Luis “Coco” Estrada un di e 3 nominadonan di Futbol Aruba

Luis “Coco” Estrada un di e 3 nominadonan di Futbol Aruba

Posted on 08/2/2017 10:48 am AST | Updated on 08/2/2017 10:49 am AST

ORANJESTAD - Luis Estrada mihor conosi como “Coco” a nace di 8 december 1989 na Caracas Venezuela. Luis “Coco” no tabata practica e deporte Rey na un edad jong pero mas bien tabata hunga baseball. Pero despues cu e la cuminsa practica futbol y unda na un edad relativamente hoben esta cu 17 aña e la bira profecional y a milita den diferente equipo na Venezuela.

Su trajectora prome cu a jega Aruba tabata como lo siquiente; Trujillanos FC, U.A. Falcon, Omega FC, Lara FC y Atletico Socopo FC. Despues di Atletico Socopo Luis Estrada a bin Aruba y a cuminsa hunga futbol pa su team di semper akinan na Aruba esta Sv Britannia.

Luis “Coco” Estrada ta un medio campista atacante di 27 aña di edad, ta midi 1.69 di haltura y ta pisa 60kg. Luis “Coco” Estrada ta hungando su di cuatro (4) campeonato pa Sv Britannia di Aruba. Pa locual ta e Campeonato tras di lomba esta 2016/17 Coco a hunga 26 wega cu Sv Britannia. Luis “Coco” a hunga 24 wega di cual un (1) wega e no a cuminsa como base y na tres (3) occasion e la wordo substitutie y di cual e tabata tin 10 cleansheet. Coco a score un total di 10 gol, cual golnan a wordo anota den weganan; vs Nacional 1x, vs Dakota 1x, vs Caravel 1x, Bubali 1x, vs Dakota 1x, vs Nacional 1x, vs Estrella 1x, vs Nacional 1x, vs Dakota 2x, E la haña 5 carchi geel y cero (0) carchi corra. Luis “Coco” Estrada a hunga 2172 (94%) minut durante full e campeonato, cual ta mas minut cu cualkier otro hungador den su team y sin conta Copa Betico. E la gana 15 wega (65%), empata 4 (16%) y perde 5 (19%) wega. Di e 61 golnan cu Sv Britannia a anota durante campeonato 2016/17 Luis Estrada a assist 65% cual ta un average masha halto como un medio campista cu ta assist cu ta termina den gol. E cualidadnan di mas grandi Luis “Coco” Estrada ta; Un medio campista cu ta defende, ataca y ta anota gol.

  • Aruba ta gana Bonaire den futbol Concacaf U-15 na Merca

    Aruba ta gana Bonaire den futbol Concacaf U-15 na Merca

    BRADENTON - Seleccion di Aruba U15 a gana e ekipo di Bonaire cu score di 1-0 den un penalty anota pa Julian Arends, y asina logra pasa pa e siguiente buelta. Nan proximo encuentro ta diabierna aunke e contrincante no ta conoci ainda. Fotos cortesia Nilton Lacle/297 Sports.

  • Aruba ta gana St Maarten den wega U-15 na Merca

    Aruba ta gana St Maarten den wega U-15 na Merca

    BRADENTON  - Despues di a perde nan prome wega 3-2 contra Cayman Islands, e ekipo di futbol U15 di Aruba awe a gana e ekipo di St Maarten cu e score di 4-2. Aruba ta den e grupo G cu ta Cayman Islands, Aruba, St Maarten y Bonaire. Foto cortesia Nilton Laclé. 

  • Cayman Islands ta gana Aruba 3-2 den wega U-15

    Cayman Islands ta gana Aruba 3-2 den wega U-15

    BRADENTON – E ekipo di Cayman Islands U-futbol 2017 di CONCACAF a habri e campeonato diadomingo cu un victoria preta riba Aruba cu e score di 3-2. E hungador Corey Smith tabata e factor decisivo ora cu el a hinca e goal decisivo. Aruba ta sigui awe cu mas wega. Foto cortesia Nilton Lacle.

  • Competencia windsurf na Islas Canarias favorabel pa Sarah-Quita

    Competencia windsurf na Islas Canarias favorabel pa Sarah-Quita

    STA. CRUZ DI TENERIFE - Na e archipielago di Islas Canarias cu ta un total di 7 isla e ultimo competencia a tuma lugar. Desde comienso di Juni Sarah-Quita ta biaha pa Gran Canaria unda e ta continua cu su entrenamento den e disciplina di Ola y Freestyle pa ta bon prepara pa e 6 siman di competencia. E promer competencia na Pozo Izquierdo, Gran Canaria ta den e disciplina Ola. E resultado no tabata loke Sarah-Quita a spera. Aki e ta keda na di 5 lugar. E siguiente competencia den freestyle ta na Fuerteventura unda e biento tabata nuclear ta supla entre 35 pa 40 nudo. E tension y presion cu Sarah-Quita mester a soporta tabata nunca bisto. E lucha tabata pa mantene su record di no a perde ningun manga ni evento desde 2008. E evento tawata decisivo unda e demanda mental, emocional tawata grandi. Sinembargo Sarah-Quita ta logra gana y captura su di diez titulo mundial sigui den freestyle. Pa termina e trayecto di Islas Canarias ta sigui pa Sta. Cruz di Tenerife unda na el Medano e competencia den ola ta continua. Dos eliminacion ta ser realiza. Den e promer eliminacion Sarah-Quita ta elimina manera pacman tur su contrincantenan cu e ta topa ariba su caminda pa finalmente enfrenta Daida den semi-final. Lastimamente Daida door di un salto ta lesion su mes durante e penultimo manga y no por nabega mas. Di e manera aki SQ ta hanja su mes na posicion #1. E condicion di olanan y biento ta varia enormemente cu ta causa cu mester cambia e tamanjo di vela continuamente. Den e Segundo eliminacion e biaha aki Sarah-Quita ta enfrenta e otro morocho cu ta Iballa Moreno cu su dia anterior el a bati. Iballa ta ariba un mision pa defende su propio titulo y di su ruman Daida. Tanto Sarah-Quita como Iballa ta bataya duro durante 16 minuut y Iballa to logra gana e manga. Apesar cu Iballa a gana e tin cu bati Sarah-Quita 2 biaha cu ta bira un super final. Iballa ta logra y ta bira e ganador di e evento na Tenerife y Sarah-Quita ta bira di dos y e unico regatista tanto den categoria masculino y femenino cu no ta procedente di Spaña ariba podium. Cu e resultado aki Sarah-Quita ariba ranking mundial den e disciplina ola ta na #3 lugar y den disciplina di slalom na #1 y den freestyle e ta campeon mundial pa di 10 biaha. Pa awor aki e tin 13 titulo mundial acumula ariba su nomber.  

  • Ben Weider Caribbean Classic Aruba 2017

    Ben Weider Caribbean Classic Aruba 2017

    Oranjestad - Aruba a tene e evento renombra di bodybuilding y fitness, esta e Ben Weider Caribbean Classic Aruba 2017. Diasabra durante henter dia a tuma lugar e evento di Ben Weider Caribbean Classic Aruba 2017 den e ballroom di Marriott Aruba Resort and Stellaris Casino. Un evento di bodybuilding y fitness cu sin duda a haya su acohida, mirando cu un total di 90 participante, e mayoria den nos region a bin Aruba specialmente pa competi na e magno evento elite aki. Pa prome biaha nos dushi isla a conta cu un evento di taya mundial manera e Ben Weider y cu a conta cu presencia di e presidente di e federacion internacional di bodybuilding y fitness IFBB, Dr. Rafael Santonja.

  • Seminario Explosion Karate di Karate Do Shotokai pa varios scol

    Seminario Explosion Karate di Karate Do Shotokai pa varios scol

    ORANJESTAD - Recientemente a tuma luga (weekend di 5 y 6 di augustus) den Compleho Deportivo Frans Figaroa e seminario ‘Explosion Karate’ organisa door di e Asociacion Arubiano di Karate Do Shotokai, dojo Shocokan Karate Do Aruba. Tabata un atardi hopi activo unda diferente scol di karate a participa na e seminario.

  • NoticiaCla Ad
  • Powered by SETAR