Tata di morocho asesina na Corsou dialuna, a fayece awe

Tata di morocho asesina na Corsou dialuna, a fayece awe

Posted on 08/9/2017 3:55 pm AST | Updated on 08/11/2017 12:48 am AST

WILLEMSTAD – Tata di e morocho asesina dialuna ultimo na Buena Vista, tambe a fayece awe merdia. Polis di Corsou a confirma esaki oficialmente. E tata y mama tambe tabata na e sitio dialuna ora cu e asesinato a tuma lugar cu inicialmente a laga 4 morto, incluyendo e dos rumannan. E mama y tata a keda herida y trata den hospital. Pero awe merdia e tata tambe a bin fayece, aumentando e cantidad di morto na 5. Tin informacion no confirma cu lo a haya un homber morto na lama, cu por ta esun cu a tira tur e hendenan aki mata. Pero esey no por a wordo confirma. Potretnan di un homber cu partinan di su curpa motila, a aparece riba rednan social, pero e portal aki no por a confirma e autenticidad. Mes momento tabatin informacion circulando riba rednan social, cu tanto e mama y tata di e morocho a fayece, pero esey no tabata berdad. Ta despues si, e tata a bin fayece y a keda confirma. NoticiaCla ta manda palabra di pesame na famianan di e fayecido.

  • Warda Costa na Corsou a detene varios hende y confisca varios arma

    Warda Costa na Corsou a detene varios hende y confisca varios arma

    WILLEMSTAD - Espectacular detencion di Wardakosta a tuma lugar awe den oranan di merdia, despues cu e operador di radar a tuma nota di 4 boto di forma sospechoso cu tabata acera Spaanse Water. Mesora a bati alarma i personal di Wardakosta a sali cu Superrhib i a logra intercepta e botonan aki. A topa 3 boto model speedboat cu tabata tow 1 boto cu lo tabata tin problema cu motor. A tene un control mesora riba e botonan i a canta BINGO na momento cu riba 2 di e botonan aki a topa:

  • Corant na Corsou mester paga periodista 100 mil florin pa plagio

    Corant na Corsou mester paga periodista 100 mil florin pa plagio

    WILLEMSTAD – E corant Ultimo Noticia na Corsou mester paga periodista Derk (Dick) Drayer di ‘Persbureau Curacao y representante di NOS e suma di NAFL 100.457,10 mas interes. Esaki pasobra Ultimo Noticia a publica un serie di potret sin permiso di e autor/fotografo, osea a comete plagio. Ademas corte ta prohibi e corant en cuestion di publica futuro potretnan sin permiso di Drayer. Incumplimento di esaki ta resulta den un multa di mil florin pa dia te un maximo di 100 mil florin.

  • InselAir ta ricibí permit pa operá riba e ruta di Surnam

    InselAir ta ricibí permit pa operá riba e ruta di Surnam

    WILLEMSTAD - InselAir a ricibi? Diahuebs dia 7 di November su permit di por cuminsa bula su buelonan pa Surnam formalmente. InselAir a cuminsa bende ticket bou di e remarke “pending for government approval” prome? ku a ricibi? e permit oficial. E remarke aki aworaki ya a wordu kita? for di den e sistema. Dia 18 di December, InselAir ta cuminsa bula dos biaha pa siman riba Dialuna I Diabierna.

  • Corsou ta prepara pa fluho di refugiado Venezolano

    Corsou ta prepara pa fluho di refugiado Venezolano

    WILLEMSTAD – Crus Cora na Corsou a traha luga pa 500 refugiado Venezolano. Pasobra e situacion critico ta birando pió na Venezuela, Crus Cora ta preparando pa un plan di crisis pa refugiado. Diabierna pasa mes Wardacosta a detene binti Venezolano indocumenta na Corsou.

  • Cova: E sindicatonan na Corsou ta activa plan B awe nochi

    Cova:  E sindicatonan na Corsou ta activa plan B awe nochi

    WILLEMSTAD – E sindicatonan uni na Corsou lo anuncia nan plan B awe nochi 7’or na e edificio di PFC, durante un conferencia di prensa. E lider di e union sindical Errol Cova a lesa e contesta cu nan a ricibi di gobierno awe mainta 11’or, ora cu e ultimatum pa gobierno a vence. Pero basa riba e carta, a dicidi cu no ta papia y ta activa plan B. Sinembargo Cova no kier a anuncia kico e plan ey ta. Inicialmente e sindicatonan a canta welga nacional, pero despues a duna gobierno te cu awe mainta 11’or pa recapacita nan plan di accion, cu ta inclui retiro masal na UTS, aumento di prima pa seguro di auto y aumento di salario minimo. Foto cortesia Dick Drayer. 

  • Sindicatonan na Corsou a blokea caminda pa Willemstad

    Sindicatonan na Corsou a blokea caminda pa Willemstad

    WILLEMSTAD – Miembronan rabia di sindicato lo mester a bay den accion diamars, pero a cuminsa dialuna caba. Asina Dick Drayer di NOS na Corsou ta raporta awe ainta. Tur caminda cu ta dirigi pa centro di Willemstad for di Banda Bou tabata blokea awe mainta. Segun Drayer, no ta conoci si e sindicatonan mes ta sostene e blokeo aki. E accion total di diamars tabata dirigi contra e retiro masal na UTS y e aumento di prima di seguro di auto. Tambe tabata kier aumento di salario minimo. Fotos cortesia di Extra y TV Direct.

  • BDC1_cur
  • Powered by SETAR