Mericano acusa di e bommelding recien na Aruba, ta bringa bek

Posted on 08/6/2017 2:51 pm AST | Updated on 08/6/2017 2:55 pm AST

WASHINGTON – E Mericano cu a keda deteni recientemente na Aruba, sospecha di ta esun cu a haci e ‘mal joke’ di un bommelding den un avion cu a yega Aruba dia 27 di juli ultimo, a bay prensa mericano pa protesta. Jennifer Jones, un docente na Washington a relata na prensa Mericano con e y su amiga Derna Dickson a keda deteni na Aruba pa mas di 24 ora despues di e loke a sosode na aeropuerto. “Mi tabata spanta. Ta e cos mas horendo cu a sosode cumi den mi bida”. “Nos a keda deteni den exterior” el a sigui bisa. E ta conta cu un persona aparentemente a mustra riba nan, como e ultimonan pa a usa e baño a bordo, unda cu a haya e saco cu e palabra bomb ariba. “Nos a usa e bañonan patras, y e saco a wordo haya den e baño dilanti” e amiga a sigui bisa.

Jones y Dickson tabata entre e pasaheronan cu a wordo poni riba un bus, rondona pa Transportation Security Administration (TSA) y polis di Aruba. Ta eynan un hende a haci e ‘acusacion’. A pone nan cada un den un cel separa. Aunke cu a apunta un abogado pa nan, nan no por a tuma contacto cu embahada mericano segun nan version. Despues di 26 ora deteni, a laga nan liber sin wordo acusa. A label nan si como sospechoso criminal. SouthWest Airlines a confirma e incidente, y a bisa cu autoridad local di Aruba ta encarga cu e investigacion. “Nunca mas lo mi bolbe Aruba” Jones a bisa, despues di a bishita Aruba 4 biaha. “Y mi stima Aruba. E ta un lugar bunita. E hendenan ta bunita. Pero e forma cu ley ta na Aruba, no ta corecto” Jones a finalisa bisando.

E 'incidente' a causa basta problema pa Aruba y uno costoso. Por lo menos 5 aeroliña mester a wordo desvia pa Corsou, varios na Aruba a keda cancela, y aeropuerto a keda cera pa varios ora durante un momento crucial. 

Fuente y foto Channel 4 NBC Washington

  • Comediante legendario Jerry Lewis a fayece

    Comediante legendario Jerry Lewis a fayece

    LOS ANGELES - Conocido actor y comediante, e legendario Jerry Lewis (91) a fayece. Asina e medio TMZ a confirma diadomingo merdia. Den añanan 50 ela uni cu otro actor legendario Dean Martin, y forma un ekipo perfecto di cine. Un di su peliculanan mas conoci tabata 'The Nutty Professor'. Na 2009 ela ricibi e Oscar for Lifetime achievement award, y tin dos 'strea' riba e Hollywood Boulevard. Uno pa pelicula y otro pa television. 

  • Francesco Corallo di extradicion espectacular, pa huisarrest na Italia

    Francesco Corallo di extradicion espectacular, pa huisarrest na Italia

    ROMA – Conocido sospechoso Francesco Corallo (56) a yega Italia awe, escolta pa agentenan di SCIP, e International Police Cooperation Service di e Department of Public Security. Interesante ta cu despues di cu a detene na St Maarten y extradit'e, cu cara tapa, ela yega Italia y awor ta bou di ‘aresto domiciliario’. Asina media italiano catania a raporta awe mainta. “Despues di e formalidadnan a wordo atendi, na e oficina di forsa aereo di Fiumicino, e ‘Rey di Casino’ manera e ta wordo yama na Italia, ta suheto na obligacion di residencia, tin cu raporta na polis y tin un prohibicion di expatriacion’. ”

  • Atake terorista na Barcelona cu morto

    Atake terorista na Barcelona cu morto

    BARCELONA - -Un bus chikito a core drenta riba peatonnan den centro di Barcelona un rato pasa. E incidente a sosode riba Las Ramblas y autoridad ta papia caba di un atake terorista. Reuters ta raporta por lo menos 1 morto y decena di herido. Autoridadnan di rescate a pidi pa hende evita e Plaza de Cataluña y pa cera e metro. Fuente BBC.

  • Productornan di miniserie nobo riba Natalee Holloway, demanda legalmente

    Productornan di miniserie nobo riba Natalee Holloway, demanda legalmente

    NEW YORK – E miniseries nobo riba Natalee Holloway a percura pa un caso legal na Merca mes, segun e media TMZ. Nan tin informacion cu awor esnan cu ta responsabel pa e miniseries ta den problema. Edward Kramer a demanda Brian Graden Media y Lipstick, cu ta dos compania cu a produci e serie. Segun Kramer, nan a horta su idea, y cu ela traha pa ambos compania pa mas di un aña y no a wordo paga. Segun TMZ su informacion, Kramer kier pa blokea e serie – cu ta cuminsa diasabra awor – di bay den aire. Fuente TMZ. Foto cortesia CNN. 

  • Dave Holloway ta bisa cu tin prueba cu por resolve caso di su yiu

    Dave Holloway ta bisa cu tin prueba cu por resolve caso di su yiu

    NEW YORK/ORANJESTAD – Loke mester ta prueba nobo den e caso di desaparicion di Natalee Holloway 12 aña pasa, ta motibo pa bolbe trece e noticia (bieu) dilanti e siman aki. E pruebanan ta restonan loke mester ta un ser humano, cu posiblemente ta di e dama perdi. Sinembargo informacion cu NoticiaCla tin confirma, ta cu ta trata di un bestia y no un ser humano. Sinembargo, riba e canal di television NBC awe mainta durante e programa The Today Show, e tata Dave Holloway, ta sigura cu ta restonan di un ser humano. E caso di desaparicion di Natalee Holloway a sosode na mei di 2005 y cada bes ta bin mas informacion cu ta tene e storia aki bibo. 

  • Dos Arubiano deteni na Miami pa a trafica droga

    Dos Arubiano deteni na Miami pa a trafica droga

    MIAMI – Dos Arubiano (tata y yiu) ta deteni na Miami for di siman pasa diamars pa traficacion di droga, specificamente cocaina. Ta trata di e hombernan A.Croes (69) y J. Croes (31). E noticia mes a plama diadomingo, y a haya un tinte politico mesora ora cu a bira conoci cu nan ta familianan di campañadonan di partido geel esta MEP. Mesora lider di e partido heel Evelyn Wever Croes a reacciona, confirmando cu ta trata di familiarnan di campañadonan di MEP, pero cu e personanan deteni mes, no tin nada di haber cu e partido.

  • NoticiaCla Ad
  • Powered by SETAR