Ex gobernador di Aruba yudando pa drecha relacion entre Statia y Hulanda

Ex gobernador di Aruba yudando pa drecha relacion entre Statia y Hulanda

Posted on 07/31/2017 10:53 am AST | Updated on 07/31/2017 11:25 pm AST

ST. EUSTATIUS- Ex Gobernador di Aruba Fredis Refunjol mester yuda trece paz entre isla di St Estatius y Hulanda. Asina e raportahe di e corant St Martin Daily Herald a raporta. Sr Refunjol ta forma part di e comision di sabio, hunto cu e otro miembro Jan Franssen cu a haya e tarea di gobierno di Hulanda pa ‘drecha’ e relacion aki. Siman pasa e miembronan di e comision a bishita e isla pa un siman pa wak si nan ta logra nan meta. Durante nan bishita nan a purba haya mas tanto informacion pa por logra nan meta. “Nos a ricibi hopi informacion. Awor nos tin cu absorba e informacion y pensa riba solucionnan cu nos por propone, ora cu nos traha nos raport.” Franssen a bisa. E rapport mester keda cla pa 1 di october. Mientrastanto combersacionnan ta planea cu entre otro CFT, representantenan di varios ministerio di gobierno di e isla, y asina nan por logra haya nan informacion necesario. Na september e ‘hombernan sabio’ lo bolbe Statia pa busca mas informacion, pa por completa nan proposicion y crea condicion pa por implementa nan solucion.

REFUNJOL

Segun Refunjol, nan a bin purba haya ambos partido pa papia y haya un solucion. “Pasobra e manera cu cos ta aworaki, no ta bon. E no ta bon, no pa e islanan, no pa e pais, pues nos miho esfuerzo ta pa purba y cera e buraco”. A compronde cu e gobierno local no kier a sinta cu e ‘sabionan’. Nan a bisa cu nan a purba via diferente ruta, pero nan a wordo rechasa finalmente.

E ISLA

E isla ta riba un rumbo di confrontacion cu Hulanda, y no ta cooperando cu peticionnan haci pa e gobierno Hulandes. For di tempo cu Statia ta cay directamente bou di Hulanda como un di e islanan BES, nan tin problema cu e forma con Hulanda ta anda cu nan. Fuente y foto: St Maarten Daily Herald.

  • Avion di Pawa pega 2 dia na Haiti cu e pasaheronan Hulandes

    Avion di Pawa pega 2 dia na Haiti cu e pasaheronan Hulandes

    PORT AU PRINCE – Un avion di PAWA Dominicana Airlines, efectuando buelo pa Winair, y cu cantidad di pasahero ‘Hulandes’ ta pega na Haiti for di diamars ultimo. Autoridad di Haiti a ground e avion debi na e pagonan atrasa di Pawa di gasoline. Den un declaracion di Winair riba nan website, nan ta admiti cu nan a haya nan mes memey di un situacion cu nan no tin parti di dje, pero cu a haya nan mes involucra toch. Nan mester a cancela nan buelo di diamars, y ta purbando di resolve e asunto. Te cu awe mainta, ainda e caso no ta resolvi. A pidi despensa pa e inconveniencia y a atende cu e pasaheronan di e miho forma posibel. A compronde cu ta trata di e.o. personal di gobierno Hulandes staciona na e.o. Bonaire, cu no ta bula InselAir debi na e prohibicion cu tin ainda. Como tal nan mester bula cu otro aerolineanan. Pero awor ta resulta cu hasta e ‘alternativa’ tin problema.

  • Pareha Real impresiona cu bishita na Isla Riba

    Pareha Real impresiona cu bishita na Isla Riba

    PHILLIPSBURG – E tabata hopi impresionante pa ta bek y wak loke a sosode den tres luna despues di e desaster cu a keda atras. Na palabra Rey Willem Alexander na su despedida for di Isla Riba diasabra. Hunto cu su casa Reina Maxima, el a bishita e tres islanan y pone su mes personalmente na altura di e situacion actual, despues cu e mes a bishita e islanan 3 luna prome. E ta hopi impresiona cu e determinacion di e habitantenan, y tambe a toca e tema di e fondonan cu e isla lo por haya proximamente pa reconstruccion. E pareha real, banda di e trabounan cu nan a haci, tabatin tempo pa pasa bon, duik, y tambe na final te hasta toca steelband. Informacion y foto cortesia Dick Drayer/NOS. 

  • Parke solar STUCO oficialmente habri na St Eustatius

    Parke solar STUCO oficialmente habri na St Eustatius

    ORANJESTAD - E parke solar di STUCO  a keda habri awe pa e representante di Reino Hulandes  Mr. Gilbert Isabella, STUCO CEO Mr. Fred Cuvalay y comisionado di Energia Mr. Derrick Simons.

  • Gabinete Marlin II a entrega retiro na St. Maarten y ta bay eleccion

    Gabinete Marlin II a entrega retiro na St. Maarten y ta bay eleccion

    HARBOUR VIEW- Gabinete Marlin 2 a entrega nan retiro na gobernador Eugene Holiday y a entrega un carta, cu e fin pa disolve parlamento y yama eleccion pa januari 2018. Asina e portal di St. Maarten, Daily Herald ta raporta. Gobernador Holiday a confirma cu el a ricibi e carta di retiro y ta confirma cu e retiro ta basa riba e mocion di desconfiansa pasa pa parlamento di dia 2 di november. El a acepta e peticion di retiro, pendiente e formacion y instalacion di un gobierno interino. Mes momento Holiday a ricibi un decreto nacional pa yama eleccion nobo y disolve Parlamento pa fin di januari 2018. Potret ta cortesia Daily Herald. 

  • Parlamento di St Maarten a manda prome minister Marlin cas!

    Parlamento di St Maarten a manda prome minister Marlin cas!

    PHILLIPSBURG – Parlamento di St Maarten a manda gobierno di e isla cas diahuebs. Por lo menos e prome minister William Marlin y algun otro minister a wordo retira cu un mocion di desconfiansa.”No ta mucho cla kico t'ey sosode awor. Mi ta bay studia e situacion awor” secretario di estado Hulandes pa asuntonan di Reino Raymond Knops a declara despues. No ta sigur si lo forma un gobierno nobo of si ta bin eleccion nobo aki tres luna. Tampoco ta sigur si e coalicion ‘nobo’ si lo ehecuta e mocion di e parlamento ‘nobo’ cu si ta aproba e condicion cu Hulanda a pone pa St Maarten haya ayudo financiero pa reconstruccion di e isla despues di e dos horcannan cu a pasa recientemente y destrosa e isla. E dos condicionan ta instalacion di un camber di integridad y cu Hulanda kier tuma e control di frontera over. Foto cortesia John Samson.  

  • OM: No ta persigui parlamentario Van Putten penalmente

    OM: No ta persigui parlamentario Van Putten penalmente

    ORANJESTAD - Ministerio Publico (OM) BES a dicidi cu no ta start un investigacion penal relaciona cu e declaracionnan di politico di Sint Eustatius, Clyde van Putten. E declaracionnan cu el a haci na Corsou dia 9 di october 2017. Fiskal Mayo di OM BES a dicidi esaki y a pone mientrastanto e denunciante na altura di e decision.

  • Powered by SETAR