAD ?Como partner di UNHCR, United Nations High Commissioner for Refugees, Cruz Cora Aruba tin e rol di representa y facilita trabou di e agencia Internacional na Aruba. Agencia situa na Washington, DC cu mas di 67 aña di existencia, protegiendo y asistiendo refugiadonan rond mundo. Na 2015 UNHCR a celebra su 65 aniversario y durante su existencia a yuda mas cu 50 miyon refugiado pa asina nan por a cuminsa un bida nobo exitosamente.

  • Arcos Dorados cu inclusion laboral di personanan cu incapacidad

    Arcos Dorados cu inclusion laboral di personanan cu incapacidad

    ORANJESTAD - Un di e aspectonan importante den un empresa ta su colaboradornan. Sinembargo, ainda ta tiki esunnan cu ta pone atencion special na contrata y capacitacion di personanan cu tin algun incapacidad. Arcos Dorados Holdings, Inc. (NYSE: ARCO) e frankicia mas grandi di mundo di McDonald’s y kende ta opera e marca den Latino America ta conta cu un programa di inclusion yama Empleo cu Apoyo p’e segmento aki di e poblacion.

  • Vingal: A deporta mas di mil hende caba for di Aruba den 2017

    Vingal: A deporta mas di mil hende caba for di Aruba den 2017

    ORANJESTAD – E estadistica pa deportacion di hende a aumenta drasticamente e aña. Asina hefe di imigracion Gerald Vingal a confirma durante un conferencia di prensa e siman aki. Segun Vingal pa prome biaha, a deporta mas di 1000 hende for di Aruba na 2017, y ainda falta algun siman. Pa loke ta maneho di turista, ta garando turistanan tambe cu ta bin nos isla pa vacacion y termina trahando. E hefe ta sigura cu e maneho di bishitante no a cambia y ta keda fuerte.

  • DVG: Vacunanan di Influenza a yega Aruba

    DVG: Vacunanan di Influenza a yega Aruba

    ORANJESTAD - Despues cu Directie Volksgezondheid (DVG) a haci pedido di vacuna di Influenza ya caba mas di un aña pasa, e vacunanan pa motibo fuera di alcanse di DVG a core un restraso imprevisto. Sinembargo, manera cu a keda sigura na publico recientemente, asina cu e vacunanan yega Aruba, DVG lo anuncia esaki.

  • Ruiz: Un grupo di persona por warda nan prome permiso na Aruba

    Ruiz: Un grupo di persona por warda nan prome permiso na Aruba

    ORANJESTAD – Un grupo di persona cu tin aplicacion pa prome permiso na Dimas, pendiente nan contesta, por keda Aruba contrario na antes cu mester a bay warda e contesta na nan respectivo pais. Asina directora di DIMAS Kathy Ruiz Paskel a bisa diaranzon durante un conferencia di prensa. Ta trata di un grupo di persona cu no tin un peso riba e mercado laboral y cu ta haci un contribucion grandi na economia. Esey ta nifica cu e personanan cu aplica como inversionista, rentista, pensionado, stagaire y otronan cu ta casa cu personanan local, por keda na Aruba pendiente cu Dimas ta trata nan prome peticion. Otro gruponan manera maneho di gobierno ta aworaki, si ta keda manera cu e ta, cu ta nifica cu pa nan si, nan tin cu warda e peticion pa nan prome permiso, den exterior.

  • Colegio Arubano ta participa na Singapore Mathematics Challenge

    Colegio Arubano ta participa na Singapore Mathematics Challenge

    ORANJESTAD - Diamars dia 5 december ultimo a tuma lugar e participacion di e tres alumnonan cu lo bay representa Colegio Arubano na e di seis Singapore International Mathematics Challenge of manera e ta wordo jama  SIMC. Esaki ta un competencia mundialmente reconoci na unda e miho scolnan secundario di mundo ta participa. Esaki ta e di tres biaha cu Colegio Arubano ta wordo invita. Na aña 2016 ta e promer aña cu Colegio a participa.

  • Powered by SETAR