Aruba y Corsou a firma acuerdo riba tereno di recurso humano

Aruba y Corsou a firma acuerdo riba tereno di recurso humano

Posted on 08/3/2017 11:49 am AST | Updated on 08/3/2017 10:53 pm AST

WILLEMSTAD -   Recientemente Aruba y Corsou a firma acuerdo riba tereno di recurso humano. E ta un acuerdo importante di mutuo cooperacion riba tereno di recurso humano entre Aruba i Corsou a keda concretiza. Minister drs. ing. Armin Konket di e ministerio di Maneho di Gobernacion i Minister mr. Angel R. Bermudez di Finansa di Aruba a firma e acuerdo di colaboracion aki. E firmamento aki a tuma luga na Corsou na despacho di minister Armin Konket.

Considerando cu e 2 paisnan ta concede riba puntonan na bienestar di e area di recurso humano e 2 ministernan a sera e acuerdo aki. Puntonan manera un relacion particular riba e tereno menciona entre e 2 paisnan. Ta necesario pa profundiza i alaves un intercambio di conocemento, experiencia i ehecucion riba maneho di recursonan humano. E terser punto importante ta cu Aruba i Corsou lo promove e cooperacion bilateral atravez di intercambio di conocemento y experiencia riba e tereno di maneho di recurso humano den ambos pais. E Acuerdo di cooperacion aki ta drenta vigor na momento cu firma oficialmente e acuerdo. Anto tin duracion di tres (3) aña.

E dos mandatarionan ta sumamente contento cu e paso aki y ta kere firmemente den un esfuerso mas cu ta contribui na bienestar di tur nan empleadonan.

 

 

  • InselAir MD bek den operacion cu buelo nan comercial

    InselAir MD bek den operacion cu buelo nan comercial

    ORANJESTAD - Diaranson 11 di october 2017, InselAir den colaboracion cu autoridadnan di Aviacion Civil Corsou a cumpli cu tur e rekisitonan di ley pa por a certifica e avion MD (MDI). E vuelo di aceptacion cu a wordo haci tabata uno exitoso.

  • Boto na Corsou a pega candela ora di drenta pa mara

    Boto na Corsou a pega candela ora di drenta pa mara

    WILLEMSTAD – E boto Miss Ann "Justin" na Corsou a pega candela diasabra ora e ta drentando pa mara. Aparentemente ta e motornan a pega candela y causa daño na practicamente e boto completo.

  • A confisca yate luhoso na Bonaire riba peticion di Merca

    A confisca yate luhoso na Bonaire riba peticion di Merca

    KRALENDIJK/WILLEMSTAD - Dialuna 11 di september 2017 a confisca na Marina un yate luhoso na Bonaire. Esaki riba ordo di Ministerio Publico (OM) BES y ehecuta dor di funcionarionan di Recherche Samenwerkings Team (RST). RST a traha conhuntamente den esaki cu Wardacosta y Koninklijke Marechaussee (KMar) cu na nan turno tabata den contacto directo ku Afpakteam di Corsou cu ta traha den esaki tambe cu Bonaire.

  • Rey Willem Alexander a yega Corsou awe merdia

    Rey Willem Alexander a yega Corsou awe merdia

    WILLEMSTAD - Rey Willem Alexander a yega Corsou awe tardi. "E mensahe cu mi tin pa habitantenan di St Maarten ta lo siguiente: Nos ta consciente di loke a sosode cu boso, y nos ta haci tur lo posibel pa yuda tur hende cu mester di ayudo. Confia riba e ayudo", segun un relato den e portal Hulandes de Telegraaf.  E mensahe e Rey a bisa despues di su bishita na e servicio meteorologico di Corsou. "Mi t'ey pa prome investiga kico a pasa te cu awor, y kico e coordinacion for di Corsou kiermen". Ela bisa tambe cu e kier bishita hospital pa topa cu e victimanan di e horcan cu a yega for di St Maarten. 

  • Ultimo buelo InselAir pa St Maarten prome cu horcan Irma, cancela

    Ultimo buelo InselAir pa St Maarten prome cu horcan Irma, cancela

    WILLEMSTAD - E ultimo buelo pa St Maarten for di Corsou cu InselAir a keda cancela awe mainta. E buelo tabata programa pa sali mas tempran cu normal, debi cu aeropuerto di St Maarten lo a cera tempran pa horcan Irma. Sinembargo e avion a encontra problema techico cu no por a wordo drecha na tempo. Asina e aeroliña a informa den un comunicado. E problema tecnico tabata cu e asina yama Vertical Speed Indicator. Pa por a eherce e buelo, e problema mester a wordo remedia prome. Un trabou di normal un ora y mey. Pero sinembargo e situacion di tempo na St Maarten no a duna nan e 'luho' aki. "Bientonan riba e ruta tabata pronostica pa ta for di control pa por a opera e avion aki di un forma responsabel". E aeroliña a lamenta cu no por a opera e ultimo buelo pa St Maarten prome cu e yegada di e horcan Irma. Mester bisa cu riba e buelo aki tabatin periodistanan cu mester a cubri e horcan tambe. Foto cortesia Dick Drayer. 

  • Gregory Damoen miembro nobo di Cft di Corsou y Sint Maarten

    Gregory Damoen miembro nobo di Cft di Corsou y Sint Maarten

    WILLEMSTAD – Dia 1e di september Conseho di Minister di Reino a nombra Señor Gregory Damoen como miembro di Colegio di supervision financiero di Corsou y Sint Maarten na nomber di Corsou. Cu esaki Señor Damoen ta sigui Señor Alberto Romero, kende su plaso di nombramento a termina dia 1e di februari 2017.

  • BDC2_CUR
  • Powered by SETAR