Desvelo di monumento di Aruba Lions Club dilanti airport

Posted on 07/29/2017 11:53 am AST | Updated on 07/29/2017 11:56 am AST

ORANJESTAD – E siman aki Lion Maiky Croes, life member, prensa y miembronan di Aruba Lions Club a hasi desvelo di e monumento nobo di Aruba Lions Club. E actual president, Lion Bibi Arends a dirigi palabra na e publico presente mencionando entre otro cu Aruba Lions Club ta celebrando e aña aki su di 70 aña di existencia. Pa shete decada Aruba Lions Club ta ofreciendo servicio gratuito na e comunidad di Aruba. Tambe cu Lion Internacional ta celebrando su di 100 aña di existencia.

Pa e acto historico aki a pidi un Lion Sr. Maiky Croes, cu tin casi 40 aña caba cu ta haciendo trabao voluntario . Fellow Maiky den pasado a cubri tur funcion den club, tabata zone chairman, past president y awor life member. Maiky a desvela e monumento y Aruba Lions Club a laga traha un plachi cu su number conmemorando e dia maraviyoso aki.

Por ultimo Aruba Lions Club ta gradici tur instancia y persona cu a yuda pa haci esaki un realidad. Aruba Lions Club lo sigui trha pa comunidad di Aruba y ta anuncia cu lo bay tin mas actividad pendiente pa e aña Leonistico aki relaciona cu e celebracion di 70 aña y ta pidi pa pueblo en general keda pendiente.

 

  • Rincon Boyz ta cla pa pone ambiente diabierna awo

     Rincon Boyz ta cla pa pone ambiente diabierna awo

    ORANJESTAD - Diabierna dia 13 di october e Paranda di Balashi a inicia hunto cu e apertura di Na Drempel di Fin di Aña y pa 10 siman largo e bandanan Grupo di Betico y Rincon Boyz lo ta tocando na diferente luga. Diabierna awo 20 di october ta e di dos siman cu Paranda di Balashi ta continua na Mangel Halto.

  • Sinterklaas ta yega Aruba dia 19 di November

    Sinterklaas ta yega Aruba dia 19 di November

    ORANJESTAD -E temporada di mas dushi di e aña ta yegando. E muchanan ta pendiente cu e yegada di Sinterklaas y pa cu esaki Aruba Bank un biaha mas ta contribui. Sinterklaas lo yega Aruba dia 19 di November 2017 y lo drenta na waf pa 10:00am.

  • Smac y polis a tene nan prome reunion pa temporada di carnaval 2018

    Smac y polis a tene nan prome reunion pa temporada di carnaval 2018

    ORANJESTAD - SMAC a sinta hunto cu Korps Politie Aruba (KPA) pa asina discuti e temporada di Carnaval 64. Durante di e reunion SMAC tabata representa pa miembronan di su Directiva, Presidente Sra. Henriquez y Secretaris Zuleika Wever, como tambe delegacion di KPA cu tabata encabesa pa Sra. Gordon y Sr. Soemers y acompaña pa representantenan di districto di San Nicolas, Oranjestad y Sta. Cruz.

  • Love Festival ta divulga su ‘Music Boulevard’ pa su evento

    Love Festival ta divulga su ‘Music Boulevard’ pa su evento

    ORANJESTAD – Love Festival ta divulga su ‘Music Boulevard’ pa su evento. Den su edicion 2017, e festival di organisacion local cu proyeccion internacional, ta trece awo e ‘Music Boulevard.’ E concepto aki ta bay crea riba tereno di Harbor Arena e dianan 3, 4 y 5 di november proximo, un strip di stagenan, cada un ofreciendo otro ambiente.

  • Kiwanis Club na Aruba a instala directiva 2017-2018

    Kiwanis Club na Aruba a instala directiva 2017-2018

    ORANJESTAD- Diasabra ultimo durante un cena special, den e elegante ballroom di Hyatt Aruba Regency Resort & Casino, Kiwanis Club of Aruba, Kiwanis Club of Palm Beach y Kiwanis Club of Young Professionals Aruba a bini hunto pa prome biaha, pa instala directiva nobo pa e aña Kiwanistico 2017-2018. Despues cu sra. Aurora Dijkhoff, sr. Gilmar Chejito Croes y sr. Bryan Nemecek a habri oficialmente e anochi, a sigui e himno di Aruba canta pa Kelsey Westerburger. A continua cu e invocacion, lesa pa Patricia Salcedo, di Kiwanis Club of Aruba. E obhetivonan di Kiwanis International, presenta pa Richard Roy di Kiwanis Club of Palm Beach, pa despues sigui cu un brindis special pa tur Kiwanettes, Kiwanettos y tur invitados, cu ta sostene nan pareha den nan labor pa comunidad como miembro di e clubnan di Kiwanis na Aruba. E parti aki tabata presenta pa Carl Quant di Kiwanis Club of Young Professionals Aruba.

  • Yiu di Christie Brinkley como modelo na Aruba den fin di siman

    Yiu di Christie Brinkley como modelo na Aruba den fin di siman

    ORANJSTAD – Conocido modelo Sailor Brinkley Cook tabata na Aruba den fin di siman hunto cu su famoso mama Christie, pa un fotoshoot pa e edicion cotiza di Sports Illustrated, cu ta esun di trahe di baño. E modelo di 19 aña a keda nombra como ‘nobato’ di e edicion di luna pasa, a pasa su fin di siman na Aruba pa e trabou importante aki, generando mes momento un publicidad enorme pa Aruba. Ya caba por a tuma nota di algun foto y video cu ta circulando di su bishita na Aruba.

  • Powered by SETAR