Luis “Coco” Estrada un di e 3 nominadonan di Futbol Aruba

Luis “Coco” Estrada un di e 3 nominadonan di Futbol Aruba

Posted on 08/2/2017 10:48 am AST | Updated on 08/2/2017 10:49 am AST

ORANJESTAD - Luis Estrada mihor conosi como “Coco” a nace di 8 december 1989 na Caracas Venezuela. Luis “Coco” no tabata practica e deporte Rey na un edad jong pero mas bien tabata hunga baseball. Pero despues cu e la cuminsa practica futbol y unda na un edad relativamente hoben esta cu 17 aña e la bira profecional y a milita den diferente equipo na Venezuela.

Su trajectora prome cu a jega Aruba tabata como lo siquiente; Trujillanos FC, U.A. Falcon, Omega FC, Lara FC y Atletico Socopo FC. Despues di Atletico Socopo Luis Estrada a bin Aruba y a cuminsa hunga futbol pa su team di semper akinan na Aruba esta Sv Britannia.

Luis “Coco” Estrada ta un medio campista atacante di 27 aña di edad, ta midi 1.69 di haltura y ta pisa 60kg. Luis “Coco” Estrada ta hungando su di cuatro (4) campeonato pa Sv Britannia di Aruba. Pa locual ta e Campeonato tras di lomba esta 2016/17 Coco a hunga 26 wega cu Sv Britannia. Luis “Coco” a hunga 24 wega di cual un (1) wega e no a cuminsa como base y na tres (3) occasion e la wordo substitutie y di cual e tabata tin 10 cleansheet. Coco a score un total di 10 gol, cual golnan a wordo anota den weganan; vs Nacional 1x, vs Dakota 1x, vs Caravel 1x, Bubali 1x, vs Dakota 1x, vs Nacional 1x, vs Estrella 1x, vs Nacional 1x, vs Dakota 2x, E la haña 5 carchi geel y cero (0) carchi corra. Luis “Coco” Estrada a hunga 2172 (94%) minut durante full e campeonato, cual ta mas minut cu cualkier otro hungador den su team y sin conta Copa Betico. E la gana 15 wega (65%), empata 4 (16%) y perde 5 (19%) wega. Di e 61 golnan cu Sv Britannia a anota durante campeonato 2016/17 Luis Estrada a assist 65% cual ta un average masha halto como un medio campista cu ta assist cu ta termina den gol. E cualidadnan di mas grandi Luis “Coco” Estrada ta; Un medio campista cu ta defende, ataca y ta anota gol.

  • Exitoso resultado di ‘Curaçao Open 2017’ pa Shotokai Aruba

    Exitoso resultado di ‘Curaçao Open 2017’ pa Shotokai Aruba

    ORANJESTAD - Den fin di siman di 24 y 25 di november a tuma luga e campeonato internacional di karate, esta ‘Curaçao Open 2017’ organisa pa Curaçao Karate Bond. Na dicho campeonato a participa e karatekanan Janilaine Bello, Glendeline Croeze y Alejandro Gonzalez Lujan di e Asociacion Arubiano Di Karate-Do Shotokai, dojo Shocokan.

  • Italia ta domino durante ITF Aruba Open 2017

    Italia ta domino durante ITF Aruba Open 2017

    ORANJESTAD - Diadomingo ultimo, a yega su final, e evento mas grandi di deporte na Aruba y alabes e evento number uno di mundo, esta Beach Tennis Aruba Open 2017. Eagle Beach un biaha mas a keda chikito, cu sigur un alrededor di 2 mil hende riba e anochi final di e torneo aki

  • Beach Tennis Panamerican Championship 2017 a cuminsa

    Beach Tennis Panamerican Championship 2017 a cuminsa

    ORANJESTAD - Den un Tropicana Beach Tennis completamente yen, ITF conhuntamente cu Beach Tennis Aruba a haci e apertura official na e ITF Panamerican Championship pa e aña aki. Cu presencia di tur pais, cu excepcion di Bonairo kende nan vuelo no a yega na tempo, e desfile a tuma lugar.E anochi a habri cu un press conference caminda representante di ATA, Sra. Tita Iglesias, pa ITF tabata presente Massimo, Vini Font kende a representa e ekipo di Brasil como e ekipo campeon di 2016, Maud Celaire representando su ekipo di Aruba y na ultimo, e representante di Aruba Lawn Tennis Bond, Sr. Ronny Tchong.Pa a duna inicio official na e weganan Panamericano, e ekiponan di Bolivia, Ecuador, Chile, Puerto Rico, Colombia, USA, Venezuela, Argentina, Brasil y e team local di Aruba tabata bon representa. Un atmosfera increibel, cu presencia di bastante siguidor di e deporte di Beach Tennis, cu unicamente a segura tur presente, cu e aña aki un biaha mas, nan por spera hopi ambiente riba veld y pafor di e veldE prome weganan lo cuminsa diabierna mainta pa 9or y atardi lo cuminsa bek desde 5or te den anochi. Diasabra mainta 9or e weganan lo continua pa 9or di mainta y lo cuminsa bek den atardi pa 4or. E semifinal nan lo tuma lugar diadomingo pa 10or y tur e dianan y orario nan menciona lo tuma lugar na Tropicana Beach Tennis Club. Diadomingo atardi pa 4or lo cuminsa e finalnan, cuminsando cu e hubenil, sigui pa final di doubles female, doubles male y e anochi lo termina cu e final di mix doublesRIba e compilacion di potret por tuma nota di con e anochi a bay.

  • Coca Cola Nacional a keda na di 3 lugar den Copa ABC

    Coca Cola Nacional a keda na di 3 lugar den Copa ABC

    ORANJESTAD - E ekipo campeon di futbol division di honor di Aruba di aña 2016-2017, esta Coca Cola Nacional a competi den e A-B-C Cup na Boneiro y a keda na di 3 luga. Diabierna anochi nan a hunga contra Real Rincon y a perde e wega aki, mientras cu diadomingo nan a topa Uruguay di Boneiro. Nan a bay cu e victoria riba e team di Boneiro cu e score di 4-2 y asina a keda na di 3 luga.

  • Sv Britannia Total Finance/Bright Bakery ta gana Riverplate 2-1

    Sv Britannia Total Finance/Bright Bakery ta gana Riverplate 2-1

    ORANJESTAD - Diasabra anochi tabata tin continuacion di campeonato di AVB ora cu e pumanan esta Sv Britannia Total Finance/Bright Bakery a topa cu e muchanan di Madiki esta Riverplate. E alinacion di Sv Britannia tabata ta; Arthur Werleman, Carl Geerman, Rodymar Paesch, Carlos Caro, Glembert Kock, Nino Ulises, Renier Paraez, Luis Estrada, Jean-Marc Farro, Hugo Martina y Rafy Godoy. Den e prome 30 minutnan di wega Sv Britannia Total Finace/Bright Bakery a domina e wega completo y ta anota 2 gol trempan den wega. E prome gol a wordo anota pa Luis "Coco" Estrada cu ta bai laga ariba banda robes y ta fusila e keeper di Riverplate na di 7 minut di wega pa e 1-0. Ta na di 27 minut di wega ta e propio Luis Estrada cu ta bai laga atrobe banda robes y ta duna un voorzet pa Rhaf Godoy kende no ta basila y ta slice pa anota e di 2 gol pa Sv Britannia bai ariba 2-0. Na di 35 minut di wega Riverplate ta hana un free kick y aki ta unda cu Kendric Paulina ex-hungador di Britannia cu ta tuma e tiro liber na su cuenta y ta anota e gol di corta ventaha pa Riverplate y hasi e wega 2-1. Nos por menciona cu na di 22 minut di wega e defensa central di Britannia esta Rodymar Paesch ta leciona na su hamstring y mester a bandona tereno. For di e momento ey nos por a wak cu e defensa di Britannia a perde confiansa y no tabata asina stabil mas. Den di dos tempo Riverplate a bin por la coma pa empata e wega y nos por bisa cu si no tabata pa Arthur Werleman cu a trese algun salbacion y stroba Riverplate di empata e wega. Cambionan cu Sv Britannia Total Finance/Bright Bakery a hasi ta; Alex Moreno a drenta pa Rodymar Paesch na di 22 minut, Luis Murillo a drenta na lugar di Glember Kock na di 46 minut, Leyon Croes a drenta pa Hugo Martina na di 76 minut, Moises Castro a drenta na lugar di Alex Moreno na 76 minut y Wim Oosthoek a drenta na lugar di Rhaf Godoy na di 87 minut. Cu e score di 2-1 tambe refree de Leca ta caba e wega y asina Sv Britannia Total Finance ta bai cas cu e 3 puntonan y asina e pumanan ta acumula 7 punto den 3 wega. 

  • Move-a-thon en conexion cu dia di diabetes

    Move-a-thon en conexion cu dia di diabetes

    ORANJESTAD - Diabetes ta un problema hopi grandi riba nos isla: 16.24% di e poblacion Arubano ta sufri di Diabetes versus 8.33% di e poblacion di mundo. 50% di pacient di Diabetes no ta na altura cu nan ta sufri di esaki (ainda) y pa e motibo aki no ta tuma of ricibi cuido medico. (https://www.pwc.com/gx/en/industries/healthcare/casestudies/diabetes-in-Aruba.html).

  • Powered by SETAR