(ADVERTORIAL)
ORANJESTAD - Op=Op Bargain Store ta rumbo pa Oranjestad, pa su di dos sucursal, na Dakota, despues di a disfruta di un apertura caluroso y entusiastico na Savaneta solamente tres luna pasa. E ceremonia casual di cortamento di cinta ta planea pa 21 di Juli, cuminsando pa 9’or di mainta, y lo wordo presenta pa Director Gerente Lennert van der Poel, y su ekipo di empleado cu ta cla pa yuda.
E famoso cadena Hulandes ofreciendo producto di cuido personal, limpiesa di cas y producto di salud, na prijsnan atractivo di descuento grandi, a habri riba e caminda principal na Savaneta, y a bira un hit instantaneo. Siguiendo e exito di e prome ubicacion aki, v/d Poel a anuncia cu varios otro tienda di Op=Op lo ta habriendo den futuro na otro sitio popular riba e isla. E cadena despues tin planea di expande tambe pa e islanan bisinja di Corsow y Boneiro.
E iniciativa pa traha hunto cu e cadena Hulandes Op=Op, ta uno di e Aruba Growth Fund, cual ya caba ta maneha cinco Botica di Servicio riba e isla.
Gerencia di e Aruba Growth Fund a aserca Op=Op Hulanda na 2016, y a bai di acuerdo pa establece un cooperacion akinan. V/d Poel a splica cu gerencia di e Aruba Growth Fund tabata impresiona pa e imagen di e tiendanan di Op=Op y pa e variedad inmenso di mercancia cu nan ta ofrece na prijsnan rasonable,
Op=Op a wordo crea na Klazienaveen, Hulanda, na 1997. E cadena ta enfoca riba e benta di articulo di botica, producto di limpiesa y detergente, tur ta bin di marca internacional principal. E marca a cuminsa cu tres sucursal y awo ta maneha 128 tienda na Hulanda, dunando trabou na 900 hende. E dos sucursalnan di Op=Op Aruba ta disfruta di e mesun disenjo di interior y e mesun imagen cu nan afiliado Hulandes, y e productonan ta bin regularmente y directamente di Hulanda pa Aruba, cu articulo nobo tur siman. Ademas di un variedad amplio di shampoo, conditioner, desodorante y detergente di top marca, productonan di Op=Op ta wordo ofreci pa clientenan tanto masculino como femenino, hoben y madura.
Op=Op consistentemente ta ofrece un descuento skerpi, pa tur producto diario y frecuentemente uza. Articulonan ta wordo bendi empaketa hunto, 3 pa 5 producto den un pakete, cu descuento substancial; mas bo cumpra, mas bo ta spaar. Bo ta invita pa bishita e Op=OP Dakota Bargain Store, yena bo garoshi di compras cu e marcanan mas popular na mundo pa e MIHO prijs.
ORANJESTAD - Den e prome kwartaal di 2024, por spera cifranan prometedor y solido pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA ta raporta diahuebs. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’.
ORANJESTAD – Diahuebs 14 di maart, Minister di Turismo y Salud Publico Sr. Dangui Oduber a ricibi un invitacion pa bishita Aruba Boutique and Art Hotel cu lo habri nan porta dia 1 di April 2024. Un boutique hotel nobo den curason di Palm Beach cu lo forma parti como miembro di e marca Best Western Signature Collection.
ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.
MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.
ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio.