ORANJESTAD - Ling & Sons ta contento di anuncia cu e aña aki lo tuma lugar un bes mas e grandioso kidsfest event. Evento aki ta tuma lugar diasabra 29 di juli di 10’or di mainta te cu 5’or di atardi na unda cu tur mucha ta invita pa participa.
Evento aki ta gratis pa henter famia. Lo tin masha hopi actividad pa muchanan manera dinojump, carousel, gladiator ring, trampolin, wega estilo di kermis, Micky I Minnie I moana tambe lo tey presente.
Evento aki ta uno na unda henter famia por bin pasa un dia hunto agradabel. Pa mayornan Ling & Sons lo pone mesa cu stoel den area fresco pa asina e mayor por relax mientras e muchanan ta hunga.
Den tienda mes lo tin varios tastings y e supermercado lo tin su Back to school sale. Clientenan por probecha di offertanan special riba productonan di back to school.
Ademas di esaki Ling & Sons den transcurso di e evento lo organisa diferente wega y competencia na unda muchanan por gana premio.
Pa mas informacion bishita lingandsons.com of facebook.com/lingandsons.
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
ORANJESTAD - Den e prome kwartaal di 2024, a conta cu cifranan prometedor pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA, a bisa den un comunicado. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.
ORANJESTAD – Aruba (y Corsou) ta figura den e top 5 di hafnan pa barconan crucero segun e portal cruisefever.net. Ta considera Aruba esun mas conoci di e islanan ABC, segun e portal. E haf di Aruba ta popular pa cruceronan cu itinerario di 8 pa 12 dia. E beachnan blanco, historia colonial, y e seguridad ta motibonan pa e escogencia aki. No descuida pa e oportunidad di compras tambe. Corsou tambe ta figura den e top 5 na di ultimo lugar, esta #5 compara cu Aruba cu ta na number 2. E edificionan colonial tambe y e ciudad Willemstad, e rifnan colorido y e cafenan interesante tabata motibo suficiente pa scohe e isla tambe. E prome pais den Caribe ta St Maarten, sigui pa Aruba, Grand Cayman, San Juan y Corsou.