Mericano acusa di e bommelding recien na Aruba, ta bringa bek

Posted on 08/6/2017 2:51 pm AST | Updated on 08/6/2017 2:55 pm AST

WASHINGTON – E Mericano cu a keda deteni recientemente na Aruba, sospecha di ta esun cu a haci e ‘mal joke’ di un bommelding den un avion cu a yega Aruba dia 27 di juli ultimo, a bay prensa mericano pa protesta. Jennifer Jones, un docente na Washington a relata na prensa Mericano con e y su amiga Derna Dickson a keda deteni na Aruba pa mas di 24 ora despues di e loke a sosode na aeropuerto. “Mi tabata spanta. Ta e cos mas horendo cu a sosode cumi den mi bida”. “Nos a keda deteni den exterior” el a sigui bisa. E ta conta cu un persona aparentemente a mustra riba nan, como e ultimonan pa a usa e baño a bordo, unda cu a haya e saco cu e palabra bomb ariba. “Nos a usa e bañonan patras, y e saco a wordo haya den e baño dilanti” e amiga a sigui bisa.

Jones y Dickson tabata entre e pasaheronan cu a wordo poni riba un bus, rondona pa Transportation Security Administration (TSA) y polis di Aruba. Ta eynan un hende a haci e ‘acusacion’. A pone nan cada un den un cel separa. Aunke cu a apunta un abogado pa nan, nan no por a tuma contacto cu embahada mericano segun nan version. Despues di 26 ora deteni, a laga nan liber sin wordo acusa. A label nan si como sospechoso criminal. SouthWest Airlines a confirma e incidente, y a bisa cu autoridad local di Aruba ta encarga cu e investigacion. “Nunca mas lo mi bolbe Aruba” Jones a bisa, despues di a bishita Aruba 4 biaha. “Y mi stima Aruba. E ta un lugar bunita. E hendenan ta bunita. Pero e forma cu ley ta na Aruba, no ta corecto” Jones a finalisa bisando.

E 'incidente' a causa basta problema pa Aruba y uno costoso. Por lo menos 5 aeroliña mester a wordo desvia pa Corsou, varios na Aruba a keda cancela, y aeropuerto a keda cera pa varios ora durante un momento crucial. 

Fuente y foto Channel 4 NBC Washington

  • Aruba riba lista gris di Union Europeo pa evasion di impuesto

    Aruba riba lista gris di Union Europeo pa evasion di impuesto

    BRUSELAS – Aruba y Corsou ta riba e lista ‘gris’ di paisnan cu ta un paraiso pa evasion di impuesto, segun un lista cu Union Europeo a publica diamars. Nan (Aruba y Corsou) tin te otro aña pa adapta leynan di impuesto, pa asina keda elimina di e lista. Por lo menos nan ta cooperando y a priminti pa sea adapta of elimina e ‘existencia di un regimen dañino di impuesto y tin cu haci esaki prome cu fin di 2018. Aparte di esey Union Europeo a publica un lista preto (blacklist) di 17 pais cu no ta cooperando cu esaki, unda cu tin paisnan manera Panama, Barbados y Sur Korea. Na e paisnan aki, e ley di impuesto ta di tal forma cu hende y compania por evadi nan obligacion fiscal. Segun ministernan di finanza di union europeo, nan ta ‘poco dispuesto’ pa yuda combadi evasion di impuesto. Straño ta cu paisnan cu ta conoci pa evasion di impuesto, manera Bahamas y Islanan Cayman, no ta aparece riba e lista preto aki. Fuente Union Europeo/NOS. Mira e lista completo AKI. 

  • Ex hefe di PDVSA Nelson Martinez y ex minister Eulogio del Pino deteni

    Ex hefe di PDVSA Nelson Martinez y ex minister Eulogio del Pino deteni

    CARACAS – Ex presidente di PDVSA y ex minister di petroleo Venezolano Nelson Martinez y Eulogio del Pino a keda deteni awe na Venezuela, dos dia despues cu a reemplasa nan cu miembro di militar. Siman pasa ainda un grupo di oficialnan halto di Citgo a keda deteni. Segun criticonan di e presidente Venezolano, ta cita cu nan ta posibel rivalnan presidencial cu por stroba e eleccion di e presidente otro aña.

  • Bloomberg: Trahadornan PDVSA ordena pa reduci gasto y costo cu 50%

    Bloomberg: Trahadornan PDVSA ordena pa reduci gasto y costo cu 50%

    CARACAS – E compania petrolero Venezolano PDVSA a bisa su empleadonan pa baha costo y gasto cu 50% , den un intento di austeridad pa refleha e crisis economico amplio, cu ta afectando e pais. Asina e agencia di noticia financiero Bloomberg ta raporta. PDVSA a yama varios unidad, subsidiario, joint ventures y staff pa tene nan mes na un lista largo di reforma cu ta traduci den corto den gasto, como parti di e ‘emergencia nacional economico’, sin afecta e produccion di crudo diario, segun un memo pa empleado, cu e agencia di noticia Bloomberg tin den su poder.

  • Presidente di CITGO Petroleum deteni na Venezuela pa corrupcion

    Presidente di CITGO Petroleum deteni na Venezuela pa corrupcion

    CARACAS - Autoridad Venezolano a desmantela un posibel clan di corupcion cu ta involucra hefenan halto di e filial di PDVSA, esta   Citgo Petroleum Corporation cu lo a solicita un fiansa sin autorisacion di e ehecutivo nacional. Asina  Fiscal General di Venezuela, Tarek William Saab a declara den un conferencia di prensa y cu a keda publica riba e portal nacional di informacion di e pais VTV (Venezolana de Television). A cera contracto di hasta 4 mil miyon di dollar, uzando CITGO como garantia 'comprometiendo e patrimonio di e Republica'. 

  • Aruba den top 10 destinacion internacional pa biaha pa Thanksgiving

    Aruba den top 10 destinacion internacional pa biaha pa Thanksgiving

    NEW YORK - Aruba ta den e top 10 destinacionan internacional pa Mericanonan biaha pa pasa nan 'Dia di Gracia', osea Thanksgiving e aña aki segun e portal Travel Weekly. Nan ta basa nan mes riba cifra di e Asosacion mericano renombra di biahe AAA. Otro 9 destinacionan ta Cancun, London, Paris, Puerto Vallarta, Tokyo, San Jose Del Cabo, Montego Bay, Roma, Nassau (Bahamas). AAA ta proyecta cu por lo menos 50.9 miyon Mericano lo biaha por lo menos 5 50 miya entre 22 pa 26 di november, cu ta e volumen mas halto di biahe desde 2005. Compara cu aña pasa, 1.6 mas mericano lo biaha pa e fechanan aki, cu ta un aumento di 3.3%. 

  • CDC: Aruba ainda entre paisnan den Caribe riba lista di riesgo pa Zika

    CDC: Aruba ainda entre paisnan den Caribe riba lista di riesgo pa Zika

    MIAMI – Aruba ta riba lista di paisnan den Caribe cu tin riesgo pa e malesa di Zika. Asina e centro Mericano pa control di malesa (CDC) ta bisa. A alerta damanan na estado pa evita islanan afecta pa horcan manera Anguilla, Antigua and Barbuda, Bahamas, the British Virgin Islands, Cuba, Dominica, Republica Dominicano , Guadeloupe, Haiti, Martinique, Puerto Rico, Saint Barthelemy, Sint Maarten, Turks and Caicos y US Virgin Islands pa motibo di e malesa basa riba muskita manera Zika, Dengue, y Chikungunya.

  • Powered by SETAR