- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
Partido combina UPP/PPA tambe a logra nan 578 firma
ORANJESTAD – Partido combina PPA/UPP a bira e di 4 partido pa logra acumula e cantidad di firma necesario di 578 pa por garantisa nan participacion pa e proximo eleccion di dia 22 di september. Riba e conteo oficial di 3’or, Censo a confirma e cifra aki. Un rato despues lider di UPP, Booshi Wever a manda un mensahe di gradicimento. “Nos ta gradici cada ciudadano cu a sostene e Lista PPA/UPP. E trabou ta continua pa manda e mensahe na un y tur: PPA/UPP ta e Alternativa Real pa seriedad, experiencia y innovacion den un coalicion. Nos ta determina y lo hiba un campaña riba nivel, sin populismo, sin manipulacion y sin fiestamento. Gobernacion ta algo serio”. Na e momentonan aki, ainda falta partidonan CURPA cu 231, MAS cu 210, y ABO cu 58. Partidonan tin te diamars otro siman 8:30 pm pa acumula e cantidad necesario di 578 firma.
Presion di CAFt a pone gobierno kita 16 miyon pa RWZI di e prespuesto
ORANJESTAD – Presion di e colegio di supervision financiero CAFt a pone gobierno di Aruba kita 16 miyon florin presupuesta pa e planta di RWZI. Asina e mandatario a confirma diabierna despues di su reunion cu director di DOW, Marlon Croes. Durante e reunion cu a trata mas tema, tambe a trata e tema importante di RWZI, no solamente e plantanan na Bubali, sino tambe RWZI Parkietenbos y RWZI Zeewijk. A papia riba e retonan cu tin cu esakinan y e importancia y e urgencia cu tin pa e privatisacion.
Condecoradonan a ricibi nan ‘cinta’ pa nan esfuerso y dedicacion boluntario na pais Aruba
ORANJESTAD – Manera cu Noticiacla a raporta anteriormente caba, diabierna 26 di april, un dia prome cu Dia di Rey, 18 ciudadano di pais Aruba a ricibi un Condecoracion di Rey Willem Alexander. E momento aki, ta conoci como Ocasion General, y ta relaciona cu e cumpleaño di Su Mahestad, Rey Willem-Alexander, cu ta esun cu ta otorga e condecoracion na e personanan cu a duna un contribucion special na e sociedad. Riba e mainta aki, 16 di e condecoradonan tabata presente pa ricibi nan Condecoracion Real di Gobernador di Aruba, señor Alfonso Boekhoudt, kende a splica dicon e personanan aki a bin na remarke pa un reconocemento asina importante. Dos persona no por a ricibi nan condecoracion, entre nan Nicole Hoevertsz cu ta den exterior pa compromiso deportivo. Potretnan cortesia di gobierno di Aruba.
Video: Ryçond Santos do Nascimento ta considera su entrada den AVP como un eror
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
Minister a anuncia mando nobo temporal na Cuerpo di bombero
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
Acuerdo di colaboracion entre instancianan di salud mental den CAS-BES reforsa
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
Gobierno y CAFT ta den proceso pa reemplaza actual miembro pa Aruba ora su termino vence
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Follow NoticiaCla
